澳門小炒皇

OcP_Fact finder_Info Sharer 2 months ago

Late June 2026 Authentic Macau and Cantonese cuisine and self promoting specialties in stir-fried dishes. The menu definitely promotes dishes often using the stir-fry method and the dishes are thus made well this way. Notably, this type of cuisine can be a bit oily which is why it pairs well with alcohol. The menu is quite varied and does try to garner a wide range of diners as well. The portion sizes are ample while the size of the individual pieces of serving such as the crab and the pigeon is a bit on the smaller size, however, the cooking was at par. The service staff is attentive and some basic English speaking personnel are available. Complimentary wifi posted but not accessible at times it seems The basement located establishment is a bit old and has many Macau accents and has a more drinking place vibe. Very casual and very informal which suits most on the go diners.

HeungHeung_foodelights 3 months ago

呢間位於尖沙咀地鐵站附近，以為係普通茶餐廳的食物。試過原來係非常有鑊氣的澳門小炒，令我非常驚嘆！ 餐廳裝修好特色，地下用上澳門及葡式的瓷磚，平日下午都吸引好多遊客同打工仔過來！ 1）薑蔥大肉蟹 - 巨型大蟹，三至四人一齊食絕對足夠。蟹肉鮮甜，非常厚肉，一梳梳。用薑蔥炒，非常惹味，亦留得住蟹味。 2）咖喱牛腩飯 - 餐廳招牌菜，咖哩用上唔同香料調配，十分香濃，牛腩炆得軟淋，牛筋q 彈，薯仔入味，送飯一流！ 3）砂鍋雲吞雞 - 上枱時熱辣辣，雞用上雞髀肉，十分嫩滑，啖啖肉，雲吞用上鮮蝦雲吞，大大粒，蝦肉爽彈，湯頭好有胡椒味，用娃娃菜及粉絲作配料，非常美味！ 4）澳門燒鴨（例）- 好好彩得到脾位，好有廣東味道，皮脆肉嫩，油光十足，鴨肉火喉剛剛好，肉汁澎湃。 5）豉油皇鵝腸 - 鵝腸處理得十分乾淨，冇異味，用豉油調配，鵝腸炆得十分入味，亦十分爽脆！ 6）腰果翡翠炒蝦仁 - 上枱時色澤好靚，腰果爽脆，西芹炒得香甜，蝦仁炒得十分爽口。

Iris Yuen 4 months ago

話說前排同班朋友聚會，想搵間坐得舒服、嘢食又有特色嘅地方，朋友就推介咗呢間喺尖沙咀嘅「澳門小炒皇」。餐廳喺地庫，一落去嘩一聲——地方勁大，裝修充滿澳門特色，冷氣夠晒涼，坐低傾計食飯一流！ 講返啲嘢食： 🦀 避風塘炒大肉蟹 – 呢個係鎮店之寶！隻蟹超大隻，肉厚實又鮮甜，避風塘蒜粒炸到金黃香脆，少少辣勁惹味，連啲蒜碎我哋都清晒，攞嚟送飯或送酒簡直無敵。 🐔 特色燒雞 – 外皮脆到咔嚓聲，雞肉嫩滑多汁，唔使點醬已經好夠味，似係先醃後燒，仲有陣陣蜜糖香。 🍍 菠蘿咕嚕肉 – 酸甜平衡得好好，咕嚕肉外脆內軟，菠蘿夠新鮮，三色椒又爽口。 🥦 西蘭花炒玉帶 – 帶子鮮甜，西蘭花爽脆，炒得夠鑊氣但又唔油膩，清清地中和返其他濃味菜。 🍛 葡式乾免治牛肉飯 – 澳門fusion嘢真係有一手！牛肉碎炒到乾身香口，加埋薯仔粒、洋蔥、蛋黃，撈飯食一流，仲有少少葡式香料味，好特別。 🍚 葡式鴛鴦蝦炒飯 – 有齊鮮蝦同蝦乾，雙重口感，飯底炒得粒粒分明，帶啲咖喱香氣，唔會太濕，正。 🥢 XO醬鴛鴦牛肉炒河 – 呢個有驚喜！用咗牛柳片同牛脷片，XO醬炒得香辣惹味，河粉滑溜唔斷，乾身有鑊氣，推介！ 🥧 葡式蛋撻 – 酥皮好薄好脆，蛋漿滑嫩又香甜，仲熱辣辣上枱，雖然已經好飽都要食兩件。 🍔 迷你菠蘿包 – 細細個好得意，菠蘿皮脆甜，包身軟熟，當飯後小點心啱啱好，小朋友一定鍾意。 總括嚟講，「澳門小炒皇」係一間有誠意嘅地庫餐廳，坐得舒服、價錢親民、嘢食大碟又好味，尤其鍾意食蟹同fusion小炒嘅朋友一定要試。尖沙咀嚟講算係性價比極高，已經諗定下次約另一班朋友再嚟食過！

