La Famille (K11店)

Natalie Yeung 3 個月前

🍰我又要來放毒了🔥 尖沙咀K11 Art Mall嘅B1層排哂長龍，原來Lafamillecake 出咗新蛋糕🎂 就係呢個Caramel & Hazelnut 焦糖榛果蛋糕🟤，成個蛋糕係復古琥珀金棕色調，靚到似藝術品咁😍✨好啱男士底者父親節👨🏻 頂層中央係鏡面淋面嘅焦糖慕絲，上面有絲滑嘅朱古力日本鮮忌廉🍦、脆脆焦糖榛子🌰、朱古力片同金箔👑，外圍仲有一圈原粒焦糖榛子，好似戴咗條小皇冠頸鏈咁👑 未食已經覺得好高貴！基底係榛子戚風蛋糕，質地鬆軟得嚟有好香嘅蛋同榛子味🍰 外層抹上漸層色彩嘅焦糖榛子日本鮮忌廉，顏色由淺到深好夢幻💕 切開之後更驚喜😳 裡面夾層係濃郁香醇嘅焦糖朱古力榛子醬，加上柔滑細膩嘅榛子慕絲，雙重邪惡！焦糖嘅焦香、朱古力嘅濃醇、堅果嘅清脆，層層遞進，日本鮮忌廉輕盈細膩，小朋友食都唔會覺得膩👧🏻👦🏻 呢個配搭真係好啱男士呀，父親節可以買來送俾爸爸🥰

hungry_angle 6 個月前

｛💚$70香濃開心果💚｝ 蛋糕上面嘅開心果cream非常綿滑，入口即溶，上層嘅開心果部份會比下層更加濃郁有口感，整個蛋糕就同佢個名一樣極之香濃，每一啖都係開心果味，開心果控大滿足，蛋糕質感軟綿綿，一人份量食晒成個蛋糕都唔會覺得漏😋

Stephyss 7 個月前

出咗新款「和風」日向夏蜜柑焙茶戚風蛋糕。 戚風蛋糕鬆軟彈牙，以日本蜜柑做主角，升級版融入焙茶香，頂層鋪滿蜜柑果肉同果醬，用花朵雲呢拿奶凍點綴，賣相清新日系。 層間夾蜜柑果凍、鮮忌廉同焙茶慕絲，果香同焙茶完美融合，食落唔膩。

Yuenyuenyuyu 8 個月前

•••• La famille • 香港人氣戚風蛋糕 •••• 🍊日本日向夏蜜柑焙茶｜多款特式蛋糕｜人氣限定新品蛋糕🍰 最近留意到香港人氣戚風蛋糕品牌 La famille 出咗新產品😍，就喺「日本日向夏蜜柑焙茶」戚風大蛋糕🍰。主要材料：日本蜜柑、蜜柑戚風蛋糕、自家製蜜柑果醬、雲呢拿奶凍、焙茶日本鮮忌廉、蜜柑果凍、焙茶慕絲。 超級推薦食呢款蛋糕💛，上面滿滿日本蜜柑果肉+自家製蜜柑果醬🍊，中間夾住蜜柑果凍及焙茶慕絲🍵，食落有酸酸甜甜嘅味道👅，仲有焙茶嘅醇厚回甘，兩者非常夾😍，層次好豐富，口感又細滑，最緊要唔會太甜😁。

Michelle Li 4 年前

想睇更多informative嘅食評？想知更多instagrammable嘅餐廳？即刻follow ig: thisisfoodiepeach 啦💁🏻‍♀️ La Famille係知名日本過江龍戚風蛋糕專門店，係香港設有5間分店。店舖特別之處係會提供一人份量蛋糕，蛋糕設計精緻，口味多元化，心思思下午茶食件過下隱又得，同朋友2人食完生日飯當生日蛋糕都得！ 💁🏻‍♀️日本日向夏蜜柑 $64 蛋糕頂層有幾粒香甜多汁嘅蜜柑，同一小塊口感幼滑嘅蜜柑忌廉，灑上少量金箔點綴，整個設計精簡別緻，貴氣十足。蛋糕入口輕棉，味道酸甜，非常清新。 💁🏻‍♀️香濃開心果 $67 外層係厚厚嘅開心果朱古力果仁脆皮，包住裡層鬆軟輕棉嘅戚風蛋糕，中間係幼滑嘅開心果忌廉，外脆內軟，口感豐富，味道唔會太甜，但濃郁開心果味單調，食到最後稍微有點膩。 💁🏻‍♀️法國玫瑰蛋糕 $64 蛋糕面層唧滿忌廉，忌廉上擺滿各款紅色水果，加上一朵白朱古力花作襯托，設計精美。戚風蛋糕淡淡清新玫瑰花香，伴隨濕潤蓬鬆嘅蛋糕質感，係春天嘅味道！除了水果偏酸外，整體味道不錯。 推薦排名：日本日向夏蜜柑 > 法國玫瑰蛋糕 > 香濃開心果 😍整體評分 味道：🌟🌟🌟🌟 價錢：🌟🌟🌟 環境：🌟🌟🌟🌟 服務態度：🌟🌟🌟 instagrammable：🌟🌟🌟🌟 —————————————————————— La Famille