Tuned Coffee & Roastery

chan yuen mei 2 個月前

下晝攰攰地諗住搵間地方食個下午茶，見到呢間Cafe下午茶送飲品，諗住嗌個窩夫食吓。點知一上菜好開心。冇諗過咁大份。而且有咁多嗰啲dip. 綠茶麻糬窩夫，又有好多脆皮可以俾你當曲奇餅咁食。真係好開心。送嘅蘋果汁入邊都有香草，好滿意。

SummiSummi 3 個月前

Bookmark左好耐終於得閒去！聽聞佢哋個忌廉芝士包同Tiramisu好好食😋所以兩樣都叫左 🍴 : 香蔥蒜蓉忌廉芝士包 麵包熱辣辣，烘到表面脆脆地好香口，入面勁多忌廉芝士！加埋蒜蓉同香蔥十分惹味 🍴 : 手撕豬肉班尼迪蛋 手撕豬肉嘅份量好多，睇落去已經覺得好澎湃🤤配上sourdough勁夾，加埋表面上嘅清蘋果食落冇咁Heavy 🍴 : Dirty Tiramisu 佢哋既Tiramisu同出面嗰啲有啲唔同，比較小朋友口味~~ 上面鋪滿左朱古力碎、Oreo 同朱古力醬，勁邪惡但又幾夾，但如果你係想食傳統充滿酒同咖啡味既可能未必岩你 佢哋嘅lunch都幾多人下，我哋坐低咗冇幾耐已經滿左，如果趕時間嘅話建議早啲去

Jackey 5 個月前

路經太子正想找餐廳之際，上網搜尋發現了這間咖啡食店，平日我經過很多次，但都好多人，今天是平日可以試試，選擇了他的松露蘑菇貓耳朵玫瑰醬卷卷意粉配自家製蜜汁牛肉叉燒，後者有驚艷的感覺，因為牛肉有叉燒的感覺，非常驚喜，蘑菇湯濃郁，美式咖啡正宗， Dirty有點濃，整體表現十分出色，誠意推介，下次要來試他的甜品，因為見到鄰桌的也十分精緻美味😋

Vivian Sheung 5 個月前

剛剛在附近做完身體檢查，上Google search發現咗呢間coffee shop。 由於到達嘅時間比較少沒有什麼客，但剛剛坐低5分鐘已經陸續約客人入嚟，相信平時嘅生意應該唔錯！ 老闆推薦咗「手撕豬肉班尼迪蛋」非常不錯，青蘋果嘅酸甜，加慢煮嘅豬肉絲，留著蛋黃嘅雞蛋絕對係完美嘅配搭！

introverteating 11 個月前

喺旺角食過好多間，今次特意行遠少少，嚟到旺角東呢間小店～門口設計幾靚，落地玻璃窗外有兩個戶外座位。雖然行人路唔算寬，但呢帶唔算繁忙，坐出邊都幾舒適休閑。 Sparkling Ade - Lemonade 靚到以為喺酒吧叫～值得兩個 Close-up Shot，唔使加字影響佢 日式燒雞腰果仁沙律 With Pickled Ginger, Cucumber, Candied Tomatoes, Australia Mix Green, Smashed Avocado, Turmeric Tahini 冇特別睇配料，見到有肉有菜就落單～到先知裏面有酸薑，配搭新奇但意外地夾！食到飽飽哋時，就食酸薑refresh。蔬菜量超多，食完感覺一日所需蔬菜量已達標 燒雞是串燒，表面輕輕灼燒過，食到邊位有淡淡煙熏香～ 是日餐湯：蘑菇湯 偏向奶油版本，口感超滑順～上面灑上麵包糠增添脆口，細節做得用心，係一間注重細節嘅餐廳。 牛油忌廉汁帶子粒意大利飯 With Butter, Onion, Herbs, Shaved Parmesan 朋友點的 只吃了幾口 帶子細細粒有很多 是珍珠帶子 意大利飯不夠硬