The Globe

Daphne Leung 1 年前

᪥位於中環這間英式餐館，走進去充滿英式餐廳設計味道，以木顏色為主調，悠和的燈光特別有放鬆的感覺。 ᪥先來兩杯Gin & Tonic ，Tarquin's British Blackberry Blackberry 除了有黑莓味道外，帶有青蘋果味道，口感清新，水果味濃，甜中也帶微酸。Two Moon Gin 有花果香甜，余韻帶有辛香和回甘。 ᪥Ham Hock & Red Leicester Croquettes Pale Ale Mustard 外層金黃香脆，火腿蹄豐富咸香和煙薰味，搭配紅萊斯特芝士的濃郁奶香與微甜，帶來層次分明的口感。 ᪥Grilled Peach & Prosciutto Salad 烤蜜桃與意式火腿沙拉搭配菲達起司、烤杏仁和酸辣椒是種複雜且豐富的味覺體驗，個人喜歡烤蜜桃的甜味，而意式火腿咸香平衡了蜜桃的甜味。 ᪥Red Wine Braised NZ Lamb Shank 羊肉與紅酒結合，紅酒經過長時間的燉煮融入要肉汁中，肉質非常嫩滑，肉從骨中輕輕一切就可以分出來。 ᪥Grass Fed Australian Rib Eye 有一種天然的香草味道，脂肪較少，熱量較低，吃起來健康，更有口感。 ᪥美好的晚餐，最後當然要點甜品完結，Warm Chocolate Brownie 外層帶點香脆，內暖笠笠，香濃朱古力與榛子味道，感覺太幸福了！Butterscotch Ice Cream ，味道似焦糖有濃郁的奶香和焦糖甜味。

Nicole Liu 1 年前

我成日行過，今日附近行街，順便試下。禮拜六冇乜人，空間好寬闊，完全唔逼，係香港好難得。內部英式酒吧裝修，有放工之後同朋友放鬆嘅感覺。我嗌咗cappuccino同埋masala on toast，cappuccino冇乜特別，不過masala toast好好食，好夾，中間仲有流心蛋超正。朋友嗌咗beef pie with kidney，好大份，好有牛味，不過唔符合個人口味。人均$170，唔收加一，覺得性價比極高，中意exotic餐廳嘅，值得一試！

Yan Wong 1 年前

位於中環SOHO嘉咸街的「THE GLOBE」，係一間英國菜西餐廳🍴店內環境寬敞舒適，夠哂chill 週末星期日設有Sunday Roast Menu，可選兩道菜或三道菜，每位另加$200可以享用指定酒精飲品free flow Soup of the Day 是日餐湯係蘑菇湯，非常濃郁，能夠細味到啖啖蘑菇蓉～當中加咗黑椒，帶微微辣，更加好飲 Breaded Aubergine 炸得外脆內軟的茄子，配上蕃茄、馬蘇里拉芝士、羅勒及巴馬臣芝士，簡單開胃的前菜 Australian Striploin 澳洲安格斯西冷牛扒煎到七成熟左右，肉質細嫩，牛肉味好濃郁，好高質👍🏻 Apple & Herb Porchetta 意大利燒肉以連皮五花豬腩肉，加埋蒜頭、迷迭香同茴香等等香草🌿一齊燒烤，皮脆肉嫩 所有主菜都配有： 約克郡布丁 • 烤馬鈴薯 • 紅燒紅捲心菜 • 蜂蜜釉胡蘿蔔 • 炒夏季蔬菜 • 鼠尾草和洋蔥餡 • 自制肉汁 Drunk Apple & Blackberry Crumble 即叫即焗的蘋果金寶，香甜蘋果肉桂，配上酥脆牛油金寶粒及雲呢拿雪糕，甜美可口

Mandy Lee 1 年前

講起食英國嘢我淨係諗到炸魚薯條同漢堡包😂冇諗過原來英國嘢都可以整得咁好食！呢度其實係一間英倫風格嘅酒館，除咗有嚟自世界各地嘅啤酒之外，仲有手工啤同紅白酒！佢仲有個位佈置到好似英式圖書館仲有唔同嘅世界地圖可以坐喺度打卡添📸 推介佢哋嘅澳洲肉眼扒，個表面燒到好香，嗌咗五成熟，切開咗裏面keep住好多汁又重牛味！佢嘅配菜係焗薯批，冇諗過個配菜都咁好食，薯仔味勁香濃，有少少芝士味又唔會好漏！ 另一個令我覺得驚喜嘅就係佢哋嘅Crispy Cauliflower，嗰陣我以為係韓式炸雞，佢連食落去個味道都好似😂呢個，我覺得幾得意，都可以試吓！

Tako124 1 年前

【中環蘇豪區英倫風酒吧🇬🇧The Globe🍻】 今次去到中環Soho區嘅The Globe，餐廳走British pub風格，傳統嘅英式裝橫，地方闊落，仲有一個英式圖書館角落同埋世界地圖擺設，好有氣氛。餐廳主打英國菜，亦提供世界各地嘅啤酒、手工啤酒、紅白酒，Gin、Whisky同埋Cocktail等，吸引咗好多外國人幫襯。今次點咗3-Course meal menu，有前菜、主菜同埋甜品，好豐富。 Grilled Pork Loin Chop Waldorf Salad • Potato Pave • Pan Jus 豬扒厚切，用上黑毛豬，豬扒經過慢烤，肉質鬆軟Juicy，火喉控制得啱啱好，配上醬汁更加惹味，豬扒肉味濃郁，近住豬肋骨側邊嘅肉帶有油脂香，好有咬口。旁邊配上Potato Pave，千層馬鈴薯呈立體方塊，焗至金黃色，口感非常酥脆，帶有薯仔焦香，薯味十足。 Lamb Tagine Couscous • Apricot • Toasted Almond • Green Olives 好有異國風情嘅一道菜，羊肉經過低溫慢煮，肉質軟腍，加上咖喱汁醃製，非常惹味，配上Couscous，由小麥粉製造，形狀好似小米粒，用嚟配搭咖喱烤羊肉嚟食一流。另外配料有杏子、烤杏仁，青橄欖等，經過醃製嘅橄欖口感獨特，香氣濃郁。 Dessert 甜品雜莓慕斯蛋糕，Mousse口感軟綿綿，味道酸酸甜甜，充滿雜莓香，表面嘅覆盆莓味道酸澀，雜莓果醬嘅酸味同Mousse嘅乳酪甜味好夾。 Greenall's Wild Berry Gin帶有溫和嘅果香，容易入口，另外加入士多啤梨同埋橙，增添果味。 Martin Miller 味道好清新，帶有濃郁果香味，混合咗柑橘皮、士多啤梨同埋杜松子味道，入口好清爽。