Chutney Tandoor House

Chan Faye 2 個月前

一門入口就被嗰種濃郁嘅異國風情同精緻餐酒車吸引，成個 Vibes Chill 到暈。今次試咗佢哋嘅 Summer Fiesta 晚市套餐，真係成餐飯都有驚喜！一上桌個餐前大脆餅伴薄荷、芒果同紅菜頭三色醬，酸酸辣辣超開胃！ 前菜方面最驚艷絕對係個黃油雞（Chicken Tikka），炭烤香氣重到不得了，咬落去嫩滑多汁，香料比例啱啱好，好食到想即刻叫多份！另外仲有清爽嘅芝士沙律、超惹味嘅牛肉生菜包、炭香牛肉粒同外酥內綿嘅香蕉鷹嘴豆餅，真係好有水準。 去到主菜個咖喱羊（Lamb Rogan Josh），羊肉燉到軟爛入味，入口即化，個香料醬汁令人停唔到口！再食埋即叫即烤嘅松露芝士、蒜蓉同薄荷烤餅，沾滿醬汁食，幸福香料味滿瀉！喺中環用呢個價位食到咁嘅質素同環境，真心下次一定會再約朋友嚟二刷！

huent 3 個月前

這家位於中環的新餐廳，最近推出了名為「Summer Fiesta」（夏日盛宴）的晚市套餐。專注於香料與食材的平衡，是一頓相當踏實的香料風情料理。 前菜以清爽與惹味交織拉開序幕。芝士沙律與鷹嘴豆沙律口感爽脆酸甜，正好為炎夏開胃。隨後的醃牛肉粒經過炭烤，帶有迷人的焦香味；另一款炭烤瑪莎拉醃牛肉粒則拌入乳酪，瑪莎拉香料的辛辣被乳酪的酸甜完美中和，肉質軟嫩。最令人驚喜的是香蕉cake 水果的天然甜味與芒果的醬汁意外地契合，清爽解膩。 主菜部分表現亮眼。香辣牛肉粒味道濃郁，洋蔥和番茄燉煮出的濃汁帶有醇厚的甜辣，拌入乳酪後口感更顯滑順，辛辣中帶點溫和。 炭火本地新鮮黃油雞則展現了本地食材的優勢，雞肉經炭火燒烤後外皮微脆、肉質多汁，搭配的布拉塔乳酪醬質地絲滑，為濃烈的炭火香增添了一抹奶香的溫柔。 主食的烤餅同樣出色。蒜蓉烤餅香氣撲鼻，口感帶韌性；而松露芝士烤餅更是邪惡，松露的幽香與半融芝士的鹹香交織，單吃或蘸點主菜的濃汁都非常過癮。 最後以甜品作結，開心果芝士蛋糕質地紮實，開心果堅果香氣濃郁；芒果庫爾菲雪條則充滿傳統印式風味，芒果的果香混和濃縮牛奶的甜美，冰涼沁心。 整套菜單分量十足，調味拿捏得當，既有夏日的清爽，又不失香料的層次感，是一家值得約朋友前來聚會的印度餐廳。

Claire 3 個月前

Starter 香草辣椒香料醃魚，土窯烤製 辣味免治羊肉，薯仔絲，鵪鶉蛋，牛油麵包 魚煮得有啲老冇乜特別，羊肉嘅話因為香料味好重，所以其實唔係好食得出羊肉味，不過香料嘅搭配我都幾鍾意 **Main Course** 招牌牛油雞，炭燒雞塊，香濃牛油番茄醬汁 香濃慢煮牛肉咖喱，喀什米爾香料 雞咖喱係用一碗裝起嘅雞件咖喱。味道幾好食嘅甜味比較重雞件都還可以。 牛肉咖喱食落去似港式嘅咖喱，牛肉都燉得好腍 蒜蓉烤餅、芫荽烤餅 烤餅好食！佢係喺原味嘅烤餅上面加上蒜蓉或者芫荽碎，唔會好厚，而且個底係脆嘅好好食！ **Dessert** 蘿蔔蛋糕 & 芒果印度米布甸 米布甸有啲似芒果西米露 蘿蔔蛋糕好食香料味好重 整體嚟講其實都幾好食，除咗啲咖喱有啲小份量，可能係我大食😹 (用餐日期：2026年3月）

Macy Kwok 3 個月前

🇮🇳 驚喜滿滿的印度料理體驗！ 今次試咗幾款非常有特色的印度菜，味道水準相當高，一定要同大家分享！ Tandoori Octopus 令我最驚喜的一道菜！章魚處理得非常好，肉質非常軟腍，完全唔會韌，炭烤香味十足。 Butter Makhani Chicken 經典之選！咖喱調味掌握得剛剛好，香濃得來唔會過分搶味。雞肉煮得極為嫩滑，整體口感Creamy 誘人，用來點 Naan 簡直係絕配。 Paneer Saagwala 這道菜將菠菜蓉與印度芝士（Paneer）完美結合，口感豐富，係健康又美味的選擇。 Tawa Prawn 香料味香濃，蝦肉爽口彈牙，非常惹味，絕對係餐桌上的重點之一。 Truffle Cheese Naan ($58) 強烈推薦！$58 絕對值回票價，一上枱已經聞到極度濃郁的黑松露香氣，配埋芝士，每一啖都係享受。 Hari Chhaya 食印度菜點少得特飲？這杯青瓜薄荷飲品一上枱已經非常 Refreshing，清涼口感剛好可以平衡香料的濃郁感。 整體而言，這間餐廳的菜式在細節上做得很好，香料運用恰到好處,最欣賞係呢間餐廳嘅裝修非常有格調❤️😊

YuYu 6 個月前

中環高質印度菜 同朋友約食lunch，大館對面哩間印度餐廳。上到去，環境比想像中靚，帶點印度風情，燈光柔和，坐得舒服，好啱慢慢傾慢慢食。 我哋兩個人嗌咗Lunch Menu，每位$198，價錢以中環嚟講真係幾抵玩。前菜、主菜、甜品各選一款，份量啱啱好。 前菜：芝士釀午托辣椒 + 酥脆天婦羅魷魚 芝士釀午托辣椒係驚喜之作！辣椒大大條，釀滿芝士，炸到金黃香脆，咬落去外脆內軟，芝士微微拉絲，朋友都話好正。酥脆天婦羅魷魚炸漿薄脆，魷魚新鮮彈牙又唔油膩。 主菜：辛辣魚咖喱 + 炭烤雞肉提卡配經典牛油醬 辛辣魚咖喱用嘅魚肉嫩滑，咖喱香料層次豐富，撈飯或者蘸naan都一流。炭烤雞肉提卡，雞肉juicy，配埋經典牛油醬，香濃滑溜。 重點加點：炭火烤羊架 食完lunch set仲有啲意猶未盡，見到menu有炭火烤羊架，忍唔住加點一份。羊架烤到外層微脆，內裡粉嫩，肉質軟腍，油脂香同香料味平衡得好好，完全冇羶味，一口咬落去肉汁爆出嚟，真係全餐MVP！下次嚟一定要再嗌。 甜品：果香椰子西米布甸 + 精選蛋糕 果香椰子西米布甸清新輕盈，椰子味濃郁，西米煙韌，唔會太甜，作為收尾好舒服。精選蛋糕都好好食，滿足晒甜品胃。 Lunch Set性價比極高，$198有齊前菜、主菜、甜品，用料同烹調都好認真。環境舒適，如果想試下高質素嘅印度菜，呢間絕對值得一試！