Rabbit0804 4 months ago

尖沙咀鑊氣十足小菜 今日同爹哋媽咪食飯，喺尖沙咀搵咗間有鑊氣、坐得舒服又可以大聲講嘢開心share嘅小炒店。 薑蔥炒大肉蟹 勁大隻，見到好興奮。個蟹鉗大得超誇張，而且鮮甜。薑蔥味勁香，蟹肉飽滿，而且蟹肉入味。d薑蔥好惹味，夠晒鑊氣。 碧綠蝦仁玉帶 蝦仁爽脆，配爽口西芹，清清地但好有鮮味。 豉油皇大蝦 蝦大隻，肉質爽彈，豉油皇超香，鹹甜適中，蝦殼帶焦香，好惹味。 腰果燒汁茄子炒牛肩脊 牛肩脊軟嫩有牛味，燒汁甜甜鹹鹹，茄子吸汁，加埋腰果香脆，送飯一流。 紅燒豆腐班腩煲 上枱仲「滋滋」聲，斑腩厚肉冇腥味，豆腐滑溜。 澳門炒飯 粒粒分明，配料好足，有蝦仁，燒肉，葡國腸，魷魚，橄欖等等。類似蝦醬的香氣突出，超好味。 紅豆冰 紅豆份量足，好腍，奶味香滑，少甜少冰剛好解膩。 葡撻 酥皮層次分明，蛋漿香甜帶焦糖香。

Chansfoodie hk 5 months ago

今日同屋企人去咗尖沙咀一間好有風味嘅地庫小炒店。呢度主打澳門風味同大牌檔小炒，葡式地磚好有澳門嘅感覺。原本以為尖沙咀依一區食飯會好貴，點知呢度嘅大肉蟹同燒雞真係性價比極高！ 我地食咗： 🦀 薑蔥大肉蟹 ($428) 絕對係今晚嘅主角！肉蟹非常大隻，蟹肉厚實飽滿，食落鮮甜彈牙。薑蔥炒得極之入味，將蟹嘅鮮味完全帶咗出嚟，每一啖都係驚喜。 🍗 葡式燒雞 半隻 ($128) 皮脆肉嫩，帶有微微嘅葡式香料味，味道比起一般炸雞更有層次感，半隻份量啱啱好，連平時挑剔嘅屋企人都話好食。 🥩 鐵板京蔥醬爆牛肩脊 ($128) 上枱時熱辣辣、滋滋聲，鑊氣爆棚！牛肩脊切得厚薄適中，醬汁濃郁，配埋京蔥嘅清甜，非常惹味，簡直係白飯殺手。 🐸 生啫四季豆田雞煲 ($138) 用瓦煲上枱，保溫效果一流。田雞肉質滑溜，四季豆吸收晒田雞同醬汁嘅精華，爽脆入味。 🍚 澳門炒飯 ($79) 飯粒炒得粒粒分明，配料豐富，帶有一種淡淡嘅鹹魚香同蝦仁鮮味，就算食到飽晒都忍唔住裝多碗。 🍋 鴨屎香檸檬茶 ($27) & 鹹檸檬水 ($22) 食完咁多惹味嘢，飲返杯茶底醇厚嘅鴨屎香檸檬茶或者生津解渴嘅鹹檸水，即刻清晒油膩感。 總結 喺尖沙咀鬧市可以食到咁有鑊氣、料鮮味美嘅小炒真係好難得。特別推薦大肉蟹同鐵板牛肩脊，絕對係水準之作。整體消費每人三百蚊左右，食到咁多款式特色菜式，真心覺得抵食，係家庭聚會嘅首選！ 評分環節（10分滿分） 味道： 8.8/10 環境： 7.8/10 價格： 8.5/10（總計 $986，人均消費約 $329） 澳門小炒皇 (尖沙咀) 📍尖沙咀樂道40-46號華源大廈地庫