樂天大喜屋 (旺角)

yomid yomid 3 年前

樂天大喜屋 跟小同大班人慶祝生日🎂搞手揀咗CP值超高的「樂天大喜屋」，旺角 創興廣場 地點方便，仲可以順便行埋$12店，主打日式料理 放題，由朝到晚都爆棚的。 晚市放題 $248 我們吃晚市時段都好平，價錢親民，QR code 自助落單，上菜速度好快，食物質素都有一定水準，老中青都嚟捧場。 食放題第一件事係叫刺身，主角當然少不了三文魚刺身、油甘魚刺身、吞拿魚刺身、蜜汁鮑片、希靈魚、北海道鮮帶子、北寄貝、蠑螺刺身、赤貝刺身、虎蝦刺身、甜蝦刺身、極品大赤蝦刺身。 選擇真的非常多，不少都是厚切肥美，質素不錯都很新鮮，食落味道鮮甜，擺盤都好有心機！ 壽司🍣很有創意，花之戀口感柔軟綿密有沙律醬美味，芝士鰻魚玉子燒壽司入口魚味十足又有油香！黑松露蟹肉帶子壽司濃郁，魚籽拖羅塔壽司入口即溶油香十足！魚籽醬龍蝦沙律多士入口鮮甜口感酥脆。 還有大受歡迎的熟食，我見到有好多高級菜式可以選擇。古法蒸海龍躉王，魚肉份量挺多很大件，魚味濃郁入口綿滑，魚皮爽滑又充滿骨膠原，愛吃蒸魚的唔好錯過。 上湯燴大蝦球，好耐冇去飲喜酒，直程好似去咗婚宴一樣，挺大的一隻大蝦球，入口鮮甜爽滑。 極尚花膠盛宴，真係值回票價，好似手掌咁大塊嘅花膠，咬落好有彈性，滋補養生。 滋補花膠燉鮮奶，唔好錯過戀愛嘅甜品，花膠甜食挺特別，味道香甜，入口即化。 海鮮我最鍾意係食金蒜蓉粉絲蒸扇貝，扇貝肉厚吸收蒜蓉香氣，蒜香十足。 炸物都好受年青人歡迎，其中 泰式咖哩軟殼蟹挺特別的，我最愛炸軟殼蟹，估唔到連泰國菜都有。 最後食咗個挑戰難度的極品麻辣牛魔王，特別是麻辣湯加上好多嫩滑牛肉和爆汁牛丸，還有薯粉四川風味，愛吃辣的朋友可以一試！ 甜品留到最後都係可以食好多，甜點🍮雪糕🍦脆皮雪條，可以任吃好邪惡！ 差點忘記自助區飲品櫃有果汁、清酒、梅酒等。

Kam Chun Mo 4 年前

樂天大喜屋(創興廣場店) 樂天大赢喜佔創興廣場二樓全層，裝修殘舊，據職員稱餐館已經在上址營業六，七年，衛生不算差，但廚房與用餐區被扶手電梯區分隔，幸好樓上的Living Plaza 已經結業，上三樓的電梯沒有運作，出餐時沒有受多大影響。 進餐區通道比較狹窄，衛生一般，食物質素比較參差，刺身，生魚片都算新鮮，是日出現了小插曲，電話落單餐脾顯示有吞拿魚，但落單後郤沒有上桌，追單時才通知當日沒有吞拿魚提供。 熱食偏鹹，選擇比其他店少，但還可以。 食物而言，整體還算合格，不過當日有漏單及食物上桌數量與落單不符。警喜的是侍應生雖然多是年青人，但服務非常不錯，尤其一位名Rocky的經理，滿場飛，照應客人 👍👍👍，為客追單，回答查詢。 有點奇怪的是在較舊的飲食大厦，及裝修舊的餐廳，雖然價格相若，但人客的質素卻差異得很大，真摸不着頭腦，當日進餐區就非常嘈吵，有多名女性客人在瘋笑，有男性客人在大聲吹水，語言中夾雜大量星星月亮太陽魚蝦蟹，影響食慾。

