Graceland

Coffeehk_ alldayallnight 3 年前

每次經過旺角火車橋底都見到有間酒吧餐廳 有好多外國人飲酒傾計 氣氛好chill 今日終於早放工經過又未到食飯時間 同朋友入去happy hour下 😉 入面裝修係好傳統的美式酒吧設計 牆身都是好Hawaii風的設計 以木枱、bar枱為主 有個大大area係bartender area 仲有部懷舊點唱機播著美式懷舊音樂 我們坐在最入面的木枱 餐廳大部份客人都係外國人 門口Bar枱的窗口是打通的 聽著音樂 望著街外 好relax氣氛超好🍻 //Root beer $48// 打開餐牌，Happy Hour當然睇Drink List先，好快就被Root Beer吸引了，以前留學美國時經常都飲，Root Beer 是一種在北美洲流行的含糖汽水，雖然叫Beer但實際上係無酒精成分，是讀書時代既回憶，香港好少餐廳酒吧有，配合返現場環境氣氛，值得推介 //朱古力布甸曲奇奶昔$88// 一上桌時單單係外表我地都已經嘩一聲，因為有軟糖，好美式既感覺。口感一點也不差，奶昔夠rich，朱古力味夠濃口感甜甜，朋友是朱古力控所以十分喜歡。上面仲落咗一少舊chocolate brownie 同Oreo，朱古力上加上曲奇味令味道一啲都唔單調，甜甜地令人開心。 //炸雞窩夫$128// 窩夫餅底做得夠脆，上面有層次地鋪了數塊炸雞，美式製法的炸雞一般都比較乾身，炸完之後肉質都比較難咬，但呢個炸雞卻做得相當不錯，炸粉不太厚，而且雞肉仍然保持嫩滑。附上楓糖同忌廉搽落窩夫上面，又鹹又甜的口感又幾特別，好味！

Rick 3 年前

旺角一向都有好多唔同嘅酒吧餐廳，今次同朋友就嚟咗喱間好有特色嘅Graceland，餐廳嘅裝修係美國復古風為主，喺喱個環境一路聽住歌食嘢真係好Relax，餐廳入面仲有部好耐無見過嘅懷舊點唱機，客人仲可以自己揀歌，好有feel😚 餐廳主要食一啲美式嘅食物，例如：窩夫、漢堡薯條、牛扒。酒方面都有好多唔同種類可以揀：紅白酒、生啤、雞尾酒。食住嘢慢慢嘆，真係好Chill😝今次就同朋友試咗幾款特色小食😚見到餐廳星期三$6一隻雞翼，好鍾意食雞翼嘅朋友可以留意下😚 炸雞窩夫 雞塊鮮嫩多汁，一啲雪藏味都無，唔點醬汁就咁食都已經好好味。窩夫做到外脆內軟，蛋味香濃，點埋蜂糖漿食真係好正🤤 Graceland Burger Burger可以揀兩個配菜，我哋揀咗薯條同蜜糖金寶批。burger嘅配料非常多，有芝士、兩塊牛、蕃茄、洋蔥、生菜。麵包皮非常鬆軟，牛肉係手打嘅肉質厚嫰多汁，牛味濃郁😋 我哋叫咗兩杯飲品Graceland Shake同生啤，都非常唔錯👍🏻

