Cassina Furniture, Hong Kong

Emily Lo 2 年前

平時好少去中環，不過因為今日要同朋友交收，所以先專登過去。 完全唔熟中環呢個地區，而且亦都唔太信OpenRixx嘅評語，朋友今日都叫我可以去吓中環街市嗰邊睇吓食少少嘢。 事實去到嘅時候，我都有食魚蛋嘅😂 但難得去到中環又即管周圍行吓，確實港島區都有佢哋自己唔同嘅特色。 無耐經過The Cafe@Cassina，其實初初自己有少少confuse，因為見佢哋又有傢俬又好似可以飲咖啡食嘢咁。諗起Ikex 😂 咁當然係唔同Level啦..最後我都係持住八卦嘅心態走咗入去。雖然我唔信OpenRixx嘅評語，但都我有走去望吓人哋影嘅食物相。 起初我點咗一杯Macha Lette同埋All Day Breakfast，因為當時2點幾無咩客人，我就問咗Staff同意下參觀吓同影相。不過我都無睇傢俬價錢。純粹覺得好特別好型格。之後上網睇番先知係意大利品牌？ 但係飲品同食物真係好新鮮好好味。仲要咁嘅價錢喺中環區真係好抵 (不過有D可惜無Set點，食物飲品都要單獨Order的) 重點係地方好Chill，完全無壓力好Relax，期間都有幾個外國人分別入嚟飲嘢傾偈。 起初我都以為麵包佢哋預先買定整比客人，我問過Staff麵包係佢哋自己整，估唔到。 臨尾，好爭扎想Order埋Fruit Yogurt，見OpenRixx好多人影😂雖然飽飽哋就照再Order..好驚喜。原來生果上面加咗蜜糖，我食咗1-2啖，個男職員都問我夠唔夠蜜糖，真係好細心。生果同Yogurt中間夾雜咗好似綠色瓜子同卜卜脆，我唔太知咩嚟😂但令到整體口感好豐富。 有機會再去中環區一定會再幫襯。 由於完全唔熟路，之後先發現呢間The Cafe其實喺朋友公司隔離街咋😂😂 連朋友都唔知The Cafe嘅存在😂😂

Ng Chun Ting 2 年前

The Cafe @ Cassina係意大利著名傢俬店Cassina旗下既咖啡店，所以餐廳既傢俬相當時尚型格，尤其係吧枱，吧枱用紅磚砌成，帶俾人一種粗礦既感覺，無論同地板同牆身既配搭都好和諧🤩 - Lobster Sauce Pasta 長通粉軟硬程度煮得啱啱好，而且好掛汁，每條長通粉都吸滿濃郁既龍蝦汁。另外仲有三隻彈牙鮮甜既大蝦😋 - Proscuitto Stick 帕爾馬火腿味道幾甜美，唔會話太過鹹，火腿既脂肪入口即溶，包住入面既麵包棒一齊食比起蜜瓜既配搭更加出色👍🏻 - Earl Grey Chocolate 朱古力夠香濃，尾韻有淡淡伯爵茶香，令人難以忘記😍 - Iced Latte 第一次見到用酒杯上latte，感覺更高級🤩，咖啡同牛奶比例幾啱我口味。 雖然餐廳位於中環，但價位一啲都唔「中環」，以上每款食物同飲品都好鍾意❤️。另外餐廳仲可以俾客人進行party、甚至舉行煮食課同私人晚會🥳，價錢係$3000以上。

Elaine Lau 2 年前

放假同朋友嚟到the cafe@Cassina😊一間意大利高級傢俬品牌Cassina的咖啡廳 Cafe環境超靚 木系風格，所有擺設都好高質。令人感到非常舒適悠閑。食物質素有驚喜 性價比好高。絕對值得推介。 🥢All day breakfast with Avocado $98 豐富的全日早餐，滑蛋、香腸蘑菇、蕃茄仔、薯蓉、新鮮沙律菜、酸種包，仲有我最愛的牛油果 🥢Greek yogurt $68 希臘乳酪配上香蕉、士多啤梨、藍莓及燕麥 水果夠新鮮，乳酪都好幼滑，配搭味道好夾 又健康 推介 🥢Chocolate Chip $30 好濃郁的朱古力曲奇 外脆內軟 🥢Cappuccino $48 拉花好靚 陣陣的咖啡香，好幼滑，好啱我口味 🥢Dirty $52 Dirty 兩層咖啡，一冷一層，整體感覺好醇滑 好特別

P F (peggie.dailylife) 3 年前

意大利頂級傢俱品牌Cassina全球首間品牌咖啡店登陸中環，Cafe主要供應咖啡、輕食和甜品，餐桌椅都用上自家品牌系列，感覺高級又富時尚感。 ꗯ̤̮Prosciutto Sticks🥖 ($88/4pcs) Prosciutto的鹹香與Breadsticks的香脆非常配合，份量比例亦剛剛好，適合作為餐前小食。 ꪔ̤̮All Day Breakfast with Avocado🥑 ($98) 除了有新鮮的沙律菜和牛油果，還有香滑的炒蛋和炒得爽脆的蘑菇。Sourdough Toast加上芝一起烘焗，外皮香脆，內裡保持綿密煙韌。 ꗯ̤̮Apple Tart🍎 ($48) 蘋果批即叫即焗，酥皮酥脆帶點牛油香，表面鋪上新鮮切片蘋果，整體味道不會太甜。 ꪔ̤̮Earl Grey Chocolate (Hot)🍫 ($55) 香濃的朱古力與清香的伯爵茶結合，味道非常獨特。 ꗯ̤̮Hojicha Latte (Hot)☕️ ($55) 焙茶味濃郁，杯面的拉花圖案亦美得像藝術品般。

Foodie Erai 3 年前

龍蝦忌廉汁大蝦長通粉 賣相：🐧🐧🐧🐧🐧 味道：🐧🐧🐧🐧🐧 長通粉口感煙韌富彈性，軟硬適中，每條都掛滿鮮香濃郁的龍蝦忌廉汁，入口奶滑中帶一抺海水的鹹香，滋味絕佳。 大蝦數量頗多，每隻都肥美厚肉，入口鮮嫩多汁，爽滑彈牙，令人食不停口。 抺茶戚風蛋糕 賣相：🐧🐧🐧🐧🐧 味道：🐧🐧🐧🐧🐧 戚風蛋糕口感鬆軟度高，空氣感十足，既爽口又細緻。蛋糕甜度不高，富有清澈豐富的抺茶味，散發著淡雅的茶香，每一口都令人難忘。 Espresso Tonic 賣相：🐧🐧🐧🐧🐧 味道：🐧🐧🐧🐧🐧 飲料以濃縮咖啡作基底，再加入湯力水和冰塊製作而成。濃烈的咖啡味配上湯力水獨有的甘甜，味道相當平衡，感覺意外地清爽，夏日消暑醒神必飲。 🐧❣️值得一提，杯墊採用了柔軟的意大利真皮喲🤩 環境：🐧🐧🐧🐧🐧 Cafe 由意大利傢俱品牌Cassina 營辦，四處都融入了品牌手工傢俬，用心精緻的裝橫給人一種置身於家中的感覺，舒適又怡人。 🐧❣️餐廳可供包場作多人派對、活動、烹飪班等用途🤩 價錢大約 $3000 起🥴 🐧❤️結語：Espresso Tonic 水準之作，誠意推薦。