layback cafe & bar

Fanfan 2 個月前

- 楓糖牛油蒜香單骨雞翼 $118 - 香脆炸雞伴窩夫 辣蜜糖 $128 - 黑松露牛肝菌燒汁和牛意大利飯 $158 - 焙茶蜜柑巴斯克蛋糕 $88 - Strawberry Matcha Latte $58 - Sor berries $78 難得假期就梗係要好好layback 樓上cafe真係唔錯嘅選擇 原本想食四川黑糖單骨雞翼 感覺幾創新 但同窩夫一樣撞咗辣味 最後都係揀返楓糖牛油蒜香單骨雞翼 好夠蒜 雞翼都幾大隻同炸到好脆卜卜 見到楓糖牛油好似會有啲膩 但食落甜甜地又鹹鹹地 又幾balance 香脆炸雞伴窩夫辣蜜糖 甜嘅窩夫就成日食 辣嘅窩夫真係第一次 香脆炸雞外皮酥脆好香口 雞肉幾juicy 蜜糖麻辣味同窩夫出奇地夾 黑松露牛肝菌燒汁和牛意大利飯 一粒一粒呧和牛粒 牛味又幾重 熟度我覺得剛好 中間嘅蛋黃撈勻之後 啲飯滑順咗 每粒飯又吸收晒醬汁嘅精華 好味😋 焙茶蜜柑巴斯克蛋糕 入口即化 焙茶味濃又唔會苦澀 仲切到好大件 認真要同人share先食得晒 面頭清爽蜜柑同時做到解膩嘅效果 Sor berries 佢個名我一睇就愛上咗 同絕對係莓控嘅首選 呢杯係smoothie嚟 酸酸甜甜 每啖都有莓果籽 清爽冰涼又滿足 Strawberry Matcha Latte 士多啤梨同抹茶真係好朋友嚟 賣相好有層次感 士多啤梨嘅甜可以中和抹茶味嘅苦 估唔到佢哋唔止cafe咁簡單 茶味嘅產品都做得同樣出色 茶控又係時候要蒲頭😋 💰$691 (✔️加一服務費)

CM Cheng 2 個月前

四川黑糖單骨雞翼：配上黑糖醬汁令雞翼鹹甜交織，焦糖香氣尤其突出。另外再加入花椒、辣椒等，鹹甜過後再有一股微辣後勁，味道層次十分豐富。 蘭王蛋辣奶油五花肉卡邦尼意粉：蛋漿和意粉拌勻後，醬汁變得更香更creamy。扁意粉帶有彈牙口感，亦甚為掛汁，每一口都充滿濃郁奶油香。配上五花肉、泡菜，韓式酸辣為意粉畫龍點睛，味道更香之餘，也平衡了膩感。 磨菇、牛油果配酸種麵包：酸種麵包有著輕微的麥香，包體濕潤，口感帶嚼勁。配搭了蘑菇和牛油果，牛油果清甜滑順，蘑菇juicy但稍嫌有一點偏鹹。 焙茶蜜柑巴斯克芝士蛋糕：蛋糕軟滑，中間是流心狀態，帶有微微芝士乳香味。相對濃郁的是焙茶香，獨有的炭焙回甘味非常明顯。和蜜柑同吃，多了一分清新果香。

