VETEA 越茶香

Mavischan 2 個月前

經過 VETEA 試咗佢哋新出嘅柚子新品，仲要限時八折，兩杯底層都落咗唔少紅柚果肉，夏日飲幾解渴。 左：滿杯柚柚（清爽果茶款） 純粹係茶底配鮮柚子果肉，飲落酸酸甜甜，果香算幾出。咬到果肉嗰陣有少少柚皮微苦感，但整體幾清爽解膩，熱天飲好爽。 右：芝芝柚柚（奶蓋款） 上面加咗層厚奶蓋，鹹香奶味配埋下面酸甜嘅柚子茶，多咗重綿密口感。鹹甜交織幾特別，個人比較鍾意有奶蓋多啲，會冇咁苦澀。

Jeff Li 7 個月前

介紹佢哋嘅招牌「龍眼桂花冰」🌸真係一試愛上！採用新鮮泰國龍眼人手剝殼去核，搭配手作桂花茶凍同鮮牛乳打成幼滑沙冰，入口龍眼清甜味超突出，之後滲出淡淡桂花香，層次超豐富😋 最欣賞係佢哋嘅堅持： ✨新鮮水果實打，絕無果漿 ✨選用純冰糖，健康無負擔 ✨茶底用4月份第一批最上乘春茶，茶香特別清幽 每杯都飲得出龍眼肉粒同桂花啫喱，真材實料，夏天消暑解渴一流🥤仲要係零添加，飲完完全唔會覺得罪惡感！

Eunice Lam 7 個月前

在中環觀光電梯口下面，水藍色的優雅門面，竟然是一家香港人自家首創的茶飲店。 他家標榜用料天然，無添加，茶葉取用最優質的春茶，果茶也是採用鮮果打出來的，甜味都來源於純冰糖，喝得也比較放心。 之前最喜歡的龍眼桂花冰，這天竟然賣完了，跟就點了其他兩款，也是鮮果茶，好有驚喜。 🥭鮮芒甘露 $36（中杯／少甜） 很像楊枝甘露，果肉貌似更多了。滿滿的芒果肉／甘柚肉／西米粒，冰沙也是用鮮芒果打成的，滿口香甜，冰沙口感幼細，沒有冰粒感，是我喜歡的。 🍓滿杯莓莓 $38（中杯／少甜） 也是用鮮士多啤梨打成冰沙，天然果味，每一口都喝得到士多啤梨粒粒，滿口果香，非常好喝。 總結，可以在市面各式過江龍茶飲店林立的地方立足，可想而知真的很不錯，我是可以喝完再喝的那種。

Helen Chan 8 個月前

中環呢間港產茶飲🥤真係全天然㗎！ 港飲港食就聽得多啦，香港人自己創立嘅茶飲品牌你又試過未？今次介紹呢間「越茶香」，堅係由地道香港人搞起，由頭到尾都係港人自己研發嘅心血❤️‍🔥！ ✋🏻 先講重點：佢哋標榜「全天然」 講真而家周圍都話健康，但落手落腳真係全天然嘅有幾多？呢度嘅食材❌冇加工料，✅全部天然嚟！水果？佢哋真係日日新鮮「實打」㗎，唔係用現成果漿溝糖水，飲落個種鮮甜，係完全唔同層次。甜味來源？佢哋用純冰糖，唔係普通砂糖，甜得嚟清爽唔膩喉，感覺真係冇咁「罪過」㗎。 🍵 茶底落足本 茶飲靈魂係茶底。佢哋好揀擇，堅持用每年4月第一批採摘嘅上乘春茶🌱做茶葉。春茶葉嫩，香氣夠清新，冇苦澀味，沖出嚟嘅茶底特別順喉，就算唔加糖都好好飲。呢份執著抵讚！ 🌟 龍眼桂花冰：呢杯真係清潤到爆！龍眼肉自己剝，份量足，每一啖都飲到清甜果肉，加上淡淡桂花香，唔會太假嘅香精味，係天然花香。夏天飲解渴，秋天飲滋潤，正！ 🌟 滿杯莓莓（綠妍茶底）：鍾意生果茶嘅必點！滿滿嘅草莓打成果茸，仲有粒粒果肉，配埋招牌綠妍茶底（就係用嗰啲靚春茶沖嘅），酸甜清新，完全唔似坊間啲藥水味莓茶。睇住佢哋即打即做，冇花冇假。 總括嚟講，呢間舖冇用啲咩花巧名堂，就係老老實實用好材料。位置就喺中環閣麟街，行開街上去整杯，支持吓本地品牌，兼且對自己個胃好啲啦！

斑比 10 個月前

鮮芒甘露 $36 好香芒果味，新鮮水果實打，飲得出無加糖漿，真材實料👍🏻👍🏻味道又唔會太甜，好啱香港人口味 龍眼桂花冰 $39 清香桂花味，呢個乾燥嘅天氣下，食吓龍眼滋補一下，雖然係沙冰，但唔會太凍👍🏻👍🏻果然係招牌飲品！