Wanchai Animal Hospital 灣仔動物醫院

jackie huang 2 個月前

我家小主心心6/24突然嘔吐咗二天，嚇到我彈起，跟住即刻去搵余醫生，佢好有耐性即刻做晒檢查發現佢胰臟指數偏高（係好高嗰隻）之後就俾咗方案我哋，我哋就跟住醫生指示食埋藥同埋建議處方糧，（我加少主唔食罐罐佢都冇迫，就叫我哋試吓睇吓餅餅食唔食，）中間再去睇多一次，但醫生覺得一星期再抽血係好無需要，幫我哋慳咗錢不特止亦都唔會要求做冇需要嘅嘢。跟住又再觀察多一個月到七月尾再返去複診，啲指數靚返晒令到我哋好感恩，同埋佢好細心親自拎張報告出嚟解釋得好清楚，我哋好多謝佢，好推薦其他有需要嘅主人可以去搵余醫生。佢好企響主子嘅立場去睇件事，覺得如果佢哋去醫院驚青，係冇需要返得咁密去醫院侯診，可以用電話保持聯絡，真心推薦呢啲有良嘅獸醫！同埋診所姑娘亦都好溫柔好細心有問必答。

Cheung Eliza 2 個月前

我幾隻狗狗都係搵余醫生照顧，咁多年來我覺得診所不論姑娘同醫生的服務及專業能力都好好。而且他們都好有同理心。 有時真係好靠主人同醫護團隊嘅溝通。至少嚮我最需要幫忙嘅時候，診所嘅醫護團隊都好全力支持。這一點正正是動物及主人最需要的。

Yee Lam Ho 2 個月前

我隻貓由細到大都係嚟呢度睇病，Dr. Yu 對貓咪好有愛心，每次檢查都超溫柔，會輕輕碰碰額頭、同貓咪傾偈，完全冇驚過佢。所以我隻貓而家去睇醫生完全唔怕，超級淡定！ 無論感冒、皮膚問題定其他小毛病，醫生每次都細心診斷，藥到病除。今次最感謝佢幫我隻貓做絕育手術，手勢一流，術後恢復超快！番到屋企已經生龍活虎，完全睇唔出做過手術。 多謝 Dr. Yu 同診所團隊嘅專業同耐心，我可以好放心將毛孩交畀你哋！

Eunice Ku 3 個月前

貓貓自2023開始有皮膚問題，肚皮經常發炎，見過好幾位醫生，被診斷是免疫系統問題/對環境敏感，是不可根治的問題😩😩！經余醫生細心治療，貓貓過去幾年從戴兩個頭套生活到現在回復正常。非常感謝🙏🙏 診所內姑娘亦非常有善。😊

JC 2020 6 個月前

貓貓咳同氣喘，見到呢間網上"好評"多，同埋近，就帶佢去睇姓YU個所謂獸醫。去到有位中年矮小面色陰沉既姑娘黑面咁打量我地，極奇怪。之後入到去診療室，姓YU既幫隻貓求其聽心跳，該位姑娘勁大聲力拉扯我隻勁驚既貓，我用我手臂保護隻貓佢先唔敢再暴力對待我隻貓。姓YU既話冇雜音。建議照X光，照完就話支氣管炎，開左7日藥： 抗生素，鼻吸式類固醇同氣管藥，盛惠港幣3千幾。 我隻貓番到去食完抗生素，原本養左十年都冇試過屙軟便既佢竟然屙爛便同水。 番去覆診，姓YU既再睇佢，乜都冇打算檢查就話開抗生素，收800幾。我問使唔使驗糞便，佢話驗到乜都係開呢隻藥架啦。問佢有冇第二款藥，（我心諗擺到明我隻貓就係食完佢第一次開既抗生素打死哂腸D益菌先會肚屙，而家又開抗生素），佢好串咁一句撻埋嚟話"咁你醫定唔醫？！"再問多句有冇咩原因點解我隻貓會肚屙，支氣管炎， 佢話"咁呢D要你自己慢慢去搵喇"。最後問埋，我隻貓而家訓覺呼吸都仲係45左右，有冇問題，佢話冇問題，佢自己隻貓都係咁。本人係有禮貌斯文人，都要俾佢黑面，冇耐性，受佢氣，只想係你手中攞錢而完全唔想理你同你既貓既健康狀況。 約一個月後，我隻貓反反覆覆繼續氣喘，睇左另一間獸醫，原來我隻貓已經心臟病未期， 肺同胸腹都積哂水，好彩該獸醫醫術高明，即刻抽走積水，我隻貓好彩死唔去，但心臟機能已去到最壞最差只能開重藥吊住條命，再睇番係灣仔動物醫院既X光，根本個肺積哂水，個肺被積水壓到得番勁少空間嚴重呼吸困難，而且心臟發大左勁多，姓YU既連呢D咁危急就死既情況都都唔識睇？！ 仲同我講我隻貓心臟冇雜音同訓覺呼吸40幾冇問題？真係唔知個獸醫點讀番嚟 如果唔係姓YU既冇醫術冇醫德，我隻貓好大機會可以活耐D，仲要差D俾佢搞死，受咁多苦，死唔去都係因為佢命大。呢個係我遇過最冇醫術冇醫德既獸醫，沒有之一。