H.Coffee & Shop | The Corner @ wanchai 灣仔樓上咖啡

Peter Ling 2 個月前

朋友前排話想搵間舒服嘅Cafe hea下，帶左我黎The Corner Coffee！☕️ 呢度認真隱世，要行上一樓先到，但一入去真係「嘩」一聲😍全層極之寬敞，以木系主調配上植物，最正係呢度唔止係Cafe，仲有寄賣區賣公平貿易商品同二手包包，甚至有Art Jamming同表演空間，Pet Friendly，仲大量插頭，見到好多人帶埋電腦黎做野傾計，成日共享office咁又有野食又chill! 🥩 經典澳洲和牛蜜糖芥茉醬芝士漢堡配沙律 漢堡扒超厚身，澳洲和牛肉味好濃郁，一啲都唔乾，咬落去超級Juicy！配上香濃車打芝士、新鮮洋蔥同生菜，口感豐富又鮮味，最驚喜係個蜜糖芥茉醬，甜中帶微辣，完美提升和牛嘅肉香！旁邊仲有清新沙律菜 balance油膩感，成個組合無得輸！ 🥑 牛油果莎莎雞胸肉多士 牛油果控一定唔會失望！ creamy牛油果配上新鮮蕃茄莎莎醬，酸甜清新好開胃。雞胸肉嫩滑唔乾柴，完全打破咗雞胸肉一定嚡嘅印象。多士烘到金黃香脆，每一啖都係滿足感，輕食之選！ 🥤 Cold Brew 呢度嘅咖啡豆可以揀Nutty或Fruity，非常講究！揀咗Nutty風味，堅果香氣突出，入口順滑醇厚，完全冇酸澀感，冰冰涼涼，咖啡味濃郁得嚟又清爽，夏天飲真係透心涼！ 🍵 Espresso Matcha Latte 呢杯打卡一流！抹茶拿鐵加入Espresso，抹茶嘅微甘撞上咖啡嘅醇香，味道平衡得啱啱好。牛奶比例較重，口感好Rich好順滑，飲完仲有淡淡回甘，抹茶控同咖啡控都會愛上！ 🍰 威士忌朱古力巴斯克 巴斯克蛋糕入口威士忌味道強烈，但香味突出而不苦澀，然後慢慢帶出淡淡朱古力甜味，比例掌握得好好，口感香滑綿密，飲啖咖啡再細口細口咁食，真係一流享受～絕對係必食之選！

Kii 3 個月前

成日經過灣仔天橋都會見到有間霓虹燈寫住幸福小店，終於上去望下，其實係氣氛好chill好文青嘅手作+書店+coffee shop。入口係私人大廈入面，看更都會開門，都方便，適合一個人或朋友慢慢歎。 蟹膏松葉蟹肉秋葵意粉 $138 睇落幾細兜，但其實份量好夠！意粉幾有咬口，蟹膏同蟹肉撈埋一齊，加埋蒜香，個醬都幾creamy, 同意粉味道幾夾。 全日早餐 $168 我覺得個全日早餐幾吸引同特別。煙三文魚細塊啲但幾多、炒蛋滑、煙肉香厚、焗蕃茄酸甜、炸薯角外脆內軟、香草包有口感，仲有啲菜係瓜、豆等配搭（好健康咁）同希臘乳酪配蜂蜜（好易入口），呢兩樣都少見！。 巨峰多多梳打 $55 提子味濃郁，新鮮果香加氣泡，冰涼爽口。 Hot Black Sesame Charcoal Latte $48
芝麻香濃幼滑，唔會好甜，又有拉花，熱飲落暖笠笠。 伯爵茶巴斯克芝士蛋糕 $62
出色👍🏻 伯爵茶味出，巴斯克芝士蛋糕表面微焦，內裡creamy順滑，茶香同芝士融合，不錯。 賣點
🫰夠文青同chill，坐得舒服；味道正常 特別甜品+飲品 好味度：8.3/10

Aurora Lam 3 個月前

灣仔 The Corner Coffee Shop 今次食到超滿足！呢間店環境簡約舒服，木系調+自然光，坐低好chill，適合hea住食😋 蟹膏松葉肉秋意粉 $138
松葉蟹膏意粉，蟹膏香濃鮮甜😆意粉煮得吸滿汁，餸菜十足，質素有誠意！🤍 澳洲和牛芝士漢堡（配薯條） $148
漢堡最大亮點！澳洲和牛肉餅厚實多汁🥹芝士肉汁豐富😎配薯條脆口香脆，絕對係肉控之選🙂‍↕️ 巴斯克芝士蛋糕（伯爵茶） $62
甜品收尾一流！巴斯克蛋糕超軟滑，伯爵茶香氣優雅，甜度適中💚😋 飲品蘋果汁同菠蘿汁都新鮮清爽，解膩一流🤍 整體食物質素高，選擇都幾多～餐廳位置仲有唔同嘅工作坊，以及閱讀空間同位置，非常寫意😆🤎

