綠島按摩專門店 (觀塘) Greenisland Spa & Massage (Kwun Tong)

Cheryl Cheung 1 個月前

大開眼界！原來確認預約都可以開始前半個鐘whatsapp話冇位俾你 極度差劣嘅體驗！完全冇責任感，服務態度簡直離譜！ 上晝 12:00 已經預約咗兩個人下晝 4:30 按摩，點知等到 4:02 先突然 Whatsapp 通知話 4:30 唔得，話「師傅突然請假」。即刻 Whatsapp 回覆同打電話過去問，完全唔覆唔聽電話，個陣已經搭車到咗觀塘去到附近，迫人要直接上門。 去到現場接待職員態度極度差劣，連最基本嘅「對唔住」都冇一句，淨係一句「係啊冇人返工」就想甩身。問佢今日仲有冇其他時段，一開始態度冷淡直接話「冇」。我叫佢問下附近有冇其他按摩店可以安排，佢態度完全唔積極，連電話都懶得打一個，淨係話「我唔知邊度有喎」。見佢係咁撳電話，我問佢有咩 Update，佢竟然態度極差咁講一句：「你叫我幫你搵呀嘛！」前後搞咗成半個鐘，明明我係預約兩個人，冇理由兩個師傅會同時突然請假。問佢就支吾以對，問我地後台同事點同我地請，之後先話 4:45 有一個位，第二個要等到 7:30。 最後我地自己搵到第二間按摩店就走，呢間嘢冇提供任何替代方案同補償就不了了之，預約完全冇保障，安排混亂，服務態度差到極致！極度浪費顧客時間，絕對唔會再幫襯，亦極度唔推薦大家去！ #觀塘按摩黑店

Oilai Tsang 2 個月前

按摩，肩頸特別舒服，力度適中，職員服務態度好。有一次性拖鞋，乾淨。加埋按摩油同浸腳包，冇另收費。

Daddy Dink 2 個月前

呢間真係全香港最好嘅按摩店，冇之一！今日過嚟觀塘綠島做咗個全身經絡按摩，試過五個師傅手勢要大力，放鬆，通淋巴各有強項。佢手到拿來，一摸就知我邊度最攰最硬，力度夠晒深入又按到穴位，按完個人真係輕晒。 同埋一入到去環境已經覺得好放鬆，完全冇 hard sell。喺觀塘搵到間咁高質嘅按摩店同咁好嘅師傅真係好難得，以後搵按摩一定淨係認準師傅！

Fi Wi 10 個月前

朋友介紹過黎做筋膜刀 ，真係冇得頂👍🏻 bonnie師傅非常專業， 幫襯咗幾次水準穩定 ，價錢合理 平日上嚟人比較少，可以好好休息 支持小店

Mag Wong 11 個月前

第一次幫襯綠島，唔太熟悉店內文化。 是次項目：足部45分鐘。當日提前10分鐘到店，並浸腳等待預約時間到來。 有以下幾點想講 一：預約時間已到，聽到有一位師傅（a）提醒另一位師傅（b）要開工，而師傅（b）回應「得啦得啦，抖多陣啦」，師傅（a）再勸導講「人地到咗好耐，浸咗好耐腳喇」。在此想謝謝師傅（a）催促佢同事，如果唔係都唔知要等幾耐。 二：兩位師傅都有用timer計時，而我不清楚使用timer的目的是什麼。第一次見到Timer未響，師傅已經完成項目並已經起身走人。我望住timer尚有3分鐘有餘，師傅已經拎熱毛巾抹腳，我再望望timer，時間仲有40秒有餘。我理解是45分鐘按腳，應等timer響鐘，然後再拎熱毛巾抹腳即可。或者請師傅好好運用timer，以timer倒數時間為準而完成項目。並不是擅自提早完成，那timer的作用是什麼？ 三：重中之重，以上問題當我第一次光顧，所以結束後有問接待員，請問點解按摩時間尚餘3分鐘，就會用熱毛巾抹腳呢？接待員回覆我「我地由浸腳開始計時」，我十分驚訝！由浸腳開始計？？？其後兩位師傅對質，師傅（a）非常親切友善，再次謝謝她禮貌地解釋。師傅（b）則即變臉，開始發悔氣、面露不悅，態度非常差講「即係你唔滿意我姐？我依家爭你時間對唔住囉！」難道她是老闆嗎？🤔🤔 當然，我最後亦有回應她一句「你講野咪L咁串」然後就離開。 我認為第一、二點並不是令我最失望，第三點—服務態度才是最令人不愉快。而我不清楚店內負責人今日是否在現場，如果負責人想了解更多，歡迎聯絡我；如果負責人今日在現場，則不用再作跟進。