La Serre II

xypiggy 3 個月前

#20260707 📝 📍 #LaSerreII @laserreii 觀塘駿業街58號電訊數碼大樓4樓 ➖➖➖➖➖➖➖➖➖➖➖➖➖➖➖➖ 🥢餐包 💭 坐低無幾耐就有兩款包送上，暖笠笠好軟熟，提子包做餐包比較少見，用嚟搽牛油一樣香滑，睇menu諗緊食咩或者等緊朋友都可以食住頂下肚🍞 . 🫗是日餐湯 $48 💭 問過店員姐姐是日靚餐湯係蘑菇湯就諗都唔諗叫咗兩碗先，佢唔係落好多麵粉令到個質地好杰嗰種，但係入面有海量blend碎咗嘅菇粒，令每啖飲湯之餘都有嘢咬緊，好香濃🍄‍🟫 . 🫗香煎鵝肝鬆餅配野莓醬 $118 💭 望落以為佢係甜品，皆因佢面頭鋪滿咗好多士多啤梨同藍莓🤣食落就知咁多莓係有咩用，酸酸甜甜咁用嚟中和咗鵝肝嘅膩，底下有塊焗脆咗嘅法包，無論口感定味道都配搭得非常完美🥖 . 🫗白酒煮青口配九層塔及蒜頭 $128 💭 白汁煮蜆或者青口呢類appetizer算係每次見到都會叫嘅嘢食，因為好難會伏又可以大家share食，呢個同樣都無令人失望，白酒嘅味道都幾濃厚，好味道🍶 . 🫗香港特式薄餅 $128 💭 嗌一個就有齊4款香港風味嘅料，午餐肉、炸菜肉絲、豆豉鯪魚、五香肉丁，放喺pizza度好新穎，每款𠝹到兩塊，用咗薄脆餅底就唔會塞住個肚食唔落其他嘢，就算得兩個人嚟食都輕易ko到🍕 . 🫗三黃雞鵝肝焗飯 $178 💭 呢個飯一定要叫！隻雞同嚿鵝肝就故知然好味啦，但係個飯先係最精粹，吸收晒啲雞油同鵝油香到不得了，同埋佢每粒飯都好似海綿咁吸收晒啲水份，漲卜卜但係唔會成pat嘢咁，粒粒都比起平時嘅珍珠米更加煙韌彈牙，好出色🐔 . 🫗提拉米蘇拿破崙 $78 💭 比想像中要大份，好彩只係叫咗一份share食，拿破崙做得好鬆化，每層都夾住啲tiramisu，有咖啡香，有酒香，仲有牛油香，逢星期二、五有得邊食邊聽live band，成件事係chill嘅～ . 💰10%服務費 . 免費加入成為會員，可享即時全單八折，另外有$300 cash coupon下次用，仲有不定時優惠tim呀，快啲嚟join啦😎 . #觀塘美食 #🐷在觀塘 #🐷_食