Yuwah Shiu 4 年前

冇得去旅行，唯有多啲喺香港搜羅其他地方美食。今次搵到呢間美式風格嘅酒吧餐廳，雖然位於旺角，但係因為食客同店員都係外國人，完全感覺唔到自己喺九龍，氣氛好chill！ 餐廳仲有一部黑膠唱片點唱機，充滿美式復古風格。逢星期三仲有雞翼特價$6一隻，超抵食～ 朱古力奶昔 唔想飲酒，所以飲咗一杯非酒精飲品，奶昔有幾款口味，朱古力味超邪惡！入面有五顏六色嘅m&m朱古力，仲有朱古力漿～口味濃郁，充滿美式風情。 燒汁手撕豬肉漢堡 非常值得推薦❤️燒汁配上手撕豬肉條，香口惹味，而且份量好多一定夠飽，配有兩款配菜可以自選，可以選擇薯格、沙律、薯蓉、薯仔沙律、忌廉粟米粒、煙肉炒豆角等，好多款選擇㗎！ 南方炸魚柳拼煎蛋 魚柳肉質鮮嫩唔會腥，大大件咁樣，仲有兩隻太陽蛋添，係好特別嘅一款早午餐🥣 香炸雞中翼 呢度嘅雞翼都係必食菜式之一，有好多隻味道可以揀，例如蒜香芝士、水牛城辣醬、檸檬黑椒等等，今次我就試咗蜂蜜燒汁，甜甜地，醬汁都好多沾滿成隻雞翼，夠晒惹味！

joanne k 4 年前

旺角美國風格酒吧餐廳 週末chill一chill，嚟到喺旺角東鐵站附近嘅美式酒吧餐廳「graceland」食返個Brunch～餐廳無論係店員定係食客，基本上大部份都係外籍人士，有啲好似離開咗香港嘅感覺～ 酒吧有提供兩小時free flow任飲啤酒、蘋果酒、有汽葡萄酒、法國粉紅酒或者mini Bloody Mary，收費都只係$180，幾抵玩，不過由於我之後仲要戶外活動，所以今次就唔飲住先😛 南方炸魚柳拼煎蛋$125 魚柳外脆內嫩，口感同平時食嘅炸魚唔同，同埋都好大件。另外仲配有兩隻煎蛋🍳 燒汁手撕豬肉漢堡$110 手撕豬肉份量好多，加埋燒汁好惹味，漢堡包都好香口！配菜我揀咗Cream corn同埋椰菜沙律🥗味道相當唔錯~ 香炸雞中翼8隻$98 有多款味道可供選擇，我就揀咗蜂蜜燒汁，醬汁香濃又唔會辣，等我下次再試吓其他味先。 朱古力奶昔$78 激邪惡！朱古力奶昔仲要有cream+m & m +朱古力Brownie，充滿美式風味～ 可樂加雪糕$60 簡單來講即是黑牛，雪糕加入去即刻營造爆炸嘅效果，好正啊！

Goryy Foodie 4 年前

門口置有開放式餐枱，店內美式吧枱、一部好古董嘅黑膠唱片點唱機🎼，仲可以免費🆓無限任點歌添！店員全部外籍人士，笑容滿面又熱情，仲主動教我用部點唱機。整體格局好chill🥂，好有南美風情。 食物種類繁多，某啲菜式仲可以轉植物肉，連素食者都照顧到。 🧇炸雞窩夫 炸粉唔厚皮，雞肉都幾嫩。楓糖同Cream 搽落窩夫上面，鹹甜交錯非常美味。 🍔燒汁手撕豬肉漢堡連脆炸薯格及懷舊薯仔沙律 手撕豬肉絲甜甜地落咗好多燒汁，口感好juicy。主餐牌食物仲可以跟兩個配菜。上枱見分量極多，完全秉承美國mega size文化。 🐓香炸雞中翼｛🍯蜂蜜燒汁｝ 雞中翼有成9個flavour，我地揀咗蜂蜜燒汁，表面好多蜂蜜，皮又夠脆，食落香甜。餐廳另外提供8款🌶Hot Sauce，每款各有特色，十分滋味！ 🌟逢星期三仲有$6 一隻雞翼嘅優惠！ 🥤曲奇朱古力奶昔（$88） 見到個presentation已經嘩一聲，因為有我鐘意嘅軟糖。奶昔夠rich但唔係死甜。上面仲落咗一少舊chocolate brownie 同Oreo。味道一啲都唔單調。 ☕️ Cappuccino ($40) 朋友好冒險咁喺酒吧叫咖啡，杯咖啡竟然好有驚喜喎。朋友表示超級滿意呢日嘅回魂啡。 🍸🍺🍷🍹：12-4 pm做緊$180 / 2小時任飲Package，飲得之人真係不能錯過。