O'Mochi

Kayla 2 個月前

葵芳 O’Mochi｜甜品控必食！ 每次經過呢間麻糬店都想買，今次一次過買咗3 款招牌甜點 🔸沾醬麻糬（原味配脆脆餅碎＋海鹽芝士奶蓋醬） 🧀 麻糬Q 彈，沾滿鹹甜濃郁嘅芝士奶蓋，再配埋脆脆餅碎，口感層次極豐富，鹹甜平衡得非常好💖 🔸脆皮開心果大福 💚 外層脆皮咬落「咔滋」響，包裹住濃郁嘅開心果餡，堅果香十足又唔會過甜，開心果控必試！ 🔸原味黃油年糕 🧈 年糕好鬆軟，每咬一啖都有濃濃牛油同奶香，超邪惡🥰 建議買完即食口感會更好，麻糬控一定要 bookmark！

Photoddixted 3 個月前

O‘Mochi! @omochi_omochihk 📍：旺角彌敦道700號T.O.P. This is Our Place 1樓103號舖 🚗：旺角地鐵B3出口 步行1分鐘 💲：~HKD100/head for desserts Food quality ✔️：杜拜辣辣壽司 👌🏼：士多啤梨開心果脆絲、菊花普洱冷泡茶、開心果碎、沾醬麻糬朱古力味、海鹽芝士奶蓋醬 總結： 🤔以DIY 招牌沾醬麻糬做主打，可自選配搭出多種口味，送禮包裝超得意，係散水餅之選👏🏼 🤔沾醬麻糬朱古力味+ 海鹽芝士奶蓋醬+ 開心果加嚟就$50，嗰配搭都唔錯嘅 🤔士多啤梨🍓開心果脆絲就朱古力冇咁出反而開心果味較出眾，士多啤梨較酸 🤔配有特飲同冷泡茶配麻糬食消滯解膩一流，菊花普洱冷泡茶就正常👌🏼 🤔有官網，散水餅可以直接網上訂比較方便 😋杜拜辣辣壽司值得一試，朱古力🍫麻糬扮魚生杜拜朱古力做飯仲真係配wasabi，創新得嚟又幾好食 ======評分====== 😋：🌕🌕🌕🌗🌑 💲：🌕🌕🌑🌑🌑 📸：🌕🌕🌕🌑🌑 👩🏻‍🍳：🌕🌕🌕🌑🌑

Sun Wing Yan 5 個月前

O’Mochi ⭐️ 旺角TOP 沾醬麻糬（朱古力味）配海鹽芝士奶蓋醬 🍫🧀 朱古力麻糬煙韌又有彈性，入口有濃郁可可香，甜度唔算過份～重點係配上海鹽芝士奶蓋醬之後，成件事即刻提升晒層次，奶蓋滑順帶少少鹹香，海鹽味令朱古力甜感冇咁單調，鹹甜交錯好邪惡又好吸引🤎當你點完奶蓋醬之後，再沾Oreo脆脆！口感層次再多一層💙💙💙 脆皮榴槤大福 🌰🍮 外層脆皮好香口，一咬落有少少酥脆感，入面大福皮軟糯煙韌，包住榴槤餡之後香氣即刻爆出嚟～榴槤味幾突出，鍾意榴槤嘅人應該會好鍾意，濃香得嚟又唔算太重膩，食落好有記憶點😌 忙裏偷芒特飲 🥭🧋 呢杯特飲過樽都好特別，圓轆轆😂佢呢款特飲隻奶有少少似花奶，再加埋芒果啫喱，飲落有少少似自己整芒果啫喱醬加花奶，有啲童年嘅回憶😂口感順滑之餘又有啲果蓉感，係一杯幾討喜又好易入口嘅果味特飲🌞

travel_heidi_jack 5 個月前

朋友知我鐘意食開心果，每逢有開心果嘅美食都會推比我，今次係T.O.P嘅，朋友今次推介嘅係：脆皮開心果大福，之後忍唔住試埋其他野🤣都有驚喜👍 ⭐️脆皮開心果大福 脆皮嘅大福入面包住好多cream,口感豐富，食落仲好香開心果味，甜度適中，開心果fans，必試😋 ⭐️招牌沾醬麻糬套餐 麻糬粒：沾醬麻糬芝麻味 手工醬料：海鹽芝士奶蓋醬 脆脆碎：開心果碎 麻糬粒就咁食又得，淨係點醬食又得，加埋脆脆粒食又得，又好玩又好食🤭 ⭐️涼浸浸椰青凍 比佢嘅顏色吸引左，見都係椰青唔會伏先揀佢，點知有驚喜😍喺住椰青凍都係白色嘅部分，點知一插支飲管落去，嘩，連個頂藍色嘅部分都係果凍黎，又好玩、又好飲，正呀🤭

vivian yik 8 個月前

麻糬控集合❗️ 而家唔使飛台北 喺旺角T.O.P都食到韌軟糯嘅沾醬麻糬啦！ 店舖位置方便，就喺旺角T.O.P商場一樓。麻糬每日手工製作，外皮軟糯，可以自由配搭醬料同配料，好過癮。麻糬大幅包裝簡潔，適合買嚟做散水餅，或者送禮。 🖐️ 自家DIY沾醬三部曲
1️⃣ 揀麻糬｜2️⃣ 沾手作醬｜3️⃣ 滾脆脆 1️⃣ 麻糬口味：原味/朱古力/抹茶/黑芝麻，每粒都QQ彈彈 2️⃣ 沾醬口味：海鹽芝士奶蓋、濃厚焙茶、開心果、黑芝麻 3️⃣ 脆脆口味：奧利奧碎、脆脆餅碎、開心果碎 自由配搭好過癮，一粒麻糬 滿足3 個願望！真係同台灣食到嘅一樣滿足！😭 🍓 創意大福系列 芋泥肉鬆大福｜鹹甜綿密，外皮超薄超煙韌，搣開超澎湃餡料 抹茶士多啤梨大福｜雙層口感，草莓皮包住濃郁抹茶cream 特飲｜解膩同時延續煙韌享受
忙裡偷「芒」特飲｜芒果味清甜 仲有果凍 增加口感
燶Q特飲｜焙茶甘香濃郁 配黑糖QQ，雙重口感