康現物理治療中心Perform Well Physiotherapy Centre

BrickMak Music 2 個月前

我係一名患有 AS（強直性脊椎炎）嘅病人，SI joint 已經有少少 fuse。 AS 係一種自體免疫系統疾病，免疫細胞會攻擊自己嘅組織引發發炎同痛症，長期發炎更有機會導致關節或脊椎沾黏。呢個病無得斷尾，只能靠運動、減壓同飲食等方法去延緩惡化。 最直接嘅藥物治療係打生物製劑，但主要對發炎指數高嘅病人有效。我一直有喺公立醫院風濕科跟進，醫生指我嘅發炎指數唔高，用藥幫助不大。過去我試過物理治療、中醫等唔同方法去舒緩痛楚，但效果通常都唔持久，作為病人其實幾絕望。 上年 9 月因為工作壓力大，腰痛同腳痛嚴重復發，痛到連喺 Gym 做 Leg Day 都做唔到。機緣巧合下見到 Oscar，發現佢熟練運用多種非傳統嘅治療手法（唔係只得常見嘅衝擊波、針灸或電療），於是抱住試下嘅心態去求診。 整個治療過程大約 10 個月。一開始 Oscar 先用終端筋膜同林氏手法幫我處理，痛症有明顯減輕，效果已經比我以前做過嘅所有治療都好，不過過咗一陣痛楚依然有少少反覆。 其後 Oscar 靈活調整策略，轉用內臟筋膜治療同神經鬆動術去深入處理。聽落呢啲手法好似同「腰痛」無直接關係，但 Oscar 每次都會好詳細咁解釋佢嘅病理推斷。而呢啲手法真係大大減輕咗我嘅痛症，仲令我全身原本緊繃嘅肌肉放鬆咗好多！依家我做 Gym 終於可以做返 Leg Day，甚至夠膽逐步加重，連以前未痛之前做唔到嘅動作都做得到！ 如果你都深受 AS 或其他免疫系統痛症困擾，我誠意推薦你搵 Oscar 幫手！

Dominique Leung Hong 3 個月前

早前受傷整到腰骨，加上照顧小朋友同出時間坐office引致腰痛同頸痛，係到治療咗2次之後已經有明顯既好轉！ 最初頭醫生睇時話有腰椎盤突出問題，不過黎到做檢查Oscar好細心慢慢搵出引致痛既原因，發現原來係我既腳曾經不為意下扭親，而令到腰痛，再慢慢幫我每個扭緊咗既位置放鬆，腰痛就舒緩咗好多！ 而頸痛方面，Oscar每次都會好認真咁幫我檢查頸既咩位置痛，有無延伸去其他地方，試唔同既方法直接搵到源頭為止。 係肌肉放鬆後Oscar會請Steven教我相應既運動去維持番，同加強番相應既肌肉，Steven既教學都好詳細，同埋運動好有效，練咗幾次已經覺得有好大既好轉！ 最後，佢地既reception及助理小姐都很友善的！每次見面都好開心！

Jacky Tse 3 個月前

太約2年前 做squat 拉傷左條腰，睇左差不多3個唔同嘅物理治療師都係差唔多進展。 試過 唔同嘅治療方法，包括衝擊波 針灸 放血 等等 好快就到樽頸位。Oscar 係我第四個物理治療師， 仲記得第一次去睇佢嘅時候問得好仔細，同埋好有耐性講解。 而且佢唔單止用一種治療手法。 佢嘅手法治療，都令我好快有康復進展。 我最想分享嘅係 佢會根據唔同嘅傷患 用唔同嘅治療方式去幫我， 唔會一式一樣。最難得嘅係，Oscar 每次治療前都會親自去問清楚進度，親自跟進。物理治癒之外，都會同另外一個運動治療師Steven 做運動治療，而我個人覺得呢part 都非常重要 因為作為一個鍾意運動既人都好想快啲同以前一樣 或者比之前更加好。點都好， 我覺得除左睇物理治療外 最緊要係有耐性 同真係要每個禮拜都自己做運動治療 先可以真正解決傷患。最後，衷心感謝物理治療師 Oscar 和運動治療師 Steven，令我能夠重新投入運動，回復受傷前狀態。

Han TTFy 5 個月前

拗柴導致隻腳的韌帶撕裂，喺呢度治療咗三次就已經有明顯好轉了。 初初整親嘅時候喺骨科醫生到照完X-Ray話有中級撕裂同埋小小碎骨骨折。整傷完一個禮拜以為自己好返，就冇特別理會，日日行。行左一個禮拜後隻腳突然間變到行唔到，一向前屈就有劇痛。 所以第一次入黎直程要揸住兩把遮輔助行路😂😂 但好慶幸第一次做完治療就已經輕微行得返小小了。跟住前後做咗三次，而家終於可以再次棄拐杖慢慢正常步姿行得返路。多謝治療師oscar同團隊救咗我隻腳🙏🏻

[email protected] Wu 9 個月前

膝蓋因勞損，蹲低同起身都好痛。經妹妹介紹到康現物理治療中心Perform Well，搵Oscar 。第一次已經有明顯效果，做完即刻起身、蹲低都唔覺得痛；之後再跟進多四次，問題基本上斷尾。 物理治療師Oscar 好細心，判斷準確，手法專業而且獨到。 真心覺得呢度係我睇過最好嘅物理治療中心！強烈推介畀有痛症嘅朋友，一定要試吓，真係一次就見效！