山林里農莊

Mrs1am-ology 一點小哲學 1 年前

雖然間歇性落雨，但係好彩有冷氣帳幕同埋冷氣巴士，幸運的是摘龍眼同埋劈柴燒雞嘅時候都停咗雨，係一日超級Lucky同好玩嘅親子日：）

Kenneth W 1 年前

場地分多個區域，環境正常，營地內有鐵皮屋亦有居民居住，就在旁邊，亦有大貨車來回停泊，十分滋擾。 廁所設施很簡陋，沖涼期間竟然會停熱水，萬幸當天回暖。 圖中右下啡色唐狗係由營地內居民飼養，當日突然發癲撞開狗籠跑出，四圍跑向有人方向，最後突然衝向我隻狗就咬左一下即刻跑走，事前無任何衝突 完全癲狗一隻！ 狗傷口當天已經發炎無精神。 所幸無咬到人，主人愛理不理。各位寵物主人小心！

Ching 1 年前

照片攝於2024年12月* 1） 場地位置/交通 揸車入去十分方便，大埔揸入去二十分鐘左右。 由於鄰近高速公路，夜晚會聽到賽車聲。 2） 營地 場地闊落開揚，好天日子會比較曬，十二月都曬到出汗！天幕是必須的。 有零星疏落樹木，不要期望有樹蔭。場地比較乾燥，第二朝除咗地蓆成個帳篷都無乜露水。 每一格營地空間充足，四個營泊兩架車綽綽有餘！ 草地狀況良好，有啲驚喜。 3） 設施 自助服務區有廁所，沖涼房，洗手盤&鏡。亦有洗菜位同公家雪櫃。迷你紀念品店。 請留意自助區極多蚊，自己睇路。 有BBQ爐出租。 4） 服務人員 態度友善，准許我地臨時泊多架車入草地。

S C 2 年前

公司 book 場團建，營地安排的活動一個接一個都幾多野玩，唔駛搞手勞心。劈柴燒營火、營火燒荷葉乞兒雞和水果棉花糖、每營一個爐的BBQ網燒、大抽獎、木工手作、早餐齊齊整飛碟食，完全冇悶場。我準備的飲品不夠多，幸好有汽水機，連涼茶都有。沖涼房外，仲有風筒吹頭位，安排上真係幾貼心。 營地不只大大片的草地，外圍係森林，遠景係雞公山，大自然的環境。必須一讚入夜後的環境和氣氛先係最正，非常 chill，完全捨不得入帳篷。 營地場主好熱心，說我地退營後不如行行隔離的大生圍。風景超靚，遠在南生圍之上（強力建議往甩洲方向走），距離營地不遠，輕鬆步行就到。非常感謝場主推薦，呢兩日玩得非常開心。

cato sze 上次編輯：1 年前

2025年再一次來到這裡露營，預約番同一個位置4日3夜。綠化比上年更好、設備（洗手間，雪櫃.etc）也保持很好。營管matata人很好、煮的叫化雞非常軟滑入味。值得推介來玩！ 【2024年文章】想露營但又怕無位或者公眾洗手間衛生問題的話來這裡就非常好了。草地保養非常好～值得推介