聚鳥亭

Lam Ho Ming 2 years ago

今日臨時比frd 帶左黎食依間日式火鍋店，話要傾心事，我當然即刻奉陪，不過就唔太肚餓🤣 裝潢都有日本feel，尤其每盞燈既貼紙都唔同，好有心思🤓 ✨日式雞白湯 $138 雖然係日式，見到紅棗+雞依個黑白配既組合，都以為有藥材味好重🤓但我錯了，雞白湯湯底味道濃郁，雞肉精華充分釋放，有淡淡嘅甜味，口感又幾順滑😋 湯底嘅清澈度幾高，入口感覺滋潤。如果係冬天入就更加正，超暖胃！除左一開頭都飲之外，就算落左其他材料，去到最後飲，味道都無變到🤪而且店員都會幫手加湯，值得一讚❗️ ✨澳洲M4和牛頸脊 $168 澳洲既牛打邊爐都成日食，不過依款M4和牛頸脊感覺再嫩滑一d😎依個grade唔係最頂級，但依個價錢做到肉汁豐富且味道鮮美既感覺，都收哂貨👍🏻脂肪分佈幾均勻。我自己另外一半鐘意蘸自己調既醬汁，生蒜炸蒜豉油，perfect😆 ✨丸拼盤 $128 開頭以為係手打既丸，食落又應該唔係🤔但係魚蛋有魚腐味道，同平時食又有d唔同；牛丸都唔錯，會爆汁；魚皮餃皮好薄，餡料都好食。其他就係普普通通🧐128黎講有d貴，如果係手打我覺得都ok哈哈 ✨娃娃菜 $58 娃娃菜清甜爽脆，尤其係吸收哂湯底精華😁唔需要蘸任何醬汁都夠哂，熱辣辣，份量都可接受，不錯

Foodie HKger 2 years ago

HK Style Chicken Pot was prepared by order. Fragrant spices, customized spiciness. Savory sauce which wasn't too sweet. Moist and tender chicken. After finishing the chicken, the staff added some boiling hot chicken soup into the pot so we could put more ingredients inside to cook. The soup was pretty rich and creamy. Dumpling from James Noodle was a giant one as big as an oyster filled with crunchy black fungus with minced pork and shrimps. Every bite was satisfying. Also ordered fish cake which was already flavorful enough without dipping any sauce. Crown daisy was the perfect veggie to soak up the delish soup.

Steve Au 2 years ago

尖沙咀樓上鋪一向美食多，今次黎左呢間位於寶勒巷嘅邊爐小店 日式雞白湯 湯底清甜，放上大量杞子+紅棗，飲幾啖湯暖胃得黎，尤其養生！ 鮑魚 (凍食前菜) 一片片薄切嘅鮑片，新鮮彈牙，配上少量檸檬汁，更有提鮮作用！ 澳洲M4和牛頸脊 和牛雪花均勻，淥10-15秒放入口，入口即化，牛肉鮮味十足！ 日本有機雞扒 雞髀肉大大舊，既嫩滑，又新鮮彈牙～ 配上豉油醬汁食一流！ 手打蝦滑 蝦滑新鮮即製，食到有粒粒蝦肉，口感幾彈牙！ 海鮮拼盤 分別有鮮蝦、鮑魚、蜆 鮑魚大大隻，食落去好鮮甜，千奇唔好煮太耐，否則會太靭咬唔開 蜆肉亦好十粒，食唔到有任何沙石，師傅清洗得好乾淨！ 鮮蝦有成10幾隻！每隻蝦都鮮甜！ 粟米 全因佢鮮甜嘅味道同埋爽脆口感，用黎打邊爐重會令湯底鮮甜啲添！ 皇帝菜 打邊爐之選！前面食多左肉，食返D蔬菜中和一下飽膩感 武藏拉麵 (熟) 一上菜係已經煮熟左既拉麵，再淋上火鍋湯底，就可以即刻享用！ 拉麵口感彈牙，配上雞白湯汁，更提升一個高層次！

meowcp kaka 2 years ago

收工後繼續跟朋友覓食，朋友話有間新開嘅和風火鍋想試味。聽講湯底係由餐廳自家熬制，飲得又可以打邊爐。 餐廳湯底主打日式湯底，有豬骨湯、雞白湯、鯛魚湯，以為食緊拉麵😂好特別 又有高質食材打邊爐，龍蝦、蟶子王、M5和牛等 朋友唔喜歡吃牛同海鮮所以都無叫到🥲🥲 醬料方面有柚子汁、豉油、薑燒汁以及其他日常配料，柚子汁同薑燒汁係十分少見。 港式風味雞煲半隻$188 佢哋係即order即煮，所以都要啲時間上菜，今次揀咗中辣。雞到了十分香氣撲鼻，見到有好多配料去炒雞，流晒口水🤤 雞肉熟度剛好，肉質爽彈。味道十分夠，夠辣好惹味 無叫錯👏🏻 日式雞白湯$98 落咗大蔥、杞子去煲，感覺好養身🤣 飲落去微微雞湯，唔會好濃。啱啱食完濃味雞煲最適合配個養生湯烚下烚下～ 娃娃菜$58 份量都多，菜好新鮮 手打蝦滑$58 十分彈牙，不過唔太食到蝦粒🥹 鵝腸$58 食呢啲最緊要清洗乾淨，腸腸都大條肥美 白鱔$88 鱔片肉質彈牙，好食 雀巢檸檬茶$15 礦泉水$10

Kristy So 2 years ago

星期五晚，去左尖沙咀新開既日式火鍋店。一開始店員就會拎定醬料架比你，各式各樣醬料咩都有，仲有柚子醬油。先黎叫左個鹽漬鮑魚，好爽口，好開胃。 去到發現原來呢到係有雞煲食架。所以一黎就叫左港式風味雞煲(半隻)，我唔太食得辣，見到呢到既雞煲有得簡唔辣，真係太好。雞煲原先已經炒熟炒熱左，所以一上，就可以食。雞件嫩滑，醬汁濃味，特別係D洋蔥都吸曬汁! 本身仲以為好似港式食法，食完雞煲，原鍋倒湯打邊爐。但呢到係再轉另一個鍋，今日簡左日式雞白湯，湯底有D漿口，感覺好濃郁既雞湯味! 澳洲M5和牛板腱 油花分佈均勻，肉質軟嫩得黎富有彈性，特色是中間有一條嫩筋，碌完之後，口感香彈、更有層次! 娃娃菜永遠都會係打邊爐時出現，好吸汁好好食。 今次仲叫左蟹籽丸! 食得超級飽肚。