手工啤酒專門店

yan angel 5 個月前

走進旺角染布房街的The Madhouse Taproom，先被這裡「每2-3日換一次菜單」的本地手工啤驚喜到。紅色那杯5號Lush，raspberry與lime交織出Berliner Weisse的酸爽，輕盈如莓果汽水；橙色13號MH Hefeweizen，經典小麥啤的香蕉丁香風味，醇厚正氣；黑色16號Sumbel Porter帶烘焙麥芽與黑朱古力苦香，層次沉穩；螢光黃1號The Green Kumquat cider，柑橘酸甜配炸物一流。 小食同樣即點即做——魔鬼炸餐肉蘸蛋黃醬，鹹香邪惡；秘撈大兜白貝鮮甜無沙，湯汁都想喝光；Kick Ass雞翼外脆內嫩，辣得過癮；「熱浪」薯條灑滿椒鹽粉，香口惹味。無論手工啤迷或 casual drinker，這裡的 dynamic 餐單與用心出品，都值得一訪再訪。

Car_k 5 個月前

鐘意啤酒既你唔好錯過～ 手工啤吧🍻 呢間最好係有好多手工啤酒選擇 亦有佐酒小食 好岩收工Happy Hour 主角當然係本地手工啤 人手即點即做 依到既啤酒款式多到眼花撩亂 今次試左5號 lush （raspberry & lime Berliner weisse）同13號 MH Hefeweizen （啤酒味） 顏色配合埋味道特別 無論你鍾意咩口味包括果香、清爽定係濃郁黑啤 依到總有一款岩你 店舖仲會幾日就轉換下酒單 岩哂想要新驚喜既人 唔洗次次飲同一樣野 飲酒之餘當然要食埋小食 叫左個kick ass雞翼 個名好有趣 錫屁股雞翼黎到 d雞翼幾飽滿 新鮮熱辣炸出 鎖緊肉汁 外皮脆卜卜 配埋蜜糖芥末汁 幾好食 「熱浪」薯條 粗薯條炸得好香口 調味粉夠哂足 每啖都係嗰陣熱浪味 熱辣辣的薯條撒滿熱浪粉 辣度都有小小辣 送酒一流 座位都幾舒適 適合二至四人吹下水同飲下酒 The Madhouse Taproom 香港旺角染布房街16號地舖

lam eateat 5 個月前

旺角必試嘅 Craft Beer Taproom, 餐廳氛圍好 Chill，啤酒款式多，食物同酒都好夾😃 🥂飲品推介 🖤黑墨墨果杯 👉 16號 Sumbel Porter（厚重烘焙味，啱晒啤酒控） 💛螢光黃色果杯 👉 1號 The Green Kumquat（金桔風味 Cider，果香滿滿） 必試美食 🥓魔鬼炸餐肉（點蛋黃醬，邪惡到極致！） 🦪秘撈大兜貝（鮮味爆棚，啱晒海鮮愛好者） 🎇The Madhouse Taproom 🎈染布房街16號地舖 ✨本地手工啤，全部即點即做，每2-3日就會換一次菜單，次次嚟都有新鮮感 #旺角美食 #手工啤酒 #香港餐廳 #TheMadhouseTaproom #精釀啤酒 #旺角必食 #香港打卡餐廳

Clk Chan 5 個月前

約左班朋友去聚下舊，朋友帶我地去佢成日去既一間位於旺角附近好出名飲手工啤酒既餐廳，佢係本地手工啤酒，同埋即叫即做啲野食，最緊要每2-3日，佢地就會換一次菜單。保持新鮮感。 今次我地叫左「熱浪」薯條，佢真係個味係一比一熱浪味，好脆好夠特別。 仲有秘撈大兜貝，堆到成個山咁既貝殼，食落好夠鮮甜，又唔會比啲太濃既醬汁搶左個鮮味。 魔鬼炸餐肉（點蛋黃醬）呢個都真係幾過惹，食落外脆內軟，食到停唔到口真係魔鬼黎架！ 我地叫左3杯唔同既特色手工啤，有紅色果杯酒👉5號 lush （raspberry & lime Berliner weisse） 橙色果杯酒👉13號 MH Hefeweizen （啤酒味） 螢光黃色果杯👉1號the green kumquat（cider果酒）各有特色，呢個地方真係岩曬我地吹下水食下啲小食飲反幾杯啤酒減下壓。

l t 5 個月前

The Madhouse Taproom 地址：旺角染布房街16號地舖 旺角呢間主打本地手工啤，最正係餐牌成日轉，大約兩三日就換一次，次次嚟都有驚喜。所有嘢都係即叫即整，唔係預製貨。 酒水方面 佢哋有好多款，今次試咗呢幾杯： · 5號 Lush（Raspberry & Lime Berliner Weisse） －紅色嗰杯，酸酸甜甜，好易入口，啱晒想飲酒但又怕苦嘅朋友。 · 13號 MH Hefeweizen －橙色嗰杯，係典型小麥啤，啤酒味最出，麥香濃郁，鍾意傳統啤味嘅會鍾意。 · 16號 Sumbel Porter －黑炆炆嗰杯，Porter風格，烘焙味重，有少少咖啡同朱古力嘅感覺，適合鍾意重口味嘅人。 · 1號 The Green Kumquat（Cider） －螢光黃色嗰杯，係蘋果酒底加金桔，果味突出，甜得嚟清爽，好適合女仔或者唔慣啤酒苦味嘅人。 食物方面 · 魔鬼炸餐肉 －餐肉切厚條，炸到外脆內軟，配蛋黃醬一齊食，邪惡但好味，送酒一流。 · 秘撈大兜貝 －個名改得貼切，真係一大兜，蜆肉新鮮，醬汁惹味，食完仲想用麵包點汁。 · Kick Ass雞翼 －雞翼炸得香口，醬汁辣辣哋，食完真係會「kick ass」，鍾意辣嘅朋友必試。 · 「熱浪」薯條 －薯條粗身，炸得脆，灑咗類似熱浪薯片嘅調味粉，鹹香辣，一食就停唔到口。