Congee Tw 4 個月前

木系裝修坐得幾舒服，唔係好吵，適合慢慢傾偈或者打卡。同場仲有好多格仔有野睇！ 招牌澳洲和牛芝士漢堡，牛肉質地好嫩juicy ，芝士味香，跟薯條，飽足感爆棚！ 全日早餐，配菜新鮮，配料多種類，bagel勁香脆，份量足 甜品： 竹炭黑芝麻巴斯克芝士蛋糕 呢個真係驚喜！蛋糕表面烤得焦香，內裡超軟滑，竹炭黑芝麻味濃但唔會搶味，食落有芝麻嘅沙沙口感，食完仲想再嚟一塊，唔膩唔過甜 飲品方面，士多啤梨鮮奶咖啡嘅士多啤梨果味足夠，夏天飲好正，而且好特別！ 成個場都好用心，坐得舒服，都好多人帶埋電腦係度飲咖啡chill下

Katie Yip 上次編輯：6 個月前

已經經過灣仔橋多次，留意到呢間幸福書店好耐，今日終於同到朋友黎試。 位置 雖然佢喺灣仔橋隔離，但入口非常難搵，簡單黎講就係找換店樓上，位於住宅大廈一樓。對講機有個掣for一樓，撳下就會有人開門比你。大堂入面要搭最入面果部單數𨋢。 環境 原來呢度係叫H...Coffee & Shop，「幸福書店」係其中一個角落。 商品區 (會播MK歌) 我同朋友都唔清楚架部，一入到去就留意到左手面有個商品區，店員話可以隨便睇。 我地黎到二手書架，見到啲書都幾平，不過係咪好高質素就唔敢講。朋友睇中一本國旗書，我就竟然見到姪女細個時成日睇果本青春期書。原來啲書唔一定要買走，堂食嘅話可以自己借黎睇，但我地都買咗國旗書。 飲食區 (冇播歌) 1- 我地向店員查詢點樣落柯打，佢比咗一份menu我地，話可以自己入去搵位，reserved table除外。之後就要出黎買野食。 2- 入到去，發現都有幾多位，大部分人都係做緊野。 3- 諗好食乜就出去落柯打，最後都係比現金、alipay果啲。 4- 佢會比個通知器你等拎食物。 5- 個通知器突然喺咁靜嘅環境響，我覺得好唔好意思。 6- 拎食物埋位，自己去自助區拎水之類。 7- enjoy your food. 8- 自己執返餐具去指定收集區。 單叫野飲四十幾蚊，蛋糕就五十幾蚊起跳，講真唔算平。咁我地就叫咗兩個蛋糕set，$84一個。 Flat White 單價$42 。拉花好靚！ 。雖然紙杯上，但個杯真係幾靚，仲見到畫咗合和中心。 。無蓋，比較容易變凍。 。朋友評價：香濃。 凍Latte 單價$47 。單埋唔捨得比咁貴，跟set叫最抵！ 。賣相就一般，無乜睇頭。凍飲紙杯有少少唔同，都會見到合和中心。 。朋友評價：10分，冰係方型，即使融了都係零淡冰，非常濃，鮮奶good，香滑又香濃。紙杯個樣幾好，圖畫係香港街道。 Tiramisu 單價$58 。都數到有五層，由於食過好好味嘅tiramisu，所以對呢個無乜感覺。 。朋友評價：10分，5層，粉多咗少少，長方型易share。 原味巴斯克 單價$52 。呢個真心推介，流心嘅，好好味！ 。朋友評價： 10分，原味最好，拎出黎係凍同流心，先焗再雪藏，熱係冇意思，唔係就好就似食麵包。 服務態度 10分，有個棉花糖女孩會主動打招呼，態度very nice。六點之後好繁忙，店員就未有機會回答客人問題。 廁所 10分，抹手紙自動mode。呢度竟然有廁所提供，仲要係乾淨，好感動。坐得耐想走動下，去廁所係幾好嘅選擇。 總結黎講，呢度優點： 。夠大夠多位，想睇書一流。 。咖啡蛋糕都好味。 。自助即棄餐具方便開心share。 。會見到有人帶貓貓工作，睇到好開心。 。有廁所，有精品可以睇下。 缺點： 。六點後好多人黎食晚餐，唔適宜繼續做野睇書。 。如果附近有人個電腦Mon較到好光，坐附近隻眼