迷客夏

Chloe Ho 11 個月前

好味！😋 仲要好平，而家做緊買一送一！30幾蚊就有兩份甜品，抵到爛！

Ying Faat Wong (FireworkA8) 1 年前

今日同老婆去燈籠街食午餐，食飽後覺得有啲口渴，所以黎左利園山道既迷夏客買野飲。我地每次黎第一句都會問今日有無米糬，因為迷夏客當初一出米麻糬既時候就已經愛上了，之後每次都會想買個米麻糬甜品。今次我地叫左草莓米麻糬鮮奶。草莓米麻糬鮮奶係固定甜度和固定冰量。首先佢地會將米麻糬剪成碎少少，避免飲既時候啜既時候卡住飲管而飲唔到，非常細心。而冰量方面，草莓米麻糬鮮奶係無冰既，我諗係因為落左冰的話會令米麻糬變硬，所以係無落冰。不過呢杯草莓米麻糬鮮奶就比較貴，要44蚊一杯。下次會試下米麻糬鮮奶。

msfood__special 1 年前

Milksha 係香港開咗段時間，小妹幫襯咗呢間手搖店唔少次😆最喜歡佢地係用天然食材，感覺健康啲～ 手工麻糬仙草杯🥧 小妹今次擇咗「手工麻糬仙草杯」，擇咗2款配料為白玉珍珠+糯香小丸子🍡 呢款白玉珍珠煙煙韌韌，非常有咬口😬 糯香小丸子軟糯😋 超大嚿麻糬，麻糬入口綿滑彈牙～仙草非常滑潤，又降火，配埋小盒子既椰奶簡直絕配👍🏻睇相就知幾足料啦～ MILKSHA迷客夏價錢經濟實惠，即叫即整，人手製作係繁忙時段需要耐心等候，但絕對等得有價值，每款食物有質素又超足料🥰真心推薦❣️

Amy Ng 2 年前

#仙草控 及 #麻糬控 注意⚠️ 🐮Milksha又有新嘢啦‼️ . Milksha全新推出2款全天然自家製手工甜品， 8款自家製手工配料，每日門市新鮮製作， 大大碗，好味又抵食😋 . 🌿手工仙草杯 $28 手工嫩仙草 + 4款手工配料 . 🍀手工麻糬仙草杯 $32 手工嫩仙草 + 北海道米麻糬 (限量供應)+ 3款手工配料 . 🔸🔸🔸🔷🔸🔸🔸🔷🔸🔸🔸🔷 . 作為麻糬控～我早日經開銅鑼灣， 就即刻試咗 🥣 #手工麻糬仙草杯 🥣 啦！ 今次揀咗天然蘆薈、白玉珍珠同手工芋圓， 蘆薈爽口、珍珠煙韌有咬口、芋圓夠軟糯、 北海道米麻糬入口綿滑彈牙、富濃郁米香♨️ 再加埋椰奶，口感層次豐富，又飽又滿足！

Chloe Miss 3 年前

約左好友食dinner，之後心思思想飲杯野，就去咗這間迷客夏Milksha飲品店，好耐無飲過，花多眼亂，見到有haagen daz雪糕配沙冰好正咁就簡左呢杯，朋友就簡左店舖主打飲品既#2 伯爵紅茶拿鐵啦！ 🧋抹茶夏威夷果仁 好好飲味道香濃啖啖抹茶味，配咗夏威夷果仁雪糕🍦估唔到好夾，好足料，又好似推薦推薦😋 🧋伯爵紅茶拿鐵 呢杯主打伯爵茶沖得很好飲，茶味香濃配鮮奶很細滑