Raw Mart (New Kwok Wah Meat Company)

Ling 3 個月前

生生市場係灣仔同元朗都好受歡迎嘅韓式🇰🇷外賣店，價錢親民，食物選擇多元化同好足料！😍抵食指數高🌟大部分主食如飯捲、煎蛋捲約 $50–$65，份量足夠，性價比高。由炸雞、紫菜飯卷到人參雞湯都有，係香港想食韓國料理嘅抵食之選。😋 店舖內仲有多款凍肉，同埋韓式醬料、醃菜可以選擇☺️ 買番去煮亦得！ 雜菜煎蛋捲 蛋香濃郁，夾雜胡蘿蔔、青椒、紫菜，色彩繽紛，口感鬆軟。 甜辣無骨炸雞 炸雞外皮香脆，裹住厚厚嘅甜辣醬汁，入口先甜後辣，好惹味😋。雞肉保持嫩滑多汁，唔會因為炸過而乾柴。 烤牛肉紫菜飯捲 飯捲配埋爽脆嘅黃蘿蔔同青瓜，口感層次好豐富。每一啖都有肉香同蔬菜嘅清爽感，健康又好食。 人蔘雞湯 人參雞湯飲落清香暖胃，而且冇加味精，味道天然，雞肉同糯米餡料都好入味，係一款兼具滋補同美味嘅湯品。特別適合秋冬天或者想養生嘅時候享用。 1️⃣雜菜煎蛋捲 🍳🥕🥬 𝑬𝒈𝒈𝒓𝒐𝒍𝒍 2️⃣烤牛肉紫菜飯捲 🥩 𝘽𝙚𝙚𝙛 𝙆𝙞𝙢𝙗𝙖𝙥 3️⃣甜辣無骨炸雞 🍗 𝙎𝙬𝙚𝙚𝙩 & 𝙎𝙥𝙞𝙘𝙮 𝘽𝙖𝙗𝙮 𝙆𝙁𝘾 (𝘽𝙤𝙣𝙚𝙡𝙚𝙨𝙨) 4️⃣人蔘雞湯 🐓🍲 𝙂𝙞𝙣𝙨𝙚𝙣𝙜 𝘾𝙝𝙞𝙘𝙠𝙚𝙣 𝙎𝙤𝙪𝙥

Lawrence Miu 4 個月前

今日試咗呢間叫新國華生生市場既韓國外賣舖，叫咗幾款牛嘅料理，食咗餐非常滿足嘅「全牛宴」外賣，唔洗排隊。 首先一定要重點推介佢哋嘅韓式牛肉炒粉絲*l，真係超好食、味道極之正宗！粉絲炒得條條分明、好有彈性，完全索晒牛肉同麻油嘅香氣，配埋蔬菜絲口感豐富，甜甜鹹鹹好到位。 鍾意重口味嘅朋友就唔好錯過韓式牛腸湯鍋，睇個色澤就知夠晒辣，牛腸洗得乾淨而且好有嚼勁，配埋香辣嘅湯底真係好過癮。而韓式牛肋排湯就走清甜路線，牛肋骨熬到夠晒腍身，用筷子輕輕一扯就骨肉分離，肉質完全唔柴，啖湯飲落好舒服，隨餐仲跟埋白飯，送湯一流。 呢間外賣舖嘅韓菜質素確實有驚喜，份量同味道都好平衡。想喺Office 舒舒服服食餐高質又正宗嘅韓國菜，呢度絕對諗得過！ #生生市場 #元朗 #灣仔 #銅鑼灣#生生市場 #韓國外賣 #韓式牛肉炒粉絲 #韓式牛腸湯鍋 #韓式牛肋排湯 元朗店 地址:元朗教育路2-6號捷榮樓地下C號舖 灣仔店 地址:灣仔堅拿道西15號永德大廈地下G13號舖

