SOMA Hong Kong

Woody Sylvan Tse 2 個月前

K11 MUSEA打卡勝地6樓旁邊嘅SOMA 今日試咗呢間K11 MUSEA打卡勝地6樓旁邊嘅SOMA🍹叫咗佢嘅招牌雲朵烏龍香茶椰子 🥥🍹上面係鹹香奶蓋下面係好香椰子味嘅烏龍茶 原來奶蓋加椰子係咁夾㗎🥰正～之後仲有杯非洲可可茶歐雷 我見佢寫明非洲可可好特別 果然係好濃香朱古力味仲加咗黑糖果凍 又係意外都好夾😋之後仲揀咗杯京都焙茶精粹歐雷 佢有得揀配杏仁定係黑芝麻味 咁我哋今次揀咗杏仁 呢個記得攪勻個底係勁香濃杏仁味 鍾意杏仁嘅朋友一定要飲呢個 飲完覺得自己養生健康咗☺️🤭最後就係芒果高山茶香椰子加寒天 呢杯口感勁豐富又芒果有椰子加上茶香 啱晒呢個咁炎熱嘅天氣☀️🥥都幾鍾意呢間嘢啲配搭好清新 又特別☺️佢啲歐雷都好好飲🍹👍🏻仲可以買佢哋歐雷茶包返屋企/公司飲㖭 幾方便下次經過K11 MUSEA再試其他味～

duckin_foodelicious 3 個月前

尖沙咀嘅台灣茶飲店🧋見到啲飲品幾特別，就決定試下🥰 非洲可可茶歐雷+黑糖果凍 最鐘意呢杯，佢朱古力味都幾濃🍫，但唔會好甜。再加埋啲黑糖果凍，幾順滑✨。 京都焙茶黑芝麻精粹歐雷 黑芝麻愛好者一定要叫呢個，個底有好厚嘅芝麻醬🖤，一定要攪混先飲，好濃黑芝麻味😍。飲落仲有淡淡茶香，係嚴選日本進口茶道級焙茶🍵。 青森蘋高山茶香椰子 佢用咗招牌的高山菁茶，啲茶有少少回甘🍵，有淡淡嘅蘋果甜味🍎，都幾fresh。入面仲有寒天球，幾有咬口👍。 青梅蜜隱烏龍 青梅嘅味好濃，再加埋烏龍茶嘅茶香☕️，酸酸甜甜。入面有蘭香子同椰子果凍🥥，幾fresh同解渴🧊 仲叫多咗SOMA茶歐雷沖泡包（四入裝），喺屋企都可以飲到🏡 因為啲飲品係拎返屋企飲，所以加咗個手提保溫袋🛍️ ，係由台灣插畫家設計✍🏻，幾靚🤩

Eatla__ 3 個月前

🧋SOMA Tea & Mocktail📍 呢間主打茶飲同mocktail嘅人氣品牌✨，主打高質茶底同創新風味🍃，仲有唔少話題性飲品，幾適合打卡同試新嘢📸。 🍴法國白蘭地茶歐雷 $76 「大人專屬的微醺小確幸」🥃 ，帶淡淡白蘭地香氣，茶味同奶香融合得好好🥛，入口順滑又有層次，感覺幾成熟。 🍴SOMA原原味茶歐雷｜黑糖果凍 $36 「2019年台灣奶茶節第一名」🏆 ，經典招牌之選，茶味香濃🍵，配上煙韌黑糖果凍🧋，甜度適中。 🍴京都抹茶 精粹歐雷 $60 人手現刷茶道級抹茶🍃 ，抹茶味濃郁帶微苦，質感細膩，奶味平衡得好，整體幾正宗。 🍴水梨高山菁茶 $36 清新果茶之選🍐，帶淡淡水梨香，茶感清爽，飲落幾解膩，適合夏天☀️。 🍴SOMA 茶歐雷沖泡包（四入裝） $32 「在家也能享受到熱熱的醇郁SOMA茶歐雷」🏠 ，方便又實用，自己沖都可以還原店內風味。 🍴SOMA手提保溫袋 $12 「由台灣插畫家李佳蔓設計」🎨，設計簡約又有特色，拎外賣或者日常用都幾方便。 📍SOMA Tea & Mocktail 香港尖沙咀梳士巴利道18號維港文化匯K11 Musea 6樓603號舖

