Espresso Alchemy (美麗華廣場店)

Ying Yu Chan 1 個月前

今日去咗位於尖沙咀美麗華嘅 Espresso Alchemy 食嘢，整體體驗真係超滿意，絕對值得大力推薦！店內環境簡約得嚟好舒適，氣氛輕鬆，非常適合同朋友坐低慢慢食嘢聊天。 今次點咗幾款主食同甜品飲品，水準都非常之高。主食方面，香煎虎蝦配蘆筍辣蕃茄汁意粉嘅虎蝦爽口大隻又新鮮，意粉吸盡香濃嘅醬汁，每口都好夠味；而 All Day Breakfast 配料好豐富，熱辣辣上枱，食完相當有滿足感。 甜品同飲品亦有驚喜，生酮宇治抹茶忌廉卷嘅抹茶味濃郁得嚟帶點微甘，蛋糕口感濕潤綿密，甜而不膩，抹茶控必試。大杯裝嘅 Matcha Latte 抹香同奶香平衡得好順滑，而 Baileys Chocolate 更有驚喜，香醇微醺嘅酒香配埋濃郁朱古力，層次好豐富。店員服務態度親切到位，上菜速度亦快，無論係食物質素定環境服務都冇得彈，下次一定會再嚟！

Angeltinnn 上次編輯：1 個月前

煙燻鮭魚份量完全無慳，鹹香配埋厚抹Cream Cheese簡直係爆餡邪惡組合！Bagel口感超有韌勁，加上旁邊嘅清新沙律剛好平衡油膩感，lunch打卡必點！泰式紅咖喱配Cream sauce比想像中更夾，香辣帶奶香極度掛汁！鴨胸煎到皮脆肉嫩完全唔乾柴，味道層次豐富，重口味朋友絕對會一試愛上！ Lunchset 本身包一杯Regular嘅，朋友發現加$5就可加大，我就加$18要咗杯大嘅Flat White😁再食埋兩個甜品，真係大滿足！！

cnm 2 個月前

⟡烤雞菠蘿漢堡配檸檬乳酪醬及焗薯 $130 再次encore呢個烤雞漢堡，依舊係超級大份！ 足足2大塊烤雞扒香辣惹味，肉質juicy~ 夾埋烤菠蘿、番茄、酸甜嘅檸檬乳酪醬好match ⟡ 青醬雞胸沙律配檸檬醋醬 $92 呢個沙律係真係我每次必叫嘅item!! Balance返其他其他比較重口味/膩嘅item😂雞胸依然係口感嫩滑，青醬調味適中，健康得嚟又好食 ⟡ 藍莓忌廉芝士貝果 $39 Bagel口感係煙韌架!!! 雖然未到最煙韌，但起碼唔係望落似bagel嘅普通麵包!! Blueberry cream cheese有奶香之餘藍莓果醬又唔會過甜，呢個價錢質素合格👌🏼 ⟡ Piccolo $37 本身想試佢個特濃朱古力但係夜晚時段已經賣曬🥲 咁唯有飲返杯啡😬

YY Wu 3 個月前

💖Espresso Alchemy係連鎖cafe入面嘅cp值數一數二，美麗華分店仲好靚裝，食得坐得舒服😌。 1️⃣紅咖哩鴨胸肉忌廉長通粉🦆 💖長通粉帶嚼勁唔會太soggy軟淋，紅咖哩惹味得黎唔會太辣，配上外皮微脆咬落嫩滑嘅鴨胸肉口感豐富，再配埋芝士碎多啲鹹香又降低辣度。 2⃣️青醬雞胸沙律配檸檬醋醬🐔 💖佢地有pesto嘅食物都特別好味🤤，每次必嗌！雞胸肉份量多肉質嫩，配上帶清新羅勒香清香同香濃松子油嘅pesto。沙律菜新鮮爽脆，搭配檸檬醋醬酸香開胃，成個combo份量多有飽足感又輕盈健康。 3⃣️法式西多士配自家製雜莓醬🍞 💖西多士外酥脆內鬆軟，麵包帶黃油香🧈同蛋香🥚，配酸甜嘅自家製雜莓醬唔會有平時食普通西多士嘅膩感。 4⃣️Matcha Latte🍵 💖佢地個coffee non-coffee好多都有latte art仲好靚，今次要左matcha latte，入口抹茶味香醇順滑，唔會有粉末感～ 5️⃣Milk Chocolate🍫 💖朱古力一樣有靚靚拉花，口感濃稠順滑，朱古力味香但唔假甜，朱古力控實like！ 💖美麗華分店地段方便，全日又唔收加一，整體推薦！

J 3 個月前

Espresso Alchemy 🍽️ 晚餐輕食好抵食，菠蘿雞堡有驚喜，埋單$240勁滿足 今晚去咗「Espresso Alchemy」食晚餐 🍴，叫咗四樣嘢，兩個人埋單 $240，人均 $120，以呢個質素同地段嚟講，真係幾抵食 💰。 （1）Matcha Latte（凍）🍵 抹茶味夠濃，唔會得個甜字，飲落有少少回甘。奶泡打得滑，凍飲都保持到順喉口感。呢個價錢飲到呢個質素，抵！👍 （2）Burger - Chicken Pineapple 🍔🍍 呢個有驚喜！雞扒煎到外脆內嫩，仲有肉汁 💦。菠蘿燒過，甜味出晒嚟，加埋生菜同醬汁，整體好清新。麵包烘過，微微脆身，唔會一壓就扁。晚餐食呢個唔會太heavy，啱啱好。以$80左右嘅burger嚟講，算係交足功課 ✅。 （3）Bagel - Blueberry Cream Cheese 🥯🫐 Bagel口感煙韌，有咬口，唔會太硬。藍莓cream cheese塗得厚身，酸甜平衡，唔會太漏。呢個份量當小食或者甜品都得，性價比唔錯 ✨。 （4）Blueberry Bread 🍞🫐 呢個係驚喜位！藍莓包烘到微暖，外層少少脆，入面軟熟，藍莓乾分佈均勻，每啖都食到。跟餐加少少錢就有，超抵食！😋 總結： 環境舒服 🪑，有少少工業風，座位唔會太迫，夜晚燈光柔和 💡，啱晒慢慢坐傾計 🗣️。服務態度正常，上菜速度算快 ⏱️。兩個人四樣嘢埋單 $240，人均 $120，有飲品、有burger、有bagel、有甜品，仲要間舖頭靚靚，以晚餐嚟講真係抵食到笑 🤩。Matcha Latte同菠蘿雞堡都值得推介，藍莓包仲要係驚喜位。想搵間舒服又好食嘅咖啡店食個輕盈晚餐，Espresso Alchemy絕對可以翻兜 🔄。