KOKONI

Oatly cashew 2 個月前

Menu主打Egg drop 三文治同意粉 仲有件裝蛋糕 甜品 飲品方面有咖啡同唔同種類嘅茶類飲品 見到好多人推薦matcha special但今日需要啲咖啡因 就試咗佢個dirty 🫘 ✨dirty $55 咖啡豆Nutty味幾出 帶堅果甜味 奶同Espresso比例啱啱好 飲到最尾都唔會太稀 可能因為大熱天時略嫌個杯唔夠凍 建議可以雪一雪個杯 但overall 都係一個好好飲既dirty 🥰🤍自己都忍唔住買咗佢哋用包咖啡豆返屋企試🤤 發現原來係 超級好嘅study cafe 音樂靜靜地 啲位又坐得舒服 仲有free 5G Wi-Fi #workfriendlycafe#studycafe

J C 2 個月前

深水埗 Kokoni Coffee 係一間好適合慢慢坐、慢慢食嘅 cafe，整體氣氛好 chill，木系簡約風格加上舒服空間感，令人好容易放鬆落嚟。店內環境亦一向被形容為寬敞清靜，坐耐啲都唔會覺得侷促。 食物表現 松葉蟹肉意粉最有驚喜，蟹肉絲鋪得足，入口鮮甜海味好突出，醬汁亦掛得均勻，每一啖都食到濃郁而細緻嘅鮮味，屬於會令人想再叫多次嘅招牌級選擇。 蕃茄煙鴨胸意粉同樣做得出色，蕃茄醬酸甜平衡，唔會死酸，配上煙鴨胸嘅香氣同肉味，整體食落好有層次，係一款既舒服又有記憶點嘅 pasta。 飲品亮點 抹茶特飲係一大亮點，抹茶香氣夠濃，茶味清晰而唔過甜，再加上燕麥奶或豆腐配搭，口感順滑之餘又有少少新意，飲落去好有質感。 朱古力 latte 亦好出色，濃郁得嚟帶少少可可甘苦，口感滑順，味道唔會膩，屬於朱古力控會好鍾意嗰種深層次風味。 總體感受 Kokoni Coffee 最大優點係食物同環境配合得好好，唔單止意粉同飲品有誠意，成間店嘅氛圍亦令人成個下午都想留喺度。無論係想食一餐有水準嘅 cafe meal，定係想搵個舒服地方坐耐啲，呢度都好適合。

Tommy Chan 3 個月前

環境舒適 自助服務 食物味道滿意 但份量較少 如果是二人前行 可能要考慮叫三個菜項才夠飽

Cool Circle 4 個月前

平日放假日，我哋嚟到呢間Cafe，店內裝修感覺很舒適，座位係木枱凳，樓底好高，令人放鬆 松葉蟹肉意粉 $13 松葉蟹肉意粉 意粉上鋪左蟹子及松葉蟹肉，份量足，醬汁有香濃蟹膏及奶油香味，濃郁鹹鮮 意粉軟硬度適中。每一口都好滿足 炙燒甘蝦蕎麥麵 $128 炙燒蝦味道好好，本身蝦肉高質鮮甜，炙燒更帶出獨特香氣 凍蕎麥麵清新，配合埋紫菜、炙醃蘿蔔、配菜及特別調配嘅高湯一齊食好好味 沙律菜口感清甜，整個set都好健康 如果希望夏天食涼浸浸又清爽口味嘅餐，呢個係好好嘅選擇 抹茶特調 豆腐+燕麥奶+抹茶 $60（周一至五跟餐$40） 抹茶特調 顏色好靚，清脆嘅綠色加白色好有藝術感 豆腐味道都幾突出，好有豆香 燕麥奶及抹茶好夾味，入口有唔同嘅層次，值得細味品嚐 焙茶拿鐵 熱 $50 （周一至五跟餐$40） 拉花圖案好靚，入口口感順滑，焙茶香氣醇厚，奶香足，甜度適中

ZZ C 4 個月前

晏晝唔使做嘢，落咗深水埗行，發現到Kokoni Coffee呢間用心小店，非常有誠意 芝麻Latte同焙茶Latte都非常出色，冰凍香濃順滑，鮮奶嘅比例剛剛好 松葉蟹肉意粉啖啖都係一練絲嘅蟹肉同蟹子，海鮮調味非常突出，番茄煙鴨胸意粉鮮茄味香濃，鴨胸煎到金香乾身好有咬口，意粉口感唔錯，賣相吸引，份量十足 木系簡約裝修感覺好悠閑，環境舒適，座位乾淨整潔，餐具好有心思，整體感覺好好