口麻天辣

Vivian Li 11 個月前

喺外國旅行得長時間嘅話 最常就係會去食麻辣燙解解中餐愁 返到香港反而少食 今次嚟到v walk 見到有間好少女心嘅麻辣燙 入邊坐低嘅人竟然係男仔居多 仲要係自己一個去食 好違和嘅畫面 但又令我好好奇 口麻天辣 (深水埗) 地址: 香港深水埗深旺道28號V Walk 2樓L2-127-128號舖 買咗外賣返去同屋企人食 今次叫咗蕃茄魚，麻辣燙，口水雞，同串燒甜品 酸甜清新蕃茄魚套餐 除咗主菜，仲有一款涼菜同甜品 味道會偏濃味少少配飯就啱啱好 魚塊嘅份量好足 返到屋企都唔會覺得佢嚡 不過當然現場食會再滋味嫩滑啲 佢嘅底會配咗粉絲 係又有飯又有麵嘅概念 涼菜配送清炒萵筍絲 而甜品就係有驚喜嘅脆炸鮮奶 海鮮麻辣燙嘅玩法係 揀三款肉食再揀三款蔬菜配料 湯底自選辣度款式麵條自選 呢個湯底我鍾意有驚喜我叫咗滕椒麻辣燙中麻 刺激得來又會覺得順口係可以空口飲嘅湯 外賣返屋企食完啲餸 個湯底剩返第二日再加粉絲落去煮飲埋😂 仲有得揀我鍾意嘅薯粉，煙煙韌韌！ 口水雞無辣不歡嘅我竟然叫咗走辣 因為有屋企人唔食得辣 所以今次叫咗個唔辣嘅 的而且確冇辣嘅咁過癮不過都唔遜色 雞肉唔嚡夠味 有啲位仲去咗骨啖啖肉 最後試咗個新奇嘢冰粉 口感唔錯，係解辣神器 烤串好得意細細串一嚟就係10串 每串幾粒咁樣！惹味！ 拎到返屋企 屋企人第一個反應係 哇啲兜咁靚嘅全部粉紅色😂😂😂

suye choi 1 年前

海鮮麻辣燙叫咗寬薯粉條，煙煙韌韌好正，辣度亦夠狼！個包裝粉紅色盒 & 封得好好，湯汁一滴都冇漏，返到屋企依然保持到堂食水準

Hiu ying Chan 1 年前

📍 口麻天辣 MOTO MALA｛深水埗｝ 依間舖頭出名食麻辣，亦都出名食魚片，但係真係不得不讚佢啲魚片係堅嫩滑同埋冇骨🐟 連平時都唔鍾意食魚嘅，我都俾佢搞到心心眼，俾朋友影響到我都會過嚟呢度食魚🐟 以粉紅色做舖頭主題，真係吸引咗不少市民行過嘅眼光，呢度仲有個二人餐只需要288$，二人餐仲平過散嗌，但係亦都會有單身一人餐，啱晒我啲單身人士無啦啦走過嚟食飯🩵 ✨ 酸甜清新番茄魚 新鮮番茄酸酸甜甜，煮成濃湯，加上無骨魚片，味道超濃郁，魚片超嫩滑，對於想食魚又怕刺的我，真係一個最好的選擇🍅 連個蕃茄湯底都可以飲埋🍅🍅🍅 ✨ 清新藤椒湯 依個係麻辣燙，可以嗌小麻、中麻、大麻， 仲可以自由揀六款餸菜，其中三款係海鮮或者肉類，另外三款係蔬菜類🥬，仲可以揀一款主食，$88依個價錢真心好合理🩷 我就揀咗以下六款～～～ 鱸魚片無骨，超嫩滑🐟 嫩牛肉一咬碎就已經入口即溶🐮 牛百葉份量好多🐮 另外依三款蔬菜類都好吸味，滕椒嘅麻辣香味滲透晒入邊，金針菇、大豆芽、海帶❤️ 主食係寬薯粉條🍜 ✨ 紫米豆漿 ✨黑豆漿 飲品就嗌咗兩支低糖豆漿，支裝都幾方便飲用！ ✨ 椒麻鳳爪 鳳爪口感清爽，帶有點麻辣味🌶️ 食完之後個口真係有啲麻🥹🥹 ✨ 香辣土豆絲 清新爽口土豆絲，切成一條條，帶有點辣，伴菜幾開胃😍 ✨ 黃金脆炸小酥肉 可以一口咬哂小酥肉，酥酥脆脆，不錯👍

