Oolaa Petite

onqqstuffies 6 個月前

星街呢區一向畀人一種好 chill 嘅感覺，而 Oolaa 喺度開咗咁耐，依然係好多人聚腳嘅首選。尤其係週末晏晝，坐喺佢嗰個半開放式嘅位，望住出面靜靜地嘅街道吹吓風，真係幾有去咗外國旅行嘅 feel，成個人即刻放鬆晒。 今次叫咗佢哋個 Steak Burger。老實講，佢唔係嗰種好浮誇、多到瀉嘅網紅漢堡，但贏在夠紮實。塊肉食得出有返咁上下質素，肉味幾濃，煎得啱啱好，咬落去仲有肉汁，配埋啲新鮮配菜同埋炸得脆身嘅薯條，成件事係好滿足嘅 comfort food。 雖然價錢喺呢區嚟講唔算平，但買嘅係嗰份空間感同埋穩定嘅水準。呢度唔會趕你走，服務亦都幾自然，唔會過份熱情令你覺得尷尬。如果你想喺灣仔搵個地方避開嗰種迫人嘅感覺，舒舒服服食餐飽嘅，呢度仲係一個好穩陣、唔會出錯嘅選擇。雖然冇乜驚天動地嘅新意，但嗰份「穩陣」同埋環境嘅加持，確實係幾治癒。

大番薯 1 年前

同一星期去過東涌及灣仔兩間，灣仔呢間特別安靜，環境也優雅些，服務及食物是東涌那間比較好一點！Oolaa沒有加一收費，食物都好食，整體來說，是我喜愛的餐廳，會探訪其他店！

Pandamen 1 年前

Leed potato soup鹹到飲咗兩啖就算，麵包又凍又硬牛油都冇粒。 Set lunch主菜食牛$180+$30 叫medium rare有一半係全熟柴皮沙律菜醋都無滴完全無調味,凍檸茶+$30都可以冲到堅難飲。唯一可以讚嘅係幾位外籍Waitress都非常Nice！ 食淨擺低收走嘅嘢仲多過食落肚。

PikaPika Vi 2 年前

每月一次中同聚😋 又係每月一次嘅中同飯局，好耐之前佢哋帶我嚟星街搵嘢食，宜家間唔中都會過嚟哩度食飯。 難得繁忙嘅市區入面，有一條靜靜哋嘅食街，又唔會太雜，人流唔多。 最緊要係，餐廳食物水準高😌 試過幾間唔同嘅餐廳，一啲都唔雷。 今日就要介紹下Oolaa Petite。 趁住夜晚8:00前有 happy hour，一坐低就叫咗杯白酒先🤣 平日餐廳都會固定有啲特別主題，而逢星期四係 Fijitas Nights。 Fajita ($150) Fajita 可以揀素食、牛肉、雞肉、蝦肉，想貪心啲牛肉 加 雞肉就要加 $20。 第一次食 Fajita，今次揀咗牛肉。 主菜用鐵板上，好香😍 但係有大量三色椒🙈，偏食嘅我將所有三色椒留哂俾朋友😝 夾餅會跟埋配料同醬汁，先將醬汁搽上夾餅，加埋牛肉一齊食，好惹味。 牛肉好淋，而且份量比想像中多，值得一試。 Crab Cake ‘Bites’ ($185) 蟹餅一共有6件，蟹餅炸得好脆口，而且一啲都唔油，再配埋微辣嘅沙律醬，食唔停口，一個人食哂一份都唔誇張。 必食推介 ❤️ Salmon Puttanesca Rigatoni ($180) 我哋太睇少哩個辣蕃茄醬😳 諗住西式意粉嘅辣，應該都唔會好辣啫。 上面嗰啲意粉無浸住辣蕃茄醬都還好，食到底，啲粗管粉吸哂啲辣蕃茄醬，對唔食辣嘅我，唔係好食到。 如果食得辣，一定要試哩個意粉。 意粉煮得好入味，粗管粉口感岩岩好，有咬口但唔會太硬。 其實成個意粉都煮得好惹味，會忍唔住一直食，但真係太辣🥵 Wild Mushroom Risotto ($155) 好在我哋仲叫咗一個唔辣嘅主食。 菇嘅份量好多，但唔會有菇嘅草腥味。 雖然係意大利飯，但唔會好膩。 同其他食物比，哩個飯會比較淡。 整體食物都唔錯，職員好有禮貌，會留意客人水杯，定時定候主動幫客人加水。 食物偏向濃味，預客人一路飲酒一路食，但唔會太咸，調味做得幾到位。 推薦大家嚟試吓👍🏻 評分：★ ★ ★ ★ 環境：★ ★ ★ ★ 食物：★ ★ ★ ★ 服務：★ ★ ★ ★ 衛生：★ ★ ★ ★

Fox Fok 8 年前

感覺上有點失準，蘑菇湯太淡和稀。主菜魚淡而無味，沙律菜過苦，沒有做好調味。雞肉方面就不錯，夠滑，配菜也很好。甜品方面就值得一讚！朱古力布朗尼有很濃的朱古力味，而椰子糕就是有著淡淡的椰香。飲品方面最為差的就是杯熱朱古力了，太淡！只有奶味，完全沒有朱古力味！！！ cappuccino就普通的。