窮撚賣咖啡

Tummyland 5 個月前

有賣相又有驚喜嘅brunch 呢間手工意粉好食！ 餐廳環境行簡約風，係度食野有舒服感 ▫️自家製龍蝦汁手工波浪麵配香煎大虎蝦 $158 一上枱幾吸睛之餘，仲聞到勁香蝦味 原本以為外型係卷卷意粉 點知係波浪形手工麵，造型幾得意又好掛汁！ 個龍蝦汁鮮味幾出，醬汁香濃得黎唔會滯 配埋虎蝦一齊食，海鮮鮮甜感更加明顯 係會想追住食！ ▫️All-Day Breakkie $138 份量超豐富！ 有Parma Ham、牛油果、炒滑蛋、腸、煙肉、 炸魚柳、大啡菇、沙律菜同窩夫一次過有齊 幾鍾意個炒滑蛋，夠嫩滑又香 窩夫配蜜糖其實幾夾，不過口感就偏脆身少少 我地本身偏鍾意軟冧型窩夫，所以就覺得脆口 ▫️吉列日本廣島蠔 $70 有6隻，size都幾大隻 炸到金黃色，外層炸皮夠酥脆 入面蠔肉仍然保持到 juicy 感 ▫️Tiramisu $78 賣相好精緻之餘，食落都夠濕潤，絕對唔乾 酒香都幾重，如果平時鍾意酒味明顯少少嘅Tiramisu 呢個應該會啱口味🤓 ▫️Iced Hojicha Latte $50 焙茶控表示呢杯絕對可以Encore!! 焙茶味香，唔會俾奶味完全蓋過 係好飲嘅焙茶鮮奶！ ▫️Mango Soda $46 夏天清爽選擇！ 芒果味甜度唔算高，配我地炸物同brunch食都幾解膩 環境舒服，店員都好有禮貌 食物賣相同味道都有水準 我地大推龍蝦汁手工波浪麵！鮮味真係好出 我地食緊兩個主食嘅同時，隔離枱係一模一樣架😀 會再黎食手工意粉🫶🏻

Iris Yuen 5 個月前

前排同朋友去咗旺角通菜街一間Cafe，足足兩層咁大！地面嗰層已經幾靚，但二樓先係重點——有梳化位仲有榻榻米，成個空間都係純白木系mix水泥牆，坐低唔覺意就會hea咗成粒鐘。 講返嘢食先，我哋幾個叫咗一堆嘢share： 🌴熱帶天堂 – 啖啖鮮果沙冰，用水蜜桃、芒果、菠蘿同香蕉打成，飲落好fresh，夏天必叫！ ☕榛子咖啡 – 正常發揮，榛子味夠出但又冇蓋過咖啡香，打卡又一流。呢度嘅咖啡果然夠晒特色。 🍟松露蛋黃醬薯條 – 粗薯條脆口，松露蛋黃醬係靈魂，濃郁又惹味，好快就清左碟。 🦑本地臘腸墨汁西班牙海鮮焗飯 – 個名好長但夠特別，第一次見cafe用本地臘腸配墨汁飯，又幾夾喎！臘腸嘅油香滲晒落飯，海鮮有虎蝦、魷魚、蜆、比目魚，全部新鮮，飯底濕潤唔會乾爭爭，食到成嘴黑晒但值得。 🍝慢煮澳洲牛面頰肉醬配XO醬手工貝殼粉 – 呢個係驚喜之作！牛面頰慢煮到入口即溶，肉醬濃郁，加埋XO醬吊起個鹹鮮味，手工貝殼粉粒粒掛汁，煙韌有咬口，中西合璧得嚟唔突兀，大推！ 🧇斑蘭醬椰子窩夫配椰子雪糕 – 呢個有驚喜！窩夫外脆內軟，斑蘭醬個味好香但唔會太甜，加上脆脆椰子碎、紅莓、藍莓同花瓣，擺到成幅畫咁。椰子雪糕清甜，一齊食口感勁豐富。 總結：環境靚、坐得舒服，食物比一般打卡cafe更有誠意，尤其個墨汁飯同貝殼粉真係會encore。一班人去share食最開心，旺角嚟講價錢算合理。

