C2 Lab

foodiez 1 個月前

深水埗人氣高質西餐 足料又好吃 深水埗少見的高質西餐，門口有大隻Iron Man非常醒目，平日都坐滿 ，記得先訂座 點任何主菜，可+$108任選1前菜+1湯 蒜香白酒煮澳洲藍青口 青口鮮甜嫩滑，蒜香與白酒的芳香交織，湯汁濃郁層次豐富 牛尾湯 牛尾經長時間熬煮，湯底濃郁，入口溫潤，牛肉香氣與蔬菜甜味相互融合 花竹蝦、蝦乾微辣蕃茄意粉 $178 必點，意粉吸收蕃茄醬汁的酸甜與蝦汁的鮮香，微辣刺激味蕾，花竹蝦肉質爽彈，既有海鮮的清新又帶有濃烈的口感 低溫慢煮美國和牛面頰配薯蓉 $278 和牛面頰經10小時低溫慢煮，肉質軟嫩入口即化，膠質感十足，牛味濃郁

Wong Noriai 2 個月前

今晚四人用餐，主菜叫左個橡果黑毛豬、M5和牛肉眼、帶子蟹肉意大利飯同油封鴨脾。 黑毛豬同意大利飯好味，鴨脾我個人就覺得驚喜同好食，同行友人就意見落差很大，肉眼就不過不失正常發揮，係有筋比較難咬。 餐湯有牛尾湯同黑松露忌廉湯，我就揀左牛尾湯，和一般常見的牛尾湯唔同在沒有落蕃茄、茄醬和茄膏，都好好飲的。 頭盤還有燒粟米八爪魚、鵝肝多士和油甘魚都好有水準。 最後還點了甜品，有意大利芝士蛋糕和心太軟，前者好食夠香濃，後者就一般了，畢竟火候比較難控制。 是晚人均五百，不算貴的，交足貨的，整晚用餐過程都很愉快，環境企理乾淨，值得推薦。 優惠期間，抽獎中左一隻免費生蠔。

Acc 3 個月前

點咗份燒美國熟成豬鞍，肉質厚身帶微粉紅色，咬落軟嫩。大啡菇牛肝菌意大利飯嘅菇香非常濃郁，質地Creamy。 凡惠顧主菜加$108/$88仲可以配埋牛尾湯同精緻前菜。最後整返個清新嘅檸檬雪葩🥰

Cyril Chan 5 個月前

深水埗原來 📍 藏住間咁正嘅西餐實驗室 🧪，講緊嘅就係呢間 C2 Lab，呢度裝修走簡約工業風 🏭，充滿現代感 ✨。 ​呢度最正係個組合優惠 💰，凡惠顧主菜，+$88 可以任選一款前菜 🥗，或者 +$108 就有齊前菜同埋湯 🥣，都幾抵食 😋！ ​一嚟到先飲杯 Mocktail 🍹，C2 Punch 味道酸酸甜甜，充滿果香，冰涼感十足 ❄️，鍾意飲酒嘅呢度都有好多選擇 🍷。 ​意式薄切油甘魚 🐟 配橘子甜醋 (Hamachi Carpaccio) 呢道前菜幾有驚喜 🤩，油甘魚厚切，肉質鮮甜肥美 👏。最正係個橘子甜醋 🍊，酸度啱啱好，帶出咗魚肉嘅鮮味 🤤，食落好清新 🌿！ ​牛尾湯 🥣 熬得非常濃郁，牛尾肉已經煲到軟軟腍腍 🥩，啖啖清香，飲完個人暖笠笠 ☀️。 ​鮮蟹肉 🦀 北海道帶子紅花意大利飯係重點推介 🌟 之一，帶子煎得表面金黃，入面仲係好嫩滑，Risotto 🍚 索晒紅花忌廉汁嘅香氣 🥛，口感 creamy 得嚟仲有唔少蟹肉添，每一啖都係海洋嘅味道 🌊，層次好豐富！ ​燒美國熟成豬鞍 🥩 配燒烤汁用咗經過熟成處理 🔪 嘅豬鞍去整，肉質特別鬆軟且肉味濃郁。師傅火候 🔥 控制得好好，外皮帶微焦香，切開仲好粉嫩多汁 👍，點埋特製 BBQ 汁，十分之美味！ ​成餐飯 🍴 由前菜到主菜都感受到廚師 👨‍🍳 嘅用心，絕對係深水埗嘅高質西餐 💎 之選！

Arnold Tsang 6 個月前

上網見好多人都推薦呢一間餐廳，咁我同老婆都鍾意食意大利菜，咁就諗住試吓。今晚我6:00去到，見到間餐廳一個人都冇個心仲驚驚哋以為中伏。好彩最後我哋食得好開心咁樣走。 我哋叫咗二個頭盤係油甘魚，一個牛肉他他，主菜就叫咗個焗羊膝配唔記得咗咩嘢嘅飯同埋一個卡邦尼意粉，四道菜全部都做得好出色，我特別鍾意油甘魚因為佢嘅做法好突出魚嘅鮮味。同埋佢哋價錢都唔係特別貴。去到最後我哋仲加咗個蟹肉牛油果撻同埋一個椰子雪糕甜品。 總括嚟講，除咗支紅酒以$420一支可以靚少少之外，其他菜式真係做得好好😍