龍糖坊(旺角店)

Jeff Chong 1 週前

地方乾淨企理，環境好舒服，職員亦好有禮貌。甜品款式好齊全，味道有驚喜，整體體驗好滿意，會再嚟！

Rikioh 1 週前

到訪龍糖坊旺角店，整體環境舒適整潔，用餐體驗良好。 今次點了牛角窩夫配芒果吉士及豆腐雪糕、椰椰芒果奶蓋、芒多多楊枝甘露綿綿冰、開心果露雙皮奶、原味巴斯克芝士蛋糕配海鹽芝士奶蓋、一盤大滿足、海鹽芝士奶蓋茶及咖喱魚蛋。 最喜歡牛角窩夫，外脆內軟，配搭芒果吉士及豆腐雪糕十分有特色。楊枝甘露綿綿冰芒果份量充足，而椰椰芒果奶蓋椰香濃郁，味道清新討好。 一盤大滿足集合杏仁茶、芝麻糊、核桃糊及紅豆沙四款傳統糖水，可以一次品嚐不同風味，十分適合分享。 整體甜品賣相精緻，味道亦有水準，服務態度友善，是一間值得再訪的甜品店。

Bear Chu 1 週前

旺角食糖水新選擇！甜品種類多，整體唔會過甜，由傳統糖水到新式甜品都做得有水準 芒多多楊枝甘露綿綿冰 ($78)： 芒果味濃，綿綿冰入口即溶。 一盤大滿足（熱）($62)：一次過試齊 4 款糖水，最啱選擇困難症！ 開心果露雙皮奶（凍）($58)： 開心果味超濃郁，配滑嫩雙皮奶一流。 牛角窩夫配自家製芒果吉士醬 豆腐雪糕 ($58)： 外酥內軟，配芒果醬同豆腐雪糕冰火交織。 原味巴斯克芝士蛋糕 ($48)： 可加錢配奶蓋茶/椰椰芒果奶蓋。 咖哩魚蛋 (8粒) ($22)： 辣辣地好過癮，食完甜品叫一份剛剛好！ 環境舒服，好啱同朋友去食個甜品聚吓！

Trendy Lam 1 個月前

同朋友準備去旺角大球場，觀賞香港超級聯賽嘅足球賽事。外隊嚟先睇，本地就唔睇，呢啲叫「湊熱鬧」，並非真球迷嘛。我同朋友喺旺角搵嘢食期間，見到新開冇耐嘅呢間「龍糖坊」，我就即刻落咗結論，得喇，就呢間，食過兩次㗎喇。 . 朋友就試咗 $36 嘅「芝士撈麵餐」，咁個餐就梗係有「芝士撈麵」啦，佢就講到個麵都夠彈牙，芝士個鹹香都控制得幾好，唔會話太鹹咁話。然後佢配「咖哩魚蛋」三粒，個醬汁好入味，同埋佢都有特登讚魚蛋個口感，話係好特別嘅。 . 佢套餐加 $10 試凍「椰椰芒果奶蓋」，佢第一啖飲落口就叫晒咁，我問佢咩事，佢話係勁濃香嘅椰味，哈哈，搞到咁失態呀。至於我就試 $36 嘅「蒜香撈麵餐」，又到顧名思義嘅時間喇，呢個餐一定有咩呢，冇錯喇，就係「蒜香撈麵」喇。 . 食落啲麵條係堅揪彈牙，唔係有啲整到腍晒咁，係有啲功架喎。同埋每條麵都好似有啲濃郁嘅蒜香包裹住咁，食落就係夠晒粗暴，香口又惹味。我個餐配「魚肉燒賣」四粒，食落係有別於其他啲普通料，原來佢係用咗九記嘅魚肉燒賣，難怪。 . 佢個口感係煙韌紮實啲，應該係個魚肉比例校得好，魚肉香味豐盈之餘，配埋個秘製沙爹咖哩醬係剛剛好，燒賣控唔可以錯過。我個餐飲就加 $22 試「啡椰境界」，講到係隱藏特飲，果然有料，啡同椰嘅組合係相得益彰，仲有幾粒朱古力蛋糕。 . 跟住我哋 share 試 $58 嘅「牛角窩夫」，本身佢拎晒牛角包同窩夫嘅優點，外脆內鬆化，牛油香馥郁。加 $4 配「特濃朱古力+開心果麵包絲」，口感同味道層次都高。試埋加 $12 都幾好飲嘅「海鹽芝士奶蓋茶」後，$178 埋單，抵呀。

msfood__special 上次編輯：1 個月前

小妹今晚同豬去咗「龍糖坊」位於旺角新分店甜品店～呢間甜品店融合不同文藝設計既氣色。將中式糖水及西式甜品，打造成文青復古新潮既感覺🥰當中最欣賞係牆上面既插畫，以及打氣小卡仔😍精緻吸睛💚 一碗大滿足 椰奶+桃膠+蓮子+仙草+西米+香芋+紅豆🫘 呢碗糖水加了不同配料，粒粒紅豆🫘口感一流，仲加芋圓、芋泥仙草、蓮子、西米，完全將傳統與新式合併💯仲有不少桃膠😁 提升呢款糖水既層次🤩絕對大滿足😌 紅豆沙🫘 呢配紅豆沙🫘好足料，紅豆大大粒，每啖都食到紅豆🫘 煮到剛剛好，保持口感😍 咖哩魚蛋🍡 擁有獨特風味，搭配在一起更是令人垂涎🤤魚蛋爽口彈牙，外皮光滑，內裡咖喱充滿魚肉的鮮味❣️ 香脆韮菜角 呈金黃色，外皮酥脆鬆軟，咬下去時能感受到層次感，令人愉悅的咀嚼感🤭 內餡既韭菜搭配，鮮嫩多汁，油脂和韭菜的清香交融，口感豐富🙌 魚蓉燒賣(5粒) +蒜香撈麵餐🍢🍜 呢款魚蓉燒賣充滿魚肉味，味道濃且口感煙韌，外皮薄而有彈性～而印尼撈麵充滿7仔風味🥳細細碗已經覺得好足夠🥸 椰椰芒果奶蓋🥭 整體口感清新、層次豐富❤️ 濃郁而質地輕盈的椰子奶蓋帶有淡淡椰香，完美中和了鮮甜多汁的芒果肉與芒果醬，甜而不膩👍🏻 整體有質素，份量剛好，環境舒適且價錢合理🤭 岩哂飯後想食甜品🍧既朋友仔😝