DiVino Patio

tang bonnie 5 個月前

服務好好👍🏻 前菜的紅菜頭沙律無配上陳醋，可能是忘記了？主菜海鱸魚魚肉好滑無過熟，需要加少少鹽調味，甘筍茸香滑味道剛好。

1437 RITA 1 年前

正宗嘅意大利餐廳，一入餐廳就係坐低就會送上一籃新鮮麵包，配上橄欖油同埋黑醋，麵包非常軟熟，配埋我最愛嘅黑醋真係超好食，好開心。因為我哋真係好想食pizza，所以兩個人食唔到太多嘢，餐前小食點咗蒜香辣油大蝦，香香辣辣特別開胃，大蝦好彈牙。主菜就叫咗一碟蝦湯比木魚柳，除咗濃郁嘅蝦湯做底汁，仲有兩大隻鮮蝦，比目魚滲入晒蝦嘅味道，超好味，魚肉質亦都好軟滑，食多幾啖都唔溜。 最後當然就係大大大啖食我最愛嘅水牛芝士蕃茄pizza，水牛芝士唔會好溜但好香，真係每一啖都食到好多嘅芝士醬，超級超級好味，正宗嘅pizza就係厚薄適中， pizza邊焗到非常香脆，大量嘅蕃茄醬配埋芝士，真係食得太開心啦。

M.Y Daily Journey 1 年前

位於灣仔的意大利餐廳，分為室內室外用餐區。室內裝潢古典，紅石磚牆，放滿酒瓶的牆壁。大螢幕下播放著意大利各個地方美景的影片，燈光柔和，在浪漫氛圍且意式風情下享受美酒佳餚。 下單後，侍應先送上餐包及餅乾條，蘸點黑醋及橄欖油吃，很開胃。 前菜：香辣意式青瓜煮蜆 上枱時，香味撲鼻。蜆肉新鮮，肉質彈牙鮮嫩。醬汁香辣惹味，加上有意大利黃瓜、辣椒、香草，很清新。 意粉：香草什錦海鮮意大利麵 賣相精巧細緻，海鮮豐富，有蜆、紅蝦、大蝦、小墨魚、青口等等。意粉麵條口感硬身，有韌勁，醬汁掛上麵條，味道恰到好處。 石窯爐烤手拉薄餅：煙燻芝士開心果意大利肉腸薄餅 人手拉的薄餅底，厚度不一，餅底薄身酥脆，入口煙韌，帶點麵粉麥香。這款以白醬芝士作基底，代替一般以番茄醬，芝士細膩，濃香。上面鋪上薄切的意大利肉腸，質地柔軟鹹香，再灑上開心果仁碎，增添口感。 烤肉：廚師烤意大利粟飼雞 半隻雞也很有份量，外皮烤得金黃微脆，混合各種香草調味，雞件厚肉，加點檸檬汁，更加提鮮。伴碟還有沙律，減低膩感。

Fung、Oi Lang 1 年前

Weenend梗係要搵個地方嘆返個 brunch，今次同朋友去咗灣仔 Brim28 嘅 *Divino Patio*。呢間餐廳好有歐洲 feel，餐廳有落地玻璃、陽光同大型植物包圍住，坐低就已經好 relax，好啱hea住慢慢食。 今次試咗幾樣： 🥒 Baked Zucchini Parmigiana $188 - 焗茄子夾住芝士同蕃茄醬，煙韌又香，完全唔會膩，好啱 brunch 開個頭。 🍝 Spaghetti Martelli "Scoglio Style" $248 - 海鮮意粉用手工麵，爽口彈牙有咬口，仲有蜆、青口同雜海鮮，鮮味十足，仲加咗羅勒，好清新。 🐟Stewed Seabass Fillet in Guazzeto $238 - 海鱸魚柳浸喺蕃茄大蝦湯汁度，酸酸甜甜帶海鮮味，魚肉又滑又嫩! 🥂 Special Mocktail $80 - 叫咗 Virgin Mojito，同 Virgin Mary。前者清新解渴，後者味道濃郁， brunch 嘆住飲，成件事好 chill。 整體食物份量幾足，味道有驚喜，坐得舒服，最啱同朋友吹下水，慢慢傾計到下午✨️。

Wing_thefoodie 1 年前

Divino Patio Ristorante Bar Pizzeria 灣仔高質西餐 灣仔係一個好多元化嘅地方，會展呢邊比較多外國人出沒，皆因灣景中心大廈平台有幾間好chill嘅餐廳，飲酒食飯都得，日日Happy Friday！ 凱撒沙律+是日餐湯 新鮮爽脆嘅羅馬生菜，加上雜菜湯，清新健康。 蕃紅花牛骨髓意大利燴飯 意大利米蘭嘅經典菜式，用牛骨髓同蕃紅花嚟煮，令燴飯滑順又香濃，帶有微微的蕃紅花香味同豐富嘅奶油味，色澤鮮黃超吸引。 意式蕃茄大蝦濃湯海鱸魚柳 番茜炒蘑菇 兩隻大蝦及慢煮海鱸魚，鮮味十足。 Side Dish揀咗雜菇，充滿蒜香。