賞島咖啡屋

Louis Lee 3 個月前

賞島咖啡屋這名字之前已經聽過幾次，自己也有不少朋友去過賞島咖啡屋食午餐，自然地他們間中也會推介賞島咖啡屋。今次趁著星期日這一天假期，去到賞島咖啡屋食午餐，但是由於星期六日是沒有午餐套餐的，所以只好散叫不同的菜式 首先試了溫泉蛋卡邦尼意粉，這個意粉的醬汁用了不少的芝士和忌廉，再加上一些的香草提升整個醬汁的香味，意粉質地也算掛汁，令到醬汁也濃厚起來，溫泉蛋的烹調時間也是掌握得很好的，可以令醬汁更香濃的，整體來說，這碟溫泉蛋卡邦尼意粉是最好的 另外叫了花椒炒蜆意粉，這意粉的賣相不錯，加上了一絲絲的唐辛子使賣相更出色，味道也不錯的，花椒和辣椒的平衡是做得很好的，沒有太辣的感覺。炒蜆亦很鮮味，但可惜的是有沙，污染了意粉的口感，如果可以改善這一點，這會比卡邦尼意粉好味道 甜品方面，賞島咖啡屋有很多選擇，今次試了甘荀蛋糕，蛋糕和芝士忌廉醬一層層的，十分配搭

foodie eatnfit 5 個月前

暫時太子最喜歡的意粉cafe 本人對意大利粉情有獨鍾 呢間確實係太子區，暫時我自己最鐘意的 第一次同朋友嚟嘅時候食過佢嘅花椒意粉驚為天人 個花椒油超級香，唔係辣但真係好香，今次嚟試吓食其他意粉 見到佢有新意粉墨西哥辣肉意大利粉 如果以為係辣肉醬，點知佢係一嚿嚿嘅牛肉 牛肉煮得好入味，成個汁其實唔係無乜辣但好夠味 意粉煮得啱啱好 最重要係佢嘅份量好夠，本人因為算係大食，好多Cafe啲意粉太細碟食完我唔夠飽，但係呢間我滿足 朋友叫左香煎三文魚檸檬汁意粉 個三文魚煎得好好，個皮啱啱好勁香脆啲肉唔會太鞋 個汁超有驚喜，勁清新，唔會太過厚好膩 意粉嘅軟硬度一樣，煮得啱啱好 （咁啱見到老闆，傾開知道堅持每一碟叫先即煮意粉，唔會pre-cook咗先） 我呢個唔識飲咖啡嘅人，今日忽然想飲咖啡叫咗杯latte 我淨係識答正常好飲，但係唔知點為之咖啡人嘅好飲😆 走嘅時候先發現原來個門鎖係充咖啡嘅容器（我唔知叫咩名😆) 好特別～ 食得好開心既一間意粉cafe~ 而且中午時段無限時（太子附近好多中午都限時） 要係太子lunch坐得耐又食得好，我會揀呢間