yuen suimui 4 年前

這次去了一家位於旺角的樓上店，吃是日料放題的店舖，店舖環境挺大很舒適，座位間有距離不會太嘈吵。坐在窗邊還可欣賞彌敦道的街景，慢慢地享受午餐時光🙈。 - 💥午市放題 HKD$188/位，食物有自助區及下單點菜，食物種類挺多的，包括：刺身、壽司、創作料理、卷物、一品料理、炸物、天婦羅發及串燒等等🙈。自助區有前菜、葷菜、甜品及飲品。 - 刺身擺盤吸引，點了三文魚、油甘魚、北寄貝、八爪魚片、帶子、赤貝及象拔蚌。刺身的色澤紅潤，切到厚薄適中。口感爽口味道鮮甜，用醬油吃更鮮味😚。 - 壽司點了幾款特別的，點了黑松露油甘魚、和風黑松露吞拿魚他他、灸燒三文魚腩。黑松露味道濃郁😍，魚生食材新鮮爽口，整體口感豐富。壽司味道鮮甜，壽司飯不會太黏稠。 - 炸物點了吉列牛乳炸鮮奶及紫心香芋丸，兩款賣相金黃色。做到外脆內軟，口感酥脆不油膩😚。吉列牛乳炸鮮奶奶味濃郁，紫心香芋丸口感軟滑。 - 甜品的選擇也有數款，包括：朱古力糯米糍、芒果糯米糍、木糠布甸、提拉米蘇及泡芙等等。這幾款甜品味道不會太甜，細細件感覺挺方便吃的🙈。 - 📍樂天大喜屋 旺角彌敦道593-601號創興廣場2樓

Delivery BingFood 4 年前

【旺角午市放題 第2位半價！】 近來又無得晚市堂食，所以有好西都要係Lunch食到盡！早排就同同事去了創興食放題，佢位於12蚊店下店，食飽仲可以行陣。 放題$188/位，食足3個鐘，認真抵食！近排餐廳仲做緊優惠，下午第二位更半價！！完全無唔食的理由。 放題主要都係用QR Code落單，另外出面都有個位置放不同的熟食、凍海鮮，及數之不盡的飲品。 近來天氣都凍了，偽養生的我大愛呢個暖櫃，入面放滿薑茶、雪梨川貝茶，及菊花茶。此外，餐廳仲有不同的熱茶、汽水、果汁可以揀，選擇困難症的人有難啦 (笑)。 放題的質數，我就覺得同刺身的質素掛鉤！整盆刺身顏色已經知佢新鮮，加上片片厚切，絶不孤寒。特別一提刺身已經切底解凍，無一般放題店個種雪到硬的口感。 我大愛的係極品大赤蝦刺身，真係每隻都又長又粗身，個頭仲有膏添！我係一個大愛生蝦的人，同時都對蝦有少少敏感，如果唔係我開始痕，我真係唔只點一盤。 我近年的新寵兒：油甘魚刺身，我鍾意其口感比三文魚及吞拿魚更爽身，而且肉身油分亦較高，味道亦富淡淡甘甜。 唯一一個敗筆之處係，刺身無我favourite的吞拿魚，唯有叫壽司。黑松露赤蝦拖羅蓉魚生塔及和風黑松露呑拿魚他他，飯不會太多，黑松露帶出呑拿魚及赤蝦的鮮味。 講到食壽司，點可以唔叫火炙壽司？呢度有海鹽燒左口魚邊壽司，雖然左口魚有點細塊，不過仍然有油香。 餐廳仲有不少卷物，呢個香芒吉烈蝦卷食起來甜甜的，女士應該會喜歡的。 熟食我推介串燒牛舌，燒得香口的口舌加上黑椒，惹味！ 另外，食放題大家都必定會叫天婦羅，雖然佢細細隻，不過佢絶地係剛剛新鮮炸起，外皮鬆脆、蝦肉彈牙，放題來說不錯。 呢間放題店我一直想試，見佢開店頭幾年，門口總是有長長的人龍。今次試完覺得都不錯，重點係Lunch真係抵食，而且所有點的食物都來齊，加上有自取Counter可以拎熟食，款式夠晒多，就算一大班朋友去，都一定啱食。 樂天大喜屋 旺角彌敦道593-601號創興廣場2樓

Y L 上次編輯：4 年前

數年後/2022：地方不變, 但服務有進步, 魚生厚切新鮮, 放題食足三小時, 電腦化後沒有再漏單, 午市2位約五百元找數, 性價比高! 數年前：坐位擠迫，服務一般，侍應們邊做邊長嗟短嘆！食品可接受，但有三份一以上的漏單，我們一行十人加上週末全場爆滿，查單不易，要補單又補單，食得很不自在!