Pancake 專門

Cherie Kwok 7 個月前

Foodie IG @foodpilgrimage.gps ➲ 銅鑼灣 Pancake 專門 傍晚嘅銅鑼灣，藏著一間可以治癒一日的甜蜜小屋。推開「Pancake專門」的門，時間好像慢了下來。 ➳ 紫薯麻薯班戟 𝐏𝐮𝐫𝐩𝐥𝐞 𝐏𝐨𝐭𝐚𝐭𝐨 𝐌𝐨𝐧𝐭 𝐁𝐥𝐚𝐧𝐜 𝐌𝐨𝐜𝐡𝐢 𝐏𝐚𝐧𝐜𝐚𝐤𝐞 叫咗一份 「紫薯麻薯班戟」，優雅的紫色與麻糬的軟糯，是視覺與味覺的溫柔邂逅。 ➳ 黑朱古力麻薯班戟 𝐃𝐚𝐫𝐤 𝐂𝐡𝐨𝐜𝐨𝐥𝐚𝐭𝐞 𝐌𝐨𝐧𝐭 𝐁𝐥𝐚𝐧𝐜 𝐌𝐨𝐜𝐡𝐢 𝐏𝐚𝐧𝐜𝐚𝐤𝐞 店裡招牌的 「Mont Blanc麻糬班戟」 系列選擇很多，從紫薯到濃郁黑朱古力，每一款上面都鋪滿綿滑的粟子蓉。外層的黑朱古力初嘗濃郁，但建議搭配雪糕一起享用，可以平衡味道，讓口感更豐富。 ➳ 400次焙茶奶蓋 𝐇𝐨𝐣𝐢𝐜𝐡𝐚 𝐅𝐮𝐣𝐢𝐬𝐚𝐧 相比之下，我更愛 「焙茶富士山」！它的頂層不是普通奶蓋，而是用茶打發出的綿密泡沫，造型如其名，茶味濃郁，口感綿密creamy。 在這裡，甜品不只是甜，更是忙碌生活裡，給自己的一份溫柔犒賞。 ⤵ 𐂐 @pancake.senmon ⌖ 銅鑼灣百德新街57號海華大廈地下B號舖 ⤚ ⊹ ⤙ #hkfood #hkrestaurant #hkcafe #cafehk #hk #hkfoodie #hkfoodblogger #hkcoffee #hkcoffeeshop #coffeeinhongkong #cafeholic #foodblog #foodblogger #foodreview #香港美食 #香港食評 #銅鑼灣美食 #Pancake專門 #麻糬班戟 #富士山 #抹茶 #焙茶 #麻糬 #雪糕

Cada 1 年前

平時甜品店都係食甜品，但呢間竟然有手工意粉！竟然味道都唔輸蝕，幾有趣～ 。濃蕃茄牛肋條孖辮粉 $128 / 蟹肉卡邦尼孖辮粉 $138 見到呢度有孖辮粉，應該係手工意粉嚟，平時市面上都唔常見，所以叫咗嚟試吓😛口感 Q 彈，似變奏版嘅通粉，都幾得意！蕃茄牛肋條味道正常，蕃茄醬偏薄身～而且牛肋條嘅份量偏少……感覺上係得一條，再切開成四粒🙏🏻蟹肉卡邦尼更值得一試！蟹肉份量多，每啖都有蟹味，撈埋生蛋黃食都好夾！ 。熟成芒果麻糬拿破崙 $148 超推薦！！啲酥皮做得好出色，非常鬆脆，雖然價錢唔平，但我都願意為咗啲酥皮再食！上面嘅芒果份量都多🥭，啲cream重奶味，但係感覺輕身的，唔會好膩～入面仲有幾粒麻糬球，感覺係餐廳自己做嘅，都好有誠意！ 。MONT BLANC 麻糬班戟（配雪糕） $138 有幾款唔同嘅口味可以選擇，我哋揀咗金時番薯配焙茶雪糕～由班戟做底，上面放一球雪糕，出面仲有大量嘅番薯蓉包圍住🍠。啲番薯蓉質感綿滑，而且香甜，都好好食！但係感覺上同班戟唔係好夾😣分開食嘅話兩樣都唔錯，但放埋一齊嘅話就差啲～ 。焙茶富士山 $56 / 抹茶富士山 $56 打卡一流🗻！飲落都唔錯，上面嗰層好似係用茶打出嚟嘅泡泡，兩杯嘅味道都好濃，而且口感綿密，之後連埋下面啲奶撈埋嚟飲成件事好Creamy！喺一杯會飽肚嘅飲品🤣

