大吃大喝

Kelvin CHAN (港男日常) 8 個月前

若果評論幫到忙，麻煩給予「讚」啦！ 個人在香港評價最高「即叫即製」 三文治店！ 還記得首次光顧此店，已經可以追溯約２０１９年年底它，它的原始店還在窩打老道及砵蘭街交界的大廈轉角位的店舖。 自它開店以來，再經過兩次搬遷至目前位置，此店一直最吸引我的三文治，就是即叫即製「香滑沙嗲牛肉滑蛋三文治」。據後來從相熟的主廚師口中得知：他們每天都是選用新鮮牛肉切片，而不是急凍牛肉，再去除所有難以咀嚼及吞嚥的靭位，才去製作沙嗲牛肉。 一直情迷它的「湖北滑蛋＋一點不辣沙嗲醬+鮮牛治」 由於自己不能吃辣，難得它們自家配製的「一點不辣沙嗲醬」，只有極濃郁的沙嗲及花生醬味道；再配上蛋香味較重的湖北鮮雞蛋製作滑蛋，個人對它們這款三文治食譄絕對無可挑剔。 尤其對於情迷香港風味「沙嗲牛肉控」，無論它的味道和份量，絕對應該一試。 ３４８ 另一款我慣常會一併購買的三文治，是它的「牛油果碎蛋三文治」。 事緣個人對於日本７—１１便利店所販售，約港幣２０元的滑蛋三文治情有獨鍾，所以每次遊日返港之後總會念念不忘，尤其工作壓力大的時候，更會掛念起旅遊中這個遙遠的味道。 唯獨此店製作的碎蛋治的調配味道，和前述所說的三文治有６～７成味道相近，另再配以含有健康脂肪（不飽和脂肪酸）的超級食物：切片牛油果，足令仍長居在港的我，只需要付出多一點的價格，便能用更富營養及健康的方式去滿足這份口腹之慾。 此店的「終極名物」，也是個人位列首位的，就是它每天人手製作的「樽仔港式奶茶」（份量約２ＸＸ毫升）。 個人飲用港式奶茶已接近半個世紀，簡直把它當成是陪伴成長的「奶水」看待。此店的「樽仔港式奶茶」，在茶味、甜度、及滑度（只有使用全脂黑白淡奶調配才會有）有近乎完美的平衡。曾有一次光顧，恰巧遇到此店的年輕老闆，與他詳談港式奶茶的口味取態，便知他也是深愛港式奶茶之人，才能在街坊小店都調配出優質的港式奶茶。 強烈推介「港式奶茶控」前來一試！

NAYA NGAI 1 年前

好大份，三文治麵包鬆軟，餡料超厚，台式三文治風味。忌廉蟹餅好味、凍奶茶濃滑。

eateat_ 3 年前

【油麻地🥪抵食爆餡滑蛋治】 自從開得返堂食以嚟，已經好耐都冇外賣過返屋企食，呢間三文治外賣小店超級抵食，而且款式都幾吸引！呢間舖頭以前已經留意開，而家轉咗新店，更加闊落就腳，油麻地地鐵站一出就係！小店主要都係一啲滑蛋嘅三文治組合，全部嘅餡料都大大份，鹹食甜食都有，選擇都幾多，啱晒外賣買返屋企或者趕時間又咁啱喺呢頭嘅人！ ------------------------------------------- 🐖◖表弟三文治◗ $32 呢款係佢哋全新推出嘅系列之一，個名改得好搞笑，據稱係店主表弟最鍾意嘅三文治！裏面係經典火腿芝士滑蛋加肉鬆，肉鬆酥脆鹹香，芝士有少少熱溶嘅感覺，少少奶香同肉鬆嘅香味加埋一齊，個人幾鍾意！ 🍄◖Double濃厚松露蘑菇滑蛋治◗ $38 黑松露幾香，同滑蛋一齊食酸酸甜甜咁，都幾開胃，但佢嘅醬料比較多，建議同人分食，自己一個食晒會有啲漏呢～ 🌿◖招牌勁芫荽餐肉滑蛋三文治◗ $33 呢個係佢哋嘅招牌，勁厚切爆餡！大大塊餐肉加上芫荽滑蛋，大大啖好滿足！ 🧋◖皇牌奶茶◗ +$8 任何三文治加$8就可以有樽仔嘢飲！奶茶絲滑，用咗自家調配嘅茶底，唔會太澀又唔會太甜，幾好飲！ ☕️◖滴漏咖啡◗ +$8 咖啡好濃郁，有啲似茶餐廳嗰種～ 🌟 Encore指數：8.9/10

Cherry Ng 3 年前

三文治就係有種莫名的吸引力🥸呢度嘅芫荽滑蛋三文治($25) 芫荽超級多，而且好新鮮，每一啖都充滿咗芫荽香味😝芋泥肉鬆三文治($33) 同樣超足料，切開分幾個人食都仲得! 芋泥甜甜地，加上鹹香的肉鬆，實在係非常之台式的搭配。黑椒蘑菇芝士蛋餅($33) 拉絲芝士加蘑菇真係好好食 😋又唔會太鹹😆

lylyw 3 年前

輕食店Guzzle搬咗新店，位置同樣方便，喺油麻港鐵站B1出口步行半分鐘唔使就到。店鋪門面四四方方，裝修以簡潔為主，店舖四周係食物Menu同poster。等候外賣途中，見到現場有唔少排隊幫襯嘅客人、電話落單，亦有外國人透過Apps落單領取外賣，小店都幾受歡迎。除咗爆料三文治、特色小食之外，仲有幾款飯提供，另外可以優惠價加購自家製樽仔飲品。欣賞三文治同小食都個別用包裝盒裝住，食物唔會變形。每件三文治仲有包裝紙包住，食嘅時候就唔會整污糟手啦！ ————————————————————————- 香蔥芝士鹹牛肉滑蛋三文治$32 小店必試推介，三文治即叫即整，蛋香、鹹牛肉香、香蔥香味都好立體突出，同時又好融和。滑蛋好滑，應該有加入牛奶去炒。麵包皮有返咁上下厚度，加上鬆軟，口感不錯！ 黑椒蘑菇滑蛋三文治$28 重黑椒味，蘑菇軟稔，滑蛋同樣好香好滑，惹人喜愛！ 士林台式香酥蛋餅（四款配料） $43 可以自由配搭二至四種配料，揀咗拉絲芝士、培根、肉鬆、黑椒蘑菇，有份量又有口感！鍾意酥皮一層層有層次好煙靭。但係外賣拎走後要盡快食先食到本身食物嘅質素，如果唔係焗到冧晒就冇咁好味！ 樽仔奶茶（套餐半價加購） $8 平時好鍾意飲奶茶，呢間小店嘅樽仔奶茶茶方係自家製，同港式奶茶一樣都係強調「茶」嘅味道，微糖系列，飲咗都冇咁有罪疚感！