C C 4 個月前

呢日去開尖沙咀藝術館，近黃昏時間就去咗 K11 musea 6樓SOMA Tea & Mocktail。其實我見佢哋SOMA奶茶一向被譽為「2019年台灣奶茶節第一名」，所以今次就想試下！ 店員好好，知道我哋第一次嚟飲，就主動同我哋講甜度、冰量同埋加料配搭嘅建議，真係好貼心，落單都安心啲。 1) SOMA原味茶歐雷（少冰、兩分糖、黑糖果凍） 好好飲！ 聞落有明顯茶香，入口細滑，茶味同奶味都配合得好均衡，茶味到最後仲有餘韻，帶少少茶甘。 另外黑糖果凍細細條、口感柔軟，黑糖本身會帶一點點清甜，令整杯飲品更順口。 2) 京都焙茶精粹歐雷 焙茶香濃，帶到「焙烘」嘅香氣；配埋牛奶飲落好順。嗰種焙茶味唔會過重，反而係舒服耐飲。 3) 黑松露精粹茶歐雷 超級新奇！ 第一啖真係有啲衝擊感，黑松露味都幾濃郁，最初令我聯想到食西餐嘅感覺。 不過慢慢品嚐就會覺得佢嘅香氣同奶茶其實好夾，係幾創新、亦幾值得試嘅香港限定味道！ 4) 檸檬高山青茶（少冰、兩分糖、椰子果凍） 一入口先感覺到檸檬嘅酸味帶刺激，再慢慢品嚐到茶香同椰子果凍嘅清甜。 好適合夏天一邊行街一邊飲，清爽又唔會膩。 5) SOMA茶歐雷沖泡包 如果想返屋企再享受返SOMA嘅味道，呢個沖泡包都幾方便。跟住包裝袋後面嘅建議操作，照住沖泡就到位。 最後想講，佢哋嘅手提保溫袋設計好靚，由台灣插畫家李佳蔓設計。 總結而言，SOMA選擇唔少、口味又有驚喜，店員貼心，真係值得再返去試其他口味！

Earth CHAN 5 個月前

【SOMA Tea & Mocktail：高質茶飲，每一口都是驚喜】 來自台灣的人氣茶飲品牌，選材講究，無論是經典原味、微醺大人系還是手刷抹茶，都令人回味無窮。 推薦飲品： · SOMA原味茶歐雷 推薦少冰2分糖（加配手工柴燒黑糖果凍） 2019年台灣奶茶節第一名實至名歸！茶香與奶香平衡醇厚，加上香港限定的手工柴燒黑糖果凍，果凍Q彈不甜膩，必試！ · 法國白蘭地茶歐雷 「大人專屬的微醺小確幸」——白蘭地的酒香與茶歐雷的醇厚完美融合，優雅不嗆喉，午後或夜間小酌一杯，幸福感滿滿。 · 京都抹茶（人手現刷） 茶道級抹茶，苦澀與甘甜平衡得宜，現刷起泡，口感順滑細緻，抹茶控絕對不能錯過。 · 百香果高山茶 推薦少冰2分糖（加配椰子果凍） 清新酸甜，百香果香氣活潑，配搭高山茶底，加上椰子果凍滑嫩清甜，增添口感層次，清爽解膩。 外帶產品： · SOMA茶歐雷沖泡包（四入裝） 在家也能還原店內醇郁風味，方便又高質，送禮自用皆宜。 · SOMA手提保溫袋 台灣插畫家李佳蔓設計，圖案精美有質感。 總結： SOMA 不只賣茶飲，更賣用心與品味。從食材、手藝到周邊設計，處處見到誠意。強烈推薦給喜歡高質茶飲的朋友！ 同場堂食是台灣Luigi燒肉下次有機會試下先。