快樂蜂 (祖樂比)

Kung Fat 1 個月前

根本和KFC冇分別🤬🤬🤬，炸雞的肉醬是KFC的蘑菇醬，的蘑菇快吃起來像屎，閉起眼來吃要為自己在吃糞便🤬🤬🤬🤬

Cheung Cass 9 個月前

聽聞Jollibee嘅炸雞係全港第一，所以專程嚟旺角分店試下。嚟到見到宣傳緊韓式甜辣雞，張相幾對版喎，咁就試埋啦！ 1. 韓式甜辣雞：有少少照騙feel，嚟到啲汁好水，唔係張相咁，啲汁裹住啲雞。味道其實唔差嘅，如果啲汁整番杰啲，真係撈完件雞先上，而唔係炸雞淋汁，咁會好好多。 2. 原味炸雞：高質！外面脆，入面嫩滑、多汁，雞肉有味但唔鹹，確實係比麥記同雞記好。 3. 煙肉卡邦尼意粉：係金寶蘑菇湯+烚意粉+煙肉+芝士粉嘅味，食落好頹飯feel。本身對佢冇咩期望，店員話賣晒要等一等再補俾我哋，點知幾分鐘後嚟到盒意粉係凍嘅！究竟佢係咪啱啱溶雪俾我哋？舊西蘭花係苦嘅，咬咗一啖都驚自己中毒！ 4. 蘑菇飯：全晚嘅大佬！！本身諗住比較下同雞記邊個好味啲，sorry，呢度係狗飯嘅級數！！目測已經發覺唔夠汁，得幾片蘑菇好似食剩咁，點知啲汁仲要冇味嘅，食落口以為自己條脷壞咗？啲白飯都衰過人，濕到好似糊仔咁。勁黐線，完全係食唔到第二啖！ 5. 芋頭批：望落以為OK，其實只係紫色色素，食落得個甜味，冇芋頭味嘅，嘥氣。 6. 凍鮮檸檸茶：冇影相，算正常，係錫蘭紅茶味。 除咗原味炸雞真係好食，其他嘢都好難食，今次食完都冇信心下次仲夠膽入Jollibee。 呢度仲係以前嗰種快餐店模式 - 一個店員做晒落單、收錢、執單全流程，前面個客啲食物未齊，後面個客係落唔到單，導致長期都有條人龍排緊隊，出餐時間比較耐。

Tony Bogard 11 個月前

位於旺角二樓的joilbee 早餐款色比較少 25蚊只有pancake sandwich 同一杯飲品 但比起M字 味道更加好 講食物 煙肉蛋 真係有煙肉

Nancy Lee 2 年前

快樂峰不知不覺已經開到成行成市，今次來到旺角分店，終於有機會初嚐快樂峰嘅招牌炸雞～ 9件桶雞💰HK$140 炸雞有得揀辣同唔辣，我哋簡咗辣，感覺再惹味啲，好彩辣度唔會太辣，平時食開微辣嘅人都可以接受到！雞胸同雞髀比例各佔一半，雞髀多一隻！重點係啲炸雞係好新鮮炸起，喺枱面擺咗一陣攤一攤都仲係熱辣辣，入面啲雞肉好嫩滑好Juicy，趁熱食特別好味，好有驚喜～ 紫薯批💰HK$13 仲叫咗多個紫薯批做飯後甜品，批皮好香脆，裡面充滿好綿密嘅紫薯蓉，味道唔會太甜，推薦推薦～ 大可樂💰HK$18

Bambi George 4 年前

快樂蜂Jollibee係菲律賓嗰邊全歌嚟嘅連鎖式經營快餐店。之前因為疫情關係所以有成兩年冇嚟過。今次再次光臨呢同之前嘅店舖裝修都係一樣冇乜分別。我就叫咗兩隻辣炸雞同埋意粉加可樂嘅套餐總共$58都幾抵食。 因為疫情關係所以呢好少人嚟食囉，變相就比較多空間啦，如果夜晚約朋友嚟識下炸雞傾吓計其實都幾好呀。其實佢嘅款式唔係咁多，但反而就你容易選擇啦，佢嘅味道覺得比美國冇牌子嘅炸雞更加好食，而且皮脆肉質豐富。 佢哋點樣近旺角地鐵站出口，一想來基本上就唔會淋到雨都幾方便。今次試食嘅意粉真係有啲驚喜喎，我真係是但叫㗎咋，份量啱啱好囉，加埋兩隻炸雞同埋Zero可樂，都幾滿足，開頭仲驚唔夠食添。而家嘅環境清幽，我諗我會再嚟幫襯。