Boticario Bar & Grill

delish_ hk 2 個月前

假日嚟咗尖東海旁吹住海風食飯，夠晒寫意。咁啱餐廳仲播緊世界盃賽事重播，可以邊食邊睇。晚市套餐$298@有前菜、主菜同甜品，重點係主菜揀牛扒都唔洗加錢，都算抵食。 雞肉凱薩沙拉 以清爽羅馬生菜為基底，加埋鯷魚嘅鹹鮮、濃郁嘅巴馬臣芝士同香脆麵包粒，味道平衡。 烤阿根廷香腸 香腸烤到外皮帶微微焦香，一啖咬落去肉汁流出，鹹香煙熏味同清香嘅阿根廷青醬，意外哋好夾。 阿根廷西冷牛排(6盎司) 五成熟嘅牛扒火候控制得啱啱好，切開肉中心呈完美嘅粉紅色。入口肉質軟嫩多汁，點阿根廷青醬食又可以中和返油膩感。 海鮮燉飯 入面有魷魚、八爪魚同蝦幾款海鮮，用白酒汁燉煮，米粒軟硬適中，而且每一粒都吸收晒海鮮同白酒汁嘅鮮味，每一啖都係濃郁嘅海洋風情。 Churros Churros炸到金黃酥脆，面頭沾滿肉桂糖，加埋焦糖牛奶醬，香甜嘅味道同酥脆口感形成強烈對比，夠晒邪惡。 雪糕或雪葩（2球） 另外一個甜品要咗雪糕，有多款口味可以揀，我哋叫咗開心果雪糕拼青檸雪葩，開心果雪糕香濃奶滑，青檸雪葩就清爽酸香。 Sailor Moon $128 邊睇波最啱叫返杯酒飲，呢杯熱情果Tequila加入青檸汁同西柚梳打調配嘅cocktail，酸甜中又帶有微辣嘅後勁。 Sober Zombie $88 唔飲酒都可以叫呢杯以紅莓汁、椰子糖漿同菠蘿汁調配嘅飲品，味道充滿熱帶風情。 。 。 Boticario Bar and Grill (尖沙咀) 尖沙咀麼地道66號尖沙咀中心地下5號舖及UG樓15號舖 。 。

G Leung 2 個月前

⚽️ 尖沙咀海旁深夜狂歡！世盃期間餐廳開到清晨6點！🍻 世界盃越嚟越緊張，約咗朋友去尖沙咀海旁搵間bar睇波，搵到呢間有維港景嘅餐廳，裝修幾特別，融合咗藥房同南美風情，影相幾靚。 食物主打阿根廷菜，叫咗雞肉凱薩沙拉，菜幾新鮮；烤阿根廷香腸配青醬，肉汁豐富幾惹味。海鮮燉飯有魷魚、八爪魚同蝦，鮮味幾出。伊比利亞豬胛心肉肉質嫩滑，呢個幾驚喜。最後食埋朱古力布朗尼配雪糕，完美收尾。 佢哋由即日起至7月20日延長營業到清晨6點，深夜睇波都冇問題。Happy Hour仲去到夜晚9點，早到嘅話可以飲住等開波。 仲有個集印章活動，S&S Hospitality會員去指定餐廳儲齊「法、義、阿、巴」四個印，就可以換$500用餐券，約多幾個朋友一齊玩都幾開心。 整體嚟講，呢度氣氛唔錯又有靚景，如果想搵地方睇波食好西，呢間可以考慮，記得提早訂位！ 📍Boticario Bar and Grill 尖沙咀麼地道66號尖沙咀中心地下5號舖及UG樓15號舖 #世界盃直播餐廳 #尖沙咀美食 #阿根廷菜 #香港探店