C M 1 年前

今日朋友仔約我去旺角花墟買花之後帶我去一間精緻嘅西餐廳吃飯。內裡裝修簡約很有文藝氣息，店內淡淡咖啡香氣很放鬆。 我們點選二人套餐🍽️ 是日精選餐湯🥣 蕃茄蓉湯🍅 新鮮蕃茄本身的天然果酸非常清新，味道非常豐富，而 蕃茄在烹煮過程中，其天然糖分會慢慢釋放出來，能瞬間打開味蕾。濃郁的蕃茄蓉配少許番茜增加層次感。 慢煮雞胸柚子汁沙律🥗 這款菜式擺盤很吸睛，雞肉片放在中心砌成玫瑰花形狀 ，慢煮技術能讓雞肉在精確的低溫下均勻受熱，鎖住肉汁，吃起來完全不柴口，口感柔軟濕潤甚至帶點絲滑感。雞胸肉本身味道清淡，加入柚子汁能很好地吸收醬汁。而柚子汁帶來的不是檸檬那種超酸，而是一種更柔和更芳香的酸甜味。還有沙律菜非常清新爽脆口感清甜。 美國安格斯牛板鍵🥩 美國安格斯牛板鍵的肉質嫩腍，極致豐富的牛味很濃郁，口感結實富有嚼勁，帶有獨特的粗獷風味。非常受歡迎的牛排部位，還有逆紋切斷它的長纖維，這是讓它變得容易咀嚼的絕對關鍵。 青醬帶子螺絲粉🍝 青醬是整碟意粉的靈魂，濃郁的羅勒清香很清爽加入忌廉乳酪很有意式風味，味道層次非常豐富。螺絲粉煙煙韌韌吸滿醬汁加入菇菌，味道很有草本氣息。新鮮帶子煎得很焦香外脆內嫩的口感，味道鮮甜軟嫩無比的狀態。 Cheese Cake🍰 芝士蛋糕🧀口感扎實醇厚，芝士味道甜滑奶香味濃極其豐富，餅底酥脆很有層次感。 Latte☕️ 在拿鐵中牛奶並非配角，而是與咖啡平分秋色的主角。經過蒸汽打發後，牛奶會發生美拉德反應，其風味被徹底激發，口感絲絨般順滑，喝完後口中會留下持久的奶香和一絲咖啡的甘醇味。

TM128 1 年前

咖啡屋的意粉超正 今日去咗太子花墟睇年花，冇收穫就去食晚飯。 餐廳的門面用了柔和的綠色，感覺寧靜舒適。 餐牌可以散叫或食套餐。我哋叫咗二人晚餐。 🔸是日精選餐湯 蕃茄湯夠熱，蕃茄味濃郁，雖然味道偏酸，但卻令人開胃。 🔸慢煮雞胸柚子汁沙律 雞肉嫩滑，唔會乾身，沙律菜新鮮，醬汁有柚子汁和鹹脆的煙肉。 🔸慢煮西班牙豬鞍 呢個要加$68，慢煮豬鞍口感唔乾，亦保留咗肉汁，肉質頗嫩。大啡菇軟滑腍身又多汁，而芥末醬都做得唔錯，質地濃稀適中，味道甜中又少少辣，薯蓉整到成個薯餅，有質感。 🔸蒜油花椒蜆肉意大利麵 👍🏻呢個要推介呀！ 意大利麵的質地軟硬適中，口感煙韌，花椒味香帶麻辣，蜆肉飽滿冇沙。 🔸Carrot Cake 甘筍蛋糕冇令人討厭的草青味，蛋糕口感柔軟濕潤，仲食到核桃碎和提子乾。忌廉芝士厚實仲有少少酸味。 🔸Cappuccino 咖啡有天鵝拉花😍，咖啡質地很順滑，除咗有堅果味，亦有回甘的味道。 🔸Honey Yuzu with Lemon 柚子蜜糖的甜味温和，配合檸檬的酸味。

Wong Shing 2 年前

放假又約朋友去太子行街，行完花園街再睇下啲金魚同動物。最後行埋花墟開始有啲攰諗住同朋友喺附近搵啲嘢食下早去一間西式cafe食物質素好好。 賞島咖啡屋 太子花園街233號偉雄大廈地下。 餐廳地方雖然唔大，但係座位嘅空間感好足夠，裝修得好有格調好有文青feel。 前菜沙律，沙律菜份量都好多，味道清新，食完特別開胃。 蜜糖芥末炸雞粒 38元。 炸雞份量好多，雞粒炸到金黃色外脆內暖，入面仲好juicy，食落去雞味香濃配上芥末醬汁令到個味道更加有層次。 瑪莎拉牛肉烤餅 148元。 牛肉配烤餅味道非常夾，烤餅焗到啱啱好，好香口。夾牛肉同烤餅一齊食，味道好有層次，牛肉肉質嫩滑香料味道配搭得啱啱好。 西京燒比目魚 188元 比目魚賣相好吸引，份量好多，魚肉煎到啱啱好魚皮香脆，魚肉嫩滑味道鮮甜，配上餐廳嘅醬汁同香料令到魚嘅鮮味更加突出。