Tallore

Din Yee kei 2 年前

🎃招牌南瓜香草湯🌿 必叫‼️ 南瓜湯好濃郁 好似直接將南瓜煮溶 唔加水嘅程度 😋 自選沙律🥗 (任揀最多三款都只係$68) •巴馬臣芝士意粉沙律 •角切吞拿魚沙律 配 橘子芝麻醬 •雞肉薯仔沙律 每日都會有唔同款嘅自選沙律 可以根據當日口味而選擇 唔怕日日食一樣會悶🥬 🌯Smoked Salmon wrap🌯 個wrap super green 有羅馬生菜 牛油果🥑 紫椰菜 纖維十足 飽腹感一流 煙燻鴨胸椰菜花飯🥦 不得不讚椰菜花飯簡直係低卡之選‼️煙燻鴨胸非常嫩滑 完全唔鞋口 椰菜花飯仲有藜麥 搭配粟米🌽 搭配半隻水煮蛋 滿滿蛋白質🔥 餐廳仲有少量堂食座位 可以坐底食完先慢慢行返office 口味爽口而唔油膩 食完唔怕開工會瞌眼瞓🙊

Trendy Lam 2 年前

同朋友喺灣仔嗰邊搵嘢食，搵極都唔啱心水。主要係朋友都比較崇尚健康飲食，有好多出街食嘅嘢都其實唔係咁健康。咁要健康飲食嘅話都唔係完全冇選擇，我就搵到呢間外國人主理嘅健康飲食餐廳，完全符合晒朋友嘅訴求。好啦，就入去坐低試吓佢先。 我哋都係要佢哋嘅「套餐」，我食「沙律」，$68 可以揀三款，我揀咗「手撕雞薯仔沙律」、「烤椰菜花沙律配秘製石榴芝麻汁」同「蒔蘿及藍芝士沙律」嚟試，幾清新又幾健康。加 $30 要埋「湯品」，我試「招牌意式雜菜煙燻雞湯」，濃得嚟唔會鹹，幾好。 朋友都係食「套餐」，佢就試 $95 嘅「挪威三文魚柳椰菜花飯」配「自家秘製香橙醬汁」，佢話好好食，個椰菜花飯好健康，又唔會話好淡口。佢都有加 $30 要埋「湯品」，佢試「南瓜香草湯」，都係濃香嘅選擇。估唔到灣仔都有間咁嘅餐廳，係健康之選。

summer hot 2 年前

今次嘅印象非常差， 1）用唐生菜同我做沙律 2）沙律唔新鮮同我之前食嘅完全天淵之別 3）一款同三款同樣價錢之餘，仲要裝嘅器皿，成日唔同是大時細究竟想點？ 4）可能佢歧視我唔識講太多英文，所以敷衍對我男朋友 5）整體來講即是又貴又差

Renee Wong 2 年前

每次經開灣仔買外賣，都會黎呢度買個湯同沙律，佢哋嘅食好有特色，同埋間唔時會轉款。 因為主打健康路線，所以啲食物調味唔會好重，但好食。 今日為咗等隔離拉麵店開門，就坐低食少少嘢墊下胃兼打發下時間。 佢哋嘅湯真係做得好好，永遠好夠溫度，買外賣返屋企食都好夠熱。 今次叫咗南瓜湯，南瓜好甜好香。 之前飲過煙燻雞，又係好濃好香。 見佢有個新嘅芝麻湯，八卦問下，店員話比我哋試。 係好濃好濃嘅超足料無甜嘅芝麻糊！ 我就覺得幾好飲，但係我老公就覺得濃到苦😂 口味嘅嘢因人而異啦😂 沙律方面，薯仔沙律好好食，有陣煙燻味同孜然味，融合得好好。 雞絲凱撒沙律都好食，不過可惜醬唔夠多，多返少少就一百分💯 青醬意粉沙律就差咁啲，調味差咁啲🥲

Hiu ying Chan 2 年前

📍Tallore（灣仔） 大家如果想修身 想健康 🤪同時又想食得好味😍😉一定要嚟食呢間TALLORE😘😊 嘢食質素好👍環境好靚又衛生😎👍店員服務態度都係Very Nice🤣😁😘 ✨嫩滑雞胸（健康之選） 估唔到雞胸可以滑到好似雞髀咁☺️😍另外各種蔬菜都非常新鮮🤪😘配搭得非常好味😊份量仲要充足😎男人都食得飽啊🤪 ✨三文魚柳（健康之選） 三文魚非常新鮮😍煮得啱啱好😘肉質好滑👍溏心蛋入口即溶😊估唔到椰菜花配藜麥都可以咁好食🤪👍係呢間餐廳令我愛上呢個菜式☺️😗 如果我喺灣仔返工真係日日都會嚟食😎👍