katrina 3 個月前

🍽️ Classic Brunch ($198/位) 呢個Brunch包咗前菜、主菜同甜品~ 🐟 Tuna Ceviche 吞拿魚刺身配上紅洋蔥、青瓜、車厘茄、墨西哥辣椒，作為前菜夠哂清爽。 🥟 Beef Empanada 第一次食阿根廷牛肉餡餅，外皮炸到金黃酥脆，配埋 Gaucho Sauce 帶點香草味，食落幾惹味😚。 🥗 Chicken Caesar Salad 羅馬生菜配埋鯷魚、麵包粒同 Parmesan 芝士~ 🥩 Argentinian Ribeye 12oz (+$188 升級) 今次主菜加錢升級12oz阿根廷肉眼扒，牛扒外層有明顯Grill Marks，配埋滑溜薯蓉同特製香草青醬，好滿足😚~ 🍕 Pizza Argentinian Chorizo 阿根廷香腸薄餅配番茄醬同滿滿嘅 Mozzarella Cheese🍕，仲加咗d 香草青醬喺上面好特別😮。一齊share食就岩岩好啦😛。 🍰 Selection of 2 Homemade Desserts 甜品有兩款自家製甜品，朱古力brownie同芝士蛋糕。份量唔會太過大件，飯後食啱啱好

Miruki 3 個月前

早排同朋友去咗尖沙咀 Boticario Bar & Grill，一入去真係以為自己搭咗飛機去咗外國度假咁！🏝️ 個環境 Chill 到爆，唔打返十張八張相真係對唔住自己！📸 呢餐 Set Dinner 誠意滿滿，食到我哋舔舔脷 🥗 Classic Caesar Salad：唔好以為普通沙律就係咁易，佢個羅馬生菜勁新鮮翠綠，配埋金黃色脆麵包粒同巴馬臣芝士，口感超豐富！重點係鳳尾魚完全唔腥，連平時怕魚味嘅我都話掂！ 主菜方面，真心有驚喜 🥩 Grilled Sirloin：一上枱嗰陣陣炭烤味真係好邪惡！牛扒表面煎得勁焦香，切開仲有好多肉汁，配埋個阿根廷青醬嘅草本香，食完一啖即刻解膩，完全唔覺得油膩！🌿 🍝 Seafood Linguine 個車厘茄汁好濃郁，意粉掛汁效果一流，食落酸酸甜甜好開胃！入面啲海鮮（魷魚🦑、八爪魚🐙、大蝦🦐同青口）多到好似唔使錢咁，個個都咁彈牙新鮮！🍅 飲嘢時間到～🥂 🌙 Sailor Moon Passionfruit Tequila 做基底，再配埋青檸汁同西柚梳打，酸酸甜甜仲帶點微醺感，簡直係主菜嘅 Best Friend，飲落去勁 Refresh 🍹 Sober Zombie 雖然係 Mocktail，但有蔓越莓🍓、椰子糖漿🥥同菠蘿🍍，味道清甜到好似飲緊果汁咁，飲完心情即刻靚晒，女仔一定鍾意！❤️ 總括嚟講，呢度無論係慶祝紀念日定係想同閨蜜嚟 Chill 下都無得頂，成晚感覺真係好 Relax～想搵地方「洗滌心靈」？嚟呢度就啱啦！✨

foodiez 4 個月前

尖沙咀海旁阿根廷菜 環境舒適牛扒Juicy 在尖沙咀P出口的海旁，可看到璀璨的維港景色，店內裝修走經典西式風格，還有大電視直播球賽，不少外國人在喝酒聊天，環境很Chill 點了SHARING SET DINNER,每位$398 MAINS GRILLED SIRLOIN 烤阿根廷西冷扒 配阿根廷青醬 西冷扒肉質緊實，經炭火烤後散發濃郁焦香，入口時先感受外層焦脆，內裡柔嫩多汁，口感豐富 SEAFOOD LINGUINE 海鮮扁意粉 意粉彈牙，蝦仁、青口等海鮮帶來鮮味，伴隨蕃茄汁香氣，令人食指大動 STARTERS PROSCIUTTO HAM & MELON 18個月熟成帕爾馬火腿 配火箭菜、哈密瓜、烤榛子及意式黑醋汁 CLASSIC CAESAR SALAD 凱撒沙律配羅馬生菜、酸豆、鳳尾魚、炸麵包塊及巴臣芝士 兩款沙律份量充足，HAM & MELON是經典咸甜配搭，凱撒沙律每片菜都沾滿醬汁，配上大片大片芝士，好吃 STEAMED BROCCOLINI 西蘭花配芝麻醬 西蘭花熟度剛好，保持爽脆口感 DESSERTS DARK CHOCOLATE BROWNIE 黑朱古力布朗尼香草冰淇淋 熱騰騰的布朗尼口感濃密紮實，黑朱古力的苦香與甜味交織 CHEESECAKE 芝士蛋糕 芝士蛋糕質地細膩綿密，入口即化