Nana._foodie 1 年前

今日嚟到銅鑼灣，趁着崇光百貨感謝祭仲有四日繼續血拼，買完嘢梗係要搵個地方坐低休息吓啦，今次我哋就揀咗喱間來自日本人氣的班戟專門店紗織嘆甜品，簡約嘅日系風配上小庭園，猶如置身京都一樣，嚟到一定要試佢呢度最出名嘅甜品和栗布朗尼，標榜勁幼細至1mm嘅紫薯條，包住厚忌廉和鬆軟嘅班戟底，淨係賣相都100分啦！入口勁Creamy勁好食！ 朋友嗰款係香印提子大福班戟，首先我覺得佢個設計係勁有創意，外層係煙靭嘅大福餡皮，入面包住佢哋最出名嘅班戟、香印提子、麻糬和厚忌廉，多層口感，每一啖都係幸福嘅味道！ 頭兩款甜品實在係太好食，我哋決定試埋佢地既得獎甜品韓國草莓拿破崙！每層都鋪滿甜絲絲嘅士多啤梨，鬆化香脆嘅酥皮勁香牛油味，十級推介 主食我哋揀咗芝士和牛漢堡班戟，佢個口感有少少似M記神物既McGriddles，我鍾意佢個班戟冇麥記嗰個咁死甜，配埋個芝士和埋和牛個味啱啱好唔會太膩！ 跟住就係期間限定嘅龍蝦泥傾瀉烏冬，佢係龍蝦泥用咗新鮮嘅龍蝦肉同埋龍蝦膏製作，濃厚既龍蝦泥勁掛湯，每啖都充滿住海鮮的鮮香味，好正！ 最後一款就係松露帶子意大利麵，帶子大大粒勁鮮嫩，白汁和黑松露香味完美配搭，好好食！

Suki Tai 1 年前

類別： #gps4pancake 見網上最近好多人介紹呢間餐廳嘅甜品，有巴斯克界嘅chanel??甘誇張？！ 但明明人哋叫Pancake 專門，應該pancake先係招牌？！🤣餐牌的確甜品款式好多，淨係pancake已經分做雪山系列、大福系列、蒙布朗班戟、水果系列、瀑布熔岩等。 🥴不過我同朋友食完一致認同：食物賣相靚 純粹適合打卡、食下Tea，味道爭啲，未必太值呢個價錢，只此一次！ 👓開心果 Tiramisu $68 面頭嘅cream好明顯有開心果味，大量開心果碎，其實都好食嘅，不過真係唔太似Tiramisu因為例如冇乜酒香，只係一層嘅手指餅+cream，無咩層次同埋比較單調，亦都偏漏 好多cream，而且唔算大杯 依個價錢 性價比唔算好高。 👓開心果咖啡 $58 面頭有pat開心果醬，好稠 但唔覺有開心果味，反而咖啡味好香濃好出，整體係比較重咖啡香。攪勻杯飲品後，反而底部嘅焦糖醬出咗嚟，變咗杯焦糖咖啡… 👓MONT BLANC麻薯班戟 $138 口味有四款選擇：和栗、紫薯、黑朱古力、金時蕃薯；另外雪糕亦有六款選擇，例如焙茶、栗子 今次揀咗和栗栗子蓉+抹茶雪糕 pancake比較實心、蛋糕質感，叫做pancake專門店，但佢嘅pancake係咪真係好出色呢？我唔太識欣賞😳我個人鍾意食梳乎厘班戟多啲🥲 Pancake中間有舊麻糬，面層係雪糕球，然後鋪上一層薄忌廉+再淋上大量栗子蓉。栗子紅一定會會鍾意因為超級多栗子蓉，稍微甜咗少少，不過都幾漏，加上又有忌廉。但如果齋睇賣相 佢又的確幾igable打卡！ 👓抹茶蕨餅班戟 $128 有少少失望因為冇太大特別，同樣只係嗰款實心、扁踢踢嘅班戟，連空氣感梳乎厘pancake都不是。灑上抹茶粉、幾粒蕨餅伴碟，兩球抹茶雪糕+一球雲呢拿雪糕，再擺啲紅豆。整體唔算好出色，對唔$128依個價錢🥲唔建議大家叫！ 👓Dark Mocha $48 真係好黑朱古力味，唔甜 好重朱古力。 👓焙茶拿鐵 $48 👓牛小排牛骨湯烏冬 $98 其實一嚿水一碗烏冬都唔平，所以都有少少期望。我只會話係一碗正常發揮嘅普通烏冬，就係高湯底 唔太鹹/清清地，有啲牛肉片，熱辣辣嘅烏冬😂因為太肚餓餓想食主食所以先叫～

P F (peggie.dailylife) 3 年前

餐廳採用日式木系庭園風的設計，採光度高，加上很多可愛貓貓的裝飾品，環境舒適，感覺就如置身日本京都一樣。餐牌內每一款Pancake🥞都很吸引，這次就選了一鹹一甜的。 ❥ꔛ和牛漢堡班戟🍔($168) 和牛扒非常Juicy ，肉味濃郁，加上香脆薯餅、芝士和蔬菜令口感更豐富。這個一鹹一甜的配搭出乎意料地好。 ❥ꔛ和栗Mont. Blanc🌰($158) 班戟和雪糕有多種口味可以選擇，我們選了朱古力味班戟配粟子雪糕。Pancake是比較有質感那種，中間是忌廉和雪糕，最上層是一絲絲的栗蓉，入口極細滑，甜度適中。 ❥ꔛ焙茶富士山&抹茶富士山🏔 ($56 each) 採用模仿富士山形狀的玻璃杯，視覺效果滿分。店員建議先品嚐面層奶蓋的濃厚醇滑，再攪拌後品嚐結合鮮奶的幼滑細緻口感。兩杯茶味都十分香濃甘甜，非常值得一試。 日式和風的環境真的優美又舒服，絕對適合和朋友到這裡享受一個悠閒的下午。班戟和飲品無論賣相或味道都非常吸引，但因為班戟的款式實在太多，這次只能品嚐其中兩款，下次一定要再試其他。