六和小廚

kumaveggie 6 個月前

眼前一亮的下午茶😄 今日同朋友喺觀塘做完嘢已經過咗午餐時間，於是我哋商量不如喺附近嘅餐廳食個下午茶😁 朋友記得新裝修過嘅六和冰室口碑唔錯，於是決定一齊去試吓☺️ 我哋到達冰室嘅時候，可能因為係下午茶時段啱啱開始咗冇幾耐，店內差唔多坐滿人😅 好好彩啱啱有一個卡位嘅客人啱啱埋單離開冰室，所以我哋唔使等就有位坐啦☺️😄 睇過餐牌之後，我同朋友分別叫咗雪菜肉絲加叉燒米線，同埋雞髀配黑松露蝦多士😋 服務員將食物送到嚟時，我同朋友都眼前一亮☺️😆 因為雖然我哋係喺茶餐廳，但係食物嘅擺盤精緻，賣相一流，加上食物份量足夠，而且價錢又大眾化，我同朋友都覺得真係值得再次幫襯😄👍💪

QB mama 4 年前

觀塘真係好多好野食，而且我發覺好多都有共通點，就係地方大，喺疫情之下出街食飯依樣野都幾重要，距離遠啲都食得安心啲。 好似我早排去既 #六和冰室 咁，位處工廈中，地方相當濶落，而且唔係一般茶記食快餐，晚市亦有鑊氣小炒、雞煲、火鍋、海鮮等，約埋朋友啤啤佢唔錯。 私心推介小炒必試👍 炸乳鴿皮脆肉滑，夠入味，鴿鴨算中型size, 都幾多肉，$38隻抵食。 鳳梨蜜桃咕嚕肉 夠晒鑊氣，咕嚕肉香脆挺身，包裏着酸甜醬汁特別醒胃。仲有新鮮菠蘿和蜜桃，水果入饌更清新，夏天好岩食。 避風塘椒鹽鮮魷 鮮魷彈牙而充滿韌性，一食就知好新鮮，脆醬鬆化唔油膩，加埋香脆炸蒜。送飯一流。 雞煲套餐都勁抵食，只要每人$198，可選一款雞煲+ 15樣配料，我初初都以為自己聽錯🤣 真係好豐富。 🐔清香椰子雞煲 湯底本身已經係豬骨煮成，有椰子肉、杞子、紅棗等，鮮甜滋潤。雞件有半隻雞既份量，光澤新鮮，煮熟都唔鞋口，好嫩滑仲食得出雞味。 配料選擇都唔少，我地點左肥牛、黑豚肉、幾款丸類、自家製雲吞、炸響鈴、蔬菜等等。15款真係包羅萬有，可幸份量不是太多，食完小菜雞煲飽飽地，依個份量剛剛好，唔怕浪費食材。 最後記得要點飲品🍹，巨人爆檸🍋、洛神花茶🌺、菠蘿青檸蜜🍍都係giant size, 食完成餐飯都未飲完，只係$28/杯，超抵啦！ 今次無預先訂就試唔到海鮮，見佢價錢都唔算貴，下次可以再試！

Angela Chui 4 年前

衆所周知，觀塘工廈好多隱藏美食店，今次呢間六合冰室就係其中一間。位於成業工業大廈地下，占地面積大，有好多卡位同圓檯，裝修以香港特色為主，餐廳光猛新净，主打麻辣鷄煲、火鍋、烤魚和小炒。 老闆熱情推介招牌吊燒骨 $88，加入麥芽糖同腰果，既香脆又惹味，金沙骨keep到肉汁，好香甜，老闆無介紹錯！ 紅燒豆腐 $68，豆腐外層焦香酥脆，裏面仲係豆腐水嫩口感，豆腐沾滿紅燒醬汁，有多款菇類增加鮮味，另配有3棵白菜，呢道餸好豐富。 今次叫左明爐招牌烤鱸魚 $268 酸菜味 BB辣。鱸魚好大條，本身已經炸到脆身，魚肉都已經熟左，不過可以慢慢加熱，吸收下酸菜湯嘅精華，會好味好多。食魚最緊要少骨，呢條鱸魚骨冇咩細骨，魚幾厚肉。配有紅薯粉，吸收曬湯底酸辣味，好惹味。 可以加錢另配火鍋配料，但見到本身烤魚已有大量配菜，只加了烏冬。烤魚底部嘅配菜真係好多，有白蘿蔔、豆卜、酸菜、蓮藕、金針菇、萵荀等等。 $28一杯特飲，分別嗌左洛神花茶同埋菠蘿青檸蜜，超大杯超抵飲。另加$30叫左自家制檸檬薏米水，清熱解渴，啱曬食烤魚時飲。

Alice Lam 4 年前

環境非常寬敞，而且大枱都夠多，啱晒一班朋友食嘢吹水😛 明爐烤魚（一條）$268 超級超級大條，色香味俱全！條魚本身已經炸得夠香脆，再放喺爐上面一直keep住熱食，非常滋味。 本身想落單嘅時候叫定啲火鍋配料，但店員提我地可以等烤魚上咗菜先先決定。果然烤魚下面真係有好多配菜，食到我哋勁飽😹😹$268兩個人真係超級超級抵！ 除咗烤魚雞煲呢啲重口味之選，佢仲可以叫小菜，咁我哋就叫咗個椒鹽豆腐（$68）～脆得黎又好滑☺️🤤好正！

Kin Kin 4 年前

今日放工突然落勁大雨，決定同同事一路食飯一路等雨停🤣🤣 餐廳應該主打港式情懷，裝修都係十分貼地，坐低見到啲小炒同烤魚好似都幾正咁，所以最後點咗一份bb辣嘅烤魚，另外配咗啲芝士腸、蟹柳、生菜、肥牛、芋絲同埋炸魚皮～ 烤魚本身已經十分足料，除咗大大條嘅魚之外仲有啲白蘿蔔、蓮藕片同埋粉條係底，條魚嘅肉質都幾嫩滑～麻香味十足，食完烤魚再打邊爐，正！ 另外，我地都點左好幾道小炒，味道同埋鑊氣都足！有香芒沙拉骨、蒜香粉絲中蝦煲、避風塘豉椒炒鮮魷同埋蜜椒薯仔牛肉粒～ 芒果沙拉骨啱啱炸起，食落啖啖肉，配埋啲香芒沙拉醬，有一種食緊生炸豬扒配雜果沙律嘅感覺，幾好食！ 蒜香粉絲中蝦煲很貼心地會剪短粉絲，可以好輕易咁夾起，蝦嘅數量都唔少～ 避風塘豉椒炒鮮魷即叫即炸，食落辣辣地好惹味，份量又大份，推薦！ 最後就係蜜椒薯仔牛肉粒，食落充滿黑椒味，牛肉粒亦好嫩滑，呢道菜可以送到幾碗飯！ 最後仲有檸檬薏米水，紓援我地今晚放縱嘅肚皮🤣🤣🤣滿足的一餐～～