Pizza LLY 2 個月前

【Layback Cafe & Bar】 環境舒適！ 店內播放嘅音樂同牆壁上唱片裝飾都好有品味！ 好啱心靈疲憊需要以音樂同美食洗滌嘅煩囂都市人🎼🍴 🧀 西班牙風乾火腿芝士拼盤 （$158） 西班牙風乾火腿鹹香十足，哈密瓜清甜，鹹甜經典絕配 仲有芝士、無花果、合桃同脆餅，好chill 🍛 黑松露牛肝菌燒汁和牛意大利飯 （$158） 松露香氣濃郁撲鼻，和牛切一口粒易食，肉味香濃 意大利飯粒煮得入味，有咬口 🍞 焦糖香蕉吐司伴意式雪糕 （$148） 焦糖香蕉面層燒得脆卜卜夠哂甜，吐司吸飽咗蛋汁烘得酥軟，伴一球雲呢拿gelato，三樣甜嘢都好有質素 夾埋兩條鹹鹹地嘅煙肉，味道更加有層次 🍰泰奶咸芝士巴斯克 （$88） 本來考慮緊食咩甜品，見到Daily仲要得返三件，完全無可能唔試啦！ 口感濃厚，有幽香嘅泰式奶茶味，尾韻有芝士嘅鹹香吊起哂成個味道，好鐘意糕體輕盈嘅食感！ ☕Pistachio Latte （$58） 🍫 Strawberry Triple Chocolate （$78） 去Cafe飲品當然唔少得！ 熱開心果Latte 嘅拉花小熊好得意，飲落帶有開心果嘅微果仁香 士多啤梨朱古力沙冰朱古力味好濃郁，配搭忌廉同酸甜士多啤梨唔會太膩，邪惡但好治癒😜

Bu Ko 1 年前

位於銅鑼灣的這間咖啡廳以「日啡夜酒」概念脫穎而出，將早午餐的悠閒與夜晚暢飲完美結合，成為都市人全天候的休憩好去處。 生拆蟹粉拌北京拉麵 這道Fusion菜令人驚喜！金黃蟹粉蟹肉鋪滿拉麵，搭配古典中式餐具，視覺效果一流。上桌前噴上十年女兒紅噴霧，香氣撲鼻，還貼心附上一小碗蟹粉，份量絕不吝嗇。蟹肉鮮美、拉麵爽嫩，口感層次豐富，唯冷卻後拉麵稍硬，建議趁熱享用。 爆芝是拉差蛋黃醬Impossible Meat漢堡 以素肉模擬真肉口感，漢堡厚實，奶香濃郁，配料新鮮，層次分明，非常適合想嘗試素食的朋友。 日本和牛粒配喜馬拉雅山岩鹽 細嫩多汁，煎得恰到好處，岩鹽提升香氣，風味突出。 飲品方面，Matcha Yuzu Tonic 清新提神，抹茶濃郁，柚子酸爽平衡；開心果dirty 杯緣灑滿開心果粒，香氣濃郁，甜而不膩，口感豐富。 甜品選了 開心果巴斯克，質地柔軟濕潤，堅果香氣與蛋糕傳統口感完美融合，令人回味。

Bunny Wong 1 年前

做完yoga之後嚟到銅鑼灣食呢間Cafe裝修好靚，星期六有brunch Menu!! Impossible meat croffle 🤩瀑布咁嘅芝士加番茄肉醬，配上croffle食好夾！ 日本和牛粒份量都幾多，每一粒都好Juicy，配上少少pink 🧂 牛肉味更加出~ All day breakfast 🥞 呢度嘅窩夫真係好好食，外脆內軟，個蛋炒得好香配埋菇菇一食口感好豐富。薯餅都好香脆，又唔會好油！ 軟殼蟹明太子意粉🍝 軟殼蟹炸得好香脆，但係唔會太油膩！明太子意粉煮得剛剛好每一啖都有明太子醬汁，所以其實有少少膩~ 多人share食會好啲😍 甜品係嗌咗兩款，一個係開心果巴斯克，好食到飛起，入面十分之流心！上面仲有好多開心果碎，所以一啖大滿足🫣🫣 另一款係特別啲雙層pandan mango matcha basque 佢上面做到好似芒果糯米飯嗰種味，食落去都好香芒果味，所以比較Refreshing ！下面抹茶味都好濃架！ 兩款蛋糕都好值得食，因為係佢哋自己整嘅，誠意十足☺️ Iced Banana bread Matcha 😉very cute combination! 又唔會好甜，飲到抹茶香濃味加香蕉奶~ Iced coconut americano ☕️ 如果你都好鍾意飲椰子水，你會好鍾意呢一杯咖啡，佢甜甜地，但係又飲到咖啡嘅香，超級喜歡☺️