德昌傢俬裝飾公司

Rachel Choi 3 個月前

因為仔仔就快升中，所以我地打算執執間兒童房，順便換張油壓床，上網見到德昌評價好好，所以就walk in 睇吓，同蔡師傅傾完，佢俾咗好多意見我地，雖然房間面積唔大，但蔡師傅由最初設計階段已經提供好多貼心又實用嘅建議，令到房間可以同時擺放兩張床、衣櫃、收納空間同書枱，真正做到「五臟俱全」。設計不單止美觀，仲非常講究實用性，性價比極高。 安裝當日，上嚟嘅兩位師傅亦都非常專業，手勢好好，安裝過程細心穩妥。 整體而言，德昌嘅服務由設計到安裝都非常到位，蔡師傅嘅專業同心思，加上安裝師傅嘅細緻手工，令我哋一家人都好滿意。誠意推薦德昌！

Angus Chan 4 個月前

今次搵咗德昌傢俬訂造全屋傢俬，出嚟嘅成品真係令我非常滿意！💯 最想讚嘅係安裝師傅真係非常有心機，每一個細節都處理得好好。客廳個電視櫃連暗門設計做得超靚，啲木紋對得好齊，收口完美，成幅牆睇落好有質感。睡房嘅地台床連衣櫃同懸浮書檯組合，完全善用咗個空間，設計得好實用之餘又唔會覺得有壓迫感。 整體嚟講，由前期溝通到師傅落手安裝，都絕對感受到佢哋嘅專業同用心。成品嘅質素超乎想像，傢俬好實淨，真心推薦。

1001 4 個月前

跟德昌訂造床、衣櫃和電視櫃, 整個過程由度尺、選款式、溝通, 到送貨安裝也很暢順, 老闆和師傅有經驗, 起貨與送貨也準時, 傢俬手工不錯, 價錢也合理, 性價比高, 可靠的傢俬公司, 感謝!! 大推!!

Tong Philip 8 個月前

網上搜尋德昌口碑極好就踩過去試， 訂造傢俱幾次，今次遇到呢間專業嘅公司真好彩。傾設計揾料同配色，師傅俾咗好多寶貴意見，到上門组裝，師傅亦非常專業，提早半個鐘就到:-)，遇上我個屋苑從泊車位到貨路程遠到攞命，師傅們雖唸唸有词搬列滿頭大汗，但仍耐性同有序地搬哂上嚟，装嵌過程好仔細好認真，最後完成嘅作品真係超出想像咁好，再一次多謝德昌嘅專業團隊及向大家推介！

Jeffrey Leung 1 年前

新屋裝修真係好多野煩，經過好多 research，最終搵咗德昌呢間老字號傢俬舖。 師傅喺上門度尺時表現得相當仔細同專業，確保每個細節都符合設計要求。裝修最怕雞同鴨講，佢哋非常樂意聽同滿足我哋一啲比較個人化嘅要求(例如整個琴櫃) 師傅經驗豐富，提供咗好多專業意見，彌補我地的盲眼點，令傢俬既美觀又實用。 最終成品嘅效果完全符合我哋嘅期望，手工精細，品質亦相當好。 唔敢講第二間傢俬舖做唔到，但搵咗德昌的確令我哋煩少咗好多嘢，絕對值得推薦。