Wingman 3 個月前

今日同我朋友一行四人，去咗觀塘一間新開嘅西餐廳 —— La Serre II ！呢度環境真係好舒服，空間感十足，無論係情侶約會定係同閨密聚會都一流！ 🍽️ 前菜小食 Appetizers & Snacks 🎃 南瓜湯 (Soup of the Day) 一上枱就聞到好香，南瓜湯入口非常濃郁綿密，味道帶點微甜，暖胃又啱做開胃前菜。 🧀 流心布拉塔芝士 (Burrata Cheese Salad) 賣相超級吸睛 📸！一整球圓滾滾、白嘟嘟嘅布拉塔芝士放喺中間，切開之後入面嘅芝士緩緩流出，奶香味極其濃郁。配埋隔離清甜嘅哈密瓜片、新鮮沙律菜同黑醋汁，酸酸甜甜，口感層次超豐富，一點都唔會膩！ 🫑 西班牙青椒仔 (Padron Pepper) 呢個係超惹味嘅佐酒小食！青椒仔炒得啱崗好，表面帶點微焦，唔辣帶一點甜，再灑上一層薄薄嘅鹽，送酒真係停唔到口！ 🍽️主菜 Mains & Pizza 🍕 香港特色薄餅 (H.K. Four Seasons Pizza) 呢個真係好有驚喜、超有創意，一定要睇吓佢嗰個牽絲邪惡畫面 🤤！佢將香港在地風味融入意式 Pizza，入面有香港特色薄餅必備嘅豆豉鯪魚、五香肉丁、榨菜肉絲同午餐肉！薄餅底係薄脆嗰種，芝士畀得毫不手軟，拉絲效果超狂。原本以為會好怪，點知同芝士、意式茄醬出奇地夾，鹹香惹味，超啱香港人口味！ 🍗 三黃雞鵝肝焗飯 (Roasted Locally Farm Chicken Fricassee with Foie Gras) 呢個絕對係今晚嘅 MVP 👑！用大金鑊盛載住上枱，賣相極有份量。三黃雞嘅外皮烤到金黃酥脆，雞肉極之嫩滑、鎖到肉汁。最邪惡嘅係伴隨埋香煎鵝肝，鵝肝油香四溢，入口即化。啲精華油香全部滲透晒入去粒粒分明嘅焗飯入面，每一口都充滿罪惡感但又幸福感爆燈！ 🍝 素肉醬千層麵 (Impossible Beef Lasagna) 用咗 Impossible Meat 嚟做嘅千層麵，上面灑滿厚厚嘅芝士碎。雖然係素食，但個肉醬味做得好逼真、好濃郁，千層麵皮吸滿番茄酸香同芝士嘅鹹香，質地軟綿，層次分明，連平時無肉不歡嘅朋友都大讚好食！ 🍹 飲品 Drinks • Ocean Green (打卡必備 💚)：荔枝、薄荷糖漿加梳打，青綠色好有夏日海洋感，入口好清爽，薄荷香氣好解膩。 • Passionfruit Orange Fizz 🥂： sparkling wine、Aperol、熱情果果泥同梳打，果香好濃，微醺得嚟帶點熱情果嘅酸甜，好有層次。 • Gin Raspberry Pineapple 🍍：Gin酒配上接骨木花酒、紅莓果泥同菠蘿汁，甜甜地好易入口，陣陣花果香，好啱女仔飲。 • Red Sangria 🍷：好經典嘅 Spanish 味道，紅酒底配上 Triple Sec 同橙汁，帶有果香嘅酒感，好襯個三黃雞焗飯同 Piz

AB Sun 3 個月前

香港特色pizza（豆豉鯪魚、五香肉丁、榨菜肉絲、午餐肉）🍕 薄底pizza焗得香脆，配料一上場已經好有話題性！豆豉鯪魚鹹香惹味，魚肉同豆豉味好突出；五香肉丁濃味夠重手，帶少少滷香；榨菜肉絲爽口微鹹，幾有層次；午餐肉都幾得意 其實真係估佢唔到用呢個配搭🤣 素肉醬千層麵🍝 焗得熱辣辣，上層芝士金黃香濃，切開之後層層分明。素肉醬味道濃郁，番茄酸甜平衡得唔錯，千層麵皮軟滑帶少少彈性，食落飽足感高，唔會覺得太膩🌿 西班牙青椒仔🫑 青椒仔口感爽脆，帶少少微甘同清香，簡單調味已經幾好食。作為前菜或者中間解膩位都好啱，清新得嚟又夠醒胃😋 Passion fruit orange fizz 氣泡感好輕盈，入口先係橙同熱情果嘅酸甜果香，再慢慢帶出 Aperol 嘅微苦同層次感 sparkling wine 同 soda 令整體更清爽，飲落醒神又唔會太甜，幾易入口🍊✨ Gin raspberry pineapple gin 香氣幾明顯，配埋接骨木花酒嘅花香，佢raspberry嘅味都幾重🍍🍓