Amy Wong 6 個月前

我一向都好鍾意食韓國菜，尤其前菜，最近我就去咗灣仔嘅「生生市埸」買外賣，前菜有好多款選擇，而且每盒有大、細之分，仲密封包裝，方便衛生，亦唔怕漏汁😅今次我仲買咗炒粉絲同韓國飯捲，另外店內亦有出售韓國高質嘅肉品及調味料，大家快啲嚟逛逛選購啦‼️ 🌸韓式牛肉炒粉絲$60 味道正宗，返到屋企我再炒熱佢，一樣咁好食，牛肉、冬菇好惹味，爸爸讚不絕口😋 🌸烤牛肉紫菜飯捲$53 傳統韓國飯捲，材料豐富，雜菜五彩繽紛，見到已經流晒口水。有烤牛肉，入口更香口👍 🌸汁煮鵪鶉蛋$50(細) 個汁底味道濃郁，醃咗嘅鵪鶉蛋十分入味，甜甜地，超好食，Encore之選。 🌸辣青瓜泡菜$40 醃青瓜泡菜係原條切開三份上，口感更豐富，入口更爽脆，泡菜汁超正，連汁都撈埋 🌸蓮藕$40(細) 蓮藕醃得好蜜甜，好食😍 🌸菠蘿汁$10 第一次飲，好味又解渴👍 生生市場 灣仔店 📍灣仔堅拿道西15號永德大廈地下G13號舖 元朗店 📍元朗教育路2-6號捷榮樓地下C號舖

Fung Lam 6 個月前

呢間「生生市場」喺銅鑼灣堅拿道西，主打韓式外賣，今次叫咗四樣嘢，整體嚟講性價比唔錯。 韓式牛肉炒粉絲——粉絲炒得夠乾身，麻油味好香，牛肉份量適中，唔會太油膩，甜鹹平衡做得幾好，係穩陣之選。 烤牛肉拌飯同韓式辣炒豬肉拌飯——兩碗拌飯嘅飯底都係熱辣辣，配料有菠菜、芽菜、紅蘿蔔絲，加埋隻太陽蛋，撈勻韓式辣醬之後非常惹味。烤牛肉醃得入味，肉質軟腍；辣炒豬肉就真係有返咁上下辣度，夠晒刺激，適合鍾意重口味嘅人。 烤牛肉紫菜飯捲——紫菜唔會腍，飯卷入面嘅餡料好豐富，除咗烤牛肉仲有醃蘿蔔、青瓜、蛋絲，食落爽口清新，作為輕食或者加餐都幾適合。 整體嚟講，呢間店嘅食物質素對得住價錢，外賣包裝穩陣， 如果想食韓式家常便飯，又唔想坐低慢慢食，呢度係一個幾方便嘅選擇。

Jessie Jessie 7 個月前

最近想食韓國菜，試左呢間位於灣仔嘅「生生市場」。主打韓式外賣嘅小店，由傳統主食到特色小食都有，款式多、價錢親民！ 韓式烤雞拌飯 雞肉醃得入味，帶甜甜辣辣嘅韓式醬香，肉質嫩滑唔乾柴。烤雞嘅份量幾多，肉質嫩滑，表面微微焦香，配上韓式辣醬同多款新鮮嘅配菜，芽菜、紅蘿蔔絲、菠菜，撈勻之後食，口感好豐富。醬汁嘅甜辣度啱啱好，唔會過鹹，好開胃！作為正餐好滿足。 🐣 汁煮鵪鶉蛋 
叫咗個小食試吓。鵪鶉蛋煮得入味，但唔會過鹹，蛋黃綿密，送飯或者就咁食都好夾。細細碟，幾適合作為開胃前菜。 辣炒魚柳絲 呢款係近期新品，見到就忍唔住試。魚柳絲炒得乾爽入味，醬汁帶韓式甜辣風味，辣度溫和但層次分明，食落唔會死辣。魚肉保持嫩滑唔韌，仲吸晒醬汁精華，愈食愈開胃。配白飯一齊食特別惹味 🌯 雜菜煎蛋捲
蛋捲煎得厚身，外層金黃，蛋味香濃。中間夾住唔同蔬菜絲同蛋香，口感層次豐富。整體味道唔會太油，而且蛋卷份量頗足。 涼拌豆芽 呢個前菜好清新，豆芽爽口帶少少麻油香，簡單卻好食。調味唔會太重，係炎熱天氣或者重口味主菜後面好好平衡味道嘅一道。 生生市場係平價實在路線，份量合理、雖然主要做外帶冇堂食，但包裝企理，想食韓式便當、小菜或者拌飯，呢間係灣仔一個幾唔錯嘅選擇。