Livio Lam 6 個月前

餐點：花雕麻辣鮮蜆意粉$138；明太子蟹肉西班牙蛋餅$108；黑松露薯條$78；蒜香蜜糖雞翼$58 味道：麻辣鮮蜆意粉幾惹味，明太子蟹肉蛋餅好好味😋，黑松露薯條正常，蒜香雞翼都正正常常 環境：乾淨舒適 服務：正正常常

Man Chainsaw 7 個月前

【希望大家務必㩒入黎睇一睇，救得一個得一個】 間Cafe有樓上坐位，但完全無Staff上黎睇場，叫野食要客人親自落樓下叫佢地上黎。 問Wifi ID同PW個Staff好似好趕時間，因為佢講得好快同細聲，聽都未聽得切就走左，要問佢地第二次，但已經表現得好唔耐煩，如果你講得清晰啲我地都唔使再問多你一次。 樓上坐位有個Corner類似做日式榻榻米，但啲氈應該勁耐無吸過塵或者洗過，會feel到好多碎屑同食物殘渣響表面，衛生環境令人擔憂。 裝修風格相當破舊，擺件格格不入，會見到榻榻米隔離個白色置物架放左部Notebook同Tom & Jerry水晶球，同埋好多吉位，可能真係同Cafe名一樣窮到無錢做裝飾。 食物方面叫左『花雕麻辣鮮蜆意粉』、『慢煮牛面頰肉沙嗲煎腸粉』同『蜜糖酸忌廉炸雞翼』。 當時Staff講個意粉無哂麻辣轉做蒜香，但都無所謂因為意粉同啲汁都係分開味道，估用左牛油黎煮所以油膱味無咁重口。 『慢煮牛面頰肉沙嗲煎腸粉』純粹試伏心態，但真係都幾難食。 首先舊牛面頰肉，因為佢慢煮所以煮得好淋，除左試到油膱味同脂肪就完全沒其他味道可言，舊肉口感勁似用黎煲湯嘅瘦肉，再加埋沙嗲煎腸粉啲油膱味疊加上去，食多幾啖會反胃嘔出黎嘅感覺。 炸雞翼都係一樣好重油膱味，應該係炸得太耐無及時撈上黎。 叫左杯青瓜梳打去解油膱味。 呢堆油膱味餐總共要4百幾蚊港紙。 難怪咁多香港人寧願北上食元素周期表，至少元素周期表啲價格係合理。 其他留言話好食、好舒服果啲評價多數係打手、俾左錢寫稿Foodie同埋味覺有問題或者劣食開嘅人 P.S. 點解要俾咁多星，因為想俾大家知道下

Lai Ying Tsoi 9 個月前

尋日約咗朋友去旺角行街shopping，揀左間趣味十足既cafe食飯，窮撚賣咖啡試左未？當然未試，所以要試吓 🫶🏻荷蘭鬆餅早餐 $148 呢個豐盛早餐包含多種配料，荷蘭鬆餅柔軟而香濃，與香腸、煙肉等搭配，口感極佳。煙三文魚與牛油果結合為整體增添左健康元素 🫶🏻香煎比目魚蕃茄波浪闊麵 $168 比目魚煎至金黃，肉質鮮嫩，搭配濃郁蕃茄與波浪狀既寬麵，令人一啖接一啖，味道十分平衡 🫶🏻 蒜香蜜糖雞翼配甜辣是拉差醬 $68/6隻 雞翼外皮酥脆、肉質多汁，結合蒜香與蜂蜜甜味，十分誘人，口感層次豐富 🫶🏻焦糖燉蛋巴斯克蛋糕 $78 蛋糕表面焦糖化，口感滑溜，既有蛋香，又帶有焦糖香甜，唔會過於甜膩 🫶🏻熱抹茶鮮奶$48 香濃抹茶搭配絲滑鮮奶，恰到好處甜度，飲上一啖令人心情愉悅 🫶🏻 濃爆72%Real朱古力鮮奶$52 濃厚巧克力味道令人陶醉，鮮奶順滑感與巧克力苦甜交融，令人難以抗拒