林崇禮 4 個月前

【觀塘樓上西餐驚喜！一家人食到舔舔脷👅】 今日帶埋老婆同外父外母，去咗觀塘電訊數碼大廈4樓嗰間「LA SERRE II」食晏。之前裝修過，而家地方好闊落，光線又靚，坐得好舒服。 我哋每人叫咗杯嘢飲先。外母試咗杯凍橙咖啡，佢話咖啡嘅甘苦比橙味輕輕中和咗，好順口，佢好鍾意。另外三杯雞尾酒各有特色，酒精味唔會太重，女士都啱飲。 是日餐湯係椰菜花忌廉湯，忌廉味超香濃，熱辣辣飲落好滿足，四個人都讚好。 前菜方面，布拉塔芝士沙律配蜜瓜同車厘茄，清新得嚟芝士好滑，加埋黑醋汁一流。跟住仲有炸西班牙小辣椒（Jalapeño），微微辣好過癮；麻辣雞翼就夠晒惹味，外脆內嫩，食到舔手指。 主菜我哋點咗澳洲M5和牛封門柳，八安士五成熟。牛肉味好濃郁，肉質軟腍，配埋醬汁真係冇得頂。 甜品揀咗兩款：焦糖脆脆芝士鬆餅——牛油味極度香濃，鬆軟濕潤，我俾滿分！另一款提拉米蘇拿破崙，個酥皮脆到不得了，夾住Tiramisu餡好特別，外母都話未試過呢個配搭。 整體嚟講，呢間餐廳環境舒服，每道菜都睇得出用心，份量同價錢都合理。連加一每人約$330，食得開心又滿足，一定會再嚟！ #觀塘美食 #樓上西餐 #家庭聚餐

Koo Joey 5 個月前

之前有朋友食過，佢極力推薦呢間餐廳。咁啱今日朋友生日，佢係觀塘收工，所以我就一早book定枱今晚過去試下，上到去餐廳裝潢唔會太多花巧，簡約得黎好舒適。 我地點左5款食物一齊share！ 西班牙小辣椒 以海鹽和黑椒烹調，淡淡黑椒味帶出西班牙小辣椒本身既甜味，溫和簡單既味道，好有驚喜！ 薯條甜薯配松露醬 薯條甜薯本身自帶甜味，熱辣辣上枱聞到已經好吸引，再配上松露醬既淡淡幽香，瞬間將食物風味提升。 卡邦尼薄餅 菇菌爽滑鮮味與雞肉嫩滑相得益彰，餅底夠薄好脆口，第一次食卡邦尼薄餅，好特別。 炭烤澳洲大麥牛封門柳10oz 封門柳外層焦香，內層呈粉嫩色，單純以海鹽提味，就能感受牛肉本身既甘甜與油脂香。尤其難得的是，即使放涼後品嚐，肉質依舊柔嫩多汁，可見其選材與熟成技術精湛。 燒豬手 皮脆肉嫩，脂肪經烘烤後，口感唔油膩，而且充滿骨膠原，大家都讚不絕口。 朱古力紅桑子蛋糕 入口係濃濃既朱古力味，內層還帶有一點點酸甜味既紅桑子。 清新微酸既紅桑子，甜而不膩，還帶果香。 百利甜酒咖啡芝士蛋糕 口感軟滑，酒味唔會遮蓋芝士蛋糕，兩者味道恰到好處。 熱水果茶 百香果肉酸甜適中，再配埋紅茶做底，香氣梗加濃香醇厚。 Passion Fire 百香果肉酸酸甜甜，再配上雪碧梳化，清新解膩。 總結：LA SERRE II店員態度親切有禮，唔單止會主動介紹菜式，仲會不時換碟加水，非常細心。 餐廳仲會等我地食到差唔多先再上另一個菜，唔會好急趕咁一次過出晒餐放涼，十分貼心。 知道有朋友生日，仲會幫忙寫生日牌係蛋糕上面；我地食完仲傾左好耐計，今晚用餐體驗實在太好太開心，朋友果然無介紹錯。一定再有下次！👍👍👍