Yummyfooddrink 1 年前

餐廳位於 V Walk 內，經南昌站落車可以直接到達商場。餐廳整間店鋪裝潢以粉色為主調，氛圍充滿少女心。午市有一個皇牌二人套餐，包括酸菜魚、麻辣燙、前菜、甜品和飲品，感覺性價比頗高。 皇牌二人套餐 天花頂酸菜魚 酸菜魚配料豐富多樣，有酸菜、蒜粒及魚片等調味，令整體香氣撲鼻，配上白飯食用特別配搭。酸菜魚肉質鮮嫩，完全無骨，連細骨刺都食唔到，老人家或小孩食用都放心。 海鮮麻辣燙 可以挑選三個葷菜及三個素菜，可選擇既配料都幾多樣。揀左大蝦、嫩牛肉、魚片頭脆、魔芋絲、花菜及鮮豆皮。湯底就揀左青新藤椒湯，而粉麵選擇了寬薯粉條。大蝦新鮮大隻，牛肉嫩滑爽口，魚片頭爽口彈牙。菜類感覺清新，脆魔芋絲爽口又掛汁，花菜是蔬菜花，吸飽了湯的精華，而鮮豆皮好長，豆味濃厚。 前菜 涼拌萵荀絲 入口爽脆，又長又幼，食落淡淡甘香。 甜品 紅糖糍粑 建議趁熱食，外脆內軟，甜味適中。 手打檸檬茶 酸酸甜甜，有助解膩。 ……………………………………………………. 秘製口水雞 口水雞都可以揀唔辣，味道咸香，麻油香溢，而且雞肉大大塊又結實。 脆炸小酥肉 配上辣粉，口感外皮炸得香酥，內裏肉質鮮美。

Aki Jai 上次編輯：2 年前

-口麻天辣- 📍深水埗 . 一個人都可以好好享受酸菜魚套餐。係V Walk見到一間成店都係粉紅色嘅餐廳，以為係打咭Cafe，望一望Menu先知原來係食酸菜魚嘅地方。 . 天花頂酸菜魚 ($138) 估唔到酸菜魚嘅上枱都可以咁IGable。套餐有一大碗酸菜魚，一碟涼菜 (椒麻鳳爪)，一款小食同一碗飯，超級豐富。 . 酸菜魚用上大量爽脆酸菜，乾身辣椒和香蔥粒等。鱸魚片好滑身，而且沒有骨，煮得好入味好入味。 . 小食仲有炸鮮奶，食落唔油膩，香甜酥脆。 . 海鮮麻辣燙-清新藤椒湯 ($88) 可以選擇三個配料，三份蔬菜，加一份主食，食料滿滿大大碗都只係$88，實在太抵食了吧！ . 滕椒湯味道好突出，麻度選擇咗中麻，食落好香藤椒味，又有刺激嘅麻辣，而且唔會好油膩。 . 主食點了鱸魚片、牛肉和豚肉片。魚肉質好滑，份量仲要好多。牛肉同豚肉都好新鮮，肉質好軟，一啲都唔老。 . 蔬菜就選擇咗金針菇、蓮藕片和花菜，襯埋味道濃郁嘅藤椒湯，非常好食。配合滕椒湯，花菜係必點嘅推介。 . 寬粉好厚身，而且份量都好多，食落好煙靭，吸收晒湯底嘅香味，超級好食。 . 黃金脆炸小酥肉 ($28) 小酥肉外層炸到香酥，肉質很軟。 . 涼拌萵筍絲 ($22) 涼拌萵筍絲份量都好多，清新爽脆帶點香辣， 十分開胃。 . 手打檸檬茶 ($33) 同一般嘅檸檬茶完全唔同，味道好清新，酸甜適中，好值得一試。 . ============ 口麻天辣 地址：深水埗深旺道28號V Walk 2樓L2-127-128號舖 ---------------- #Akijai中式 #Akijai深水埗 ---------------- #口麻天辣 #酸菜魚 #一人酸菜魚 #深水埗美食 #深水埗覓食 #深水埗 #深水埗晚餐 #hkfoodie #hkfoodlover #foodhub #hkfood #852food #hkfoodblogger #foodie #foodiehk #yummy #hkyummy #instafood #食評 #好味 #相機食先 @ 。