紅人派對 (銅鑼灣)

Aliy_H:] 5 個月前

只可以話係不知所謂❌ 間房細都唔緊要啦💢 啲嘢食又貴，又難食😩 係真係形容唔到🙇🏻‍♀️ 可以話係難食到，明知佢咁貴都食唔晒💩 Service都係唔得，嗌一個嘢食可以一個鐘先嚟🙂 跟住仲要我個烏冬，有隻烏蠅😀 佢咗返去之後10分鐘又可以拎個新嘅出嚟🤢 跟住同事又冇溝通🤕 無啦啦叫我哋埋單，但係其實我哋仲有幾個鐘頭唱👿 佢哋又唔知

John Lennon 1 年前

無論係印好咗嘅餐牌，定還是手機app上面嘅餐牌，都係顯示B餐係配薯格。 不過係冇預先通知我嘅情況底下，侍應擅自改咗薯條俾我。當我反映嘅時候，女侍應就話幫我了解吓。之後佢返返嚟嘅回覆係「廚房話B餐不嬲都係跟薯條」，咁我同女侍應講「但餐牌好明確係寫住薯格，你地咁樣好有可能違反商品說明條例喎」，咁呢位女侍應態度其實都好好嘅，佢話搵另外一個同事同我解釋。 之後就有個男侍應入嚟（佢個樣有啲似少林足球入邊嘅醬爆），態度比較粗魯同我講「我哋冇晒薯格」，咁我就同佢講，佢同女侍應嘅回應唔一樣，佢就只係答我「總之我哋冇晒薯格」，之後轉身就即刻走人。 當佢走咗嘅時候，我特登入返個app睇吓薯格作為另加小食有冇售罄，結果仍然仲可以落單（i.e.冇售罄）。我就衝出去同返男侍應講「你哋個app上面顯示仍然仲賣緊喎」。男侍應就死撐話，個app未反映到出黎。隔咗2秒，女侍應喺廚房行出嚟，捧住個D餐，碟上面有幾塊大大塊嘅薯格，我就同男侍應講「其實你唔好呃我啦，根本就有薯格，點解你咁唔老實？」因為事實擺在眼前，男侍應最後尾都有補返一碟薯格俾我。 其實我咁堅持要薯格係因為我已經另外單點咗薯條，所以根本唔需要咁多薯條。另外我唔明點解如果佢唔想供應薯格比B餐嘅話，點解唔改個餐牌？係都要同顧客講大話？

Man Hatsune 2 年前

估唔到宜家唱K都可以有咁豐富嘅二人餐🤣 一邊食一邊唱都真係幾爽，而且比嗰間房有好大😆 有前菜去到主菜西冷牛扒都好正份量都好多，而且燒蠔亦都整到好似出邊啲燒烤店咁好惹味😎 呢個唱k新體驗可以講話真係好驚喜😍

ice yeung 2 年前

第一次黎cwb嘅red mr，成間party room咁又幾溫馨，音響設備當然比party room好，細房都有4枝mic👍🏻，價錢仲有包埋野食又幾抵玩～ 平日 中午：低消野食$139+1，2人可唱2.5小時 夜晚：低消野食$259+1，2人可唱3小時 （詳情請聯絡店舖職員查詢🔎） 14:00-22:00 2人套餐 $488 +1 份量超多超大份～ 不過掛住影相同唱k，好快攤到凍哂🥲，但野食都唔差仲有時出乎意料～ 💛前菜9選4 和風海蜇沙律 汁燒雞肉串燒（3串） 香辣蒜蓉烤生蠔 +$20 脆炸紫菜魷魚鬚 💛主菜4選2 珍寶軟殼蟹龍蝦汁鮮蝦意粉 +$30 香草蜜糖烤美國春雞（半隻） 💛小食5選2 蒜香欖油炒雜菜 日本海膽流心忌廉薯餅（3件） 💛仲有3款甜品可加配 自家東京No.1芝士蛋糕 💚鴨屎香奶蓋茶 💚芋泥抹茶牛乳

iris pat 上次編輯：3 年前

無唱K幾年，今次體驗感覺好好，可以去多d 唱k👍🏻 員工服務好好好有禮貌👍🏻 地板有d 黐立立，房間光鮮， 好過成間房黑色，唔知道乾唔乾淨 4:30pm ～7pm 有2.5小時用餐+唱歌 💥每人最底消費$198，食物飲品都計 食物 🐔$98 KFC 脆炸雞藍 (4件)👍🏻好食, 炸得剛好, 脆漿比較厚，肉唔乾，有少少雪味 🍗$78 酥炸雞翼(5隻) 雞翼都炸得好香口，有少少雪味 🫔$68 西班牙小油條👎🏻唔好食, 唔建議order 🍋$42 熱檸茶 🫖$42 熱奶茶 ☕️$48 flat white 好飲過Starbucks，無燶味 💥建議：希望可以洗下雪櫃