星海 (The ONE)

Shanshan wong 1 個月前

同屋企人慶祝生日 個海鮮拼盤係幾震撼 不過有啲海鮮就蒸得過咗火 但整體上都係好食嘅 散叫嘅小菜同埋酸菜花膠湯都好好味 不個一開始坐位嗰度有少少誤會，本身係訂咗窗口位，不過屋企人先到唔知道有冇安排，坐咗走廊中間，最後擾攘咗一陣都有轉返俾我哋 侍應都好勤力收碟同埋勤快

Benson LAI 3 個月前

平時我哋都好少一齊去酒樓飲茶，因為我鐘意飲咖啡，小朋友又嫌一般酒樓太嘈吵，估唔到而家有中式酒樓做到環境舒適又充滿創意。 今次去咗尖沙咀 The ONE 18樓嘅星海，一入門就被華麗裝修吸引，空間闊落開揚，仲有設計搶眼嘅舞台。難怪榮獲 TVB Weekly 星級婚宴場地，不論假日休閒聚餐或者一家人食晚飯都十分合適😍 最驚喜嘅細節，只要同店員講一聲，飲茶就可以換一杯免費咖啡☕中式手工點心配香滑咖啡，中西合璧嘅組合意外地匹配。 🥟店內所有點心均為手工製作，擺盤用心，多款款式打卡同品嘗兩相宜： 星海四色蝦餃皇 外型精緻色彩豐富，對應四款獨特風味，內餡蝦肉碩大彈牙，用料十足。 世外桃源 打卡必點！包含造型精緻嘅安格斯和牛天鵝酥，搭配外脆內嫩嘅蝦膠荔枝球，賣相一流📸 星海九宮格 一盤一次品嘗九款特色點心，精緻感滿分，款式分別有星海蝦燒賣、紅菜頭汁野菌餃、趣緻蘋果包、紅菜頭蝦餃、原隻鮑魚燒賣皇、筍尖麻油蝦餃、蚝皇手切黑毛豬叉燒包、黑松露蝦餃、芹香鮮蝦帶子餃。餃皮通透，餡料豐富，搭配金箔點綴，質感升級。 三色酥皮焗蛋撻 酥皮層次分明，蛋香醇厚，熱食風味最佳，備有三款口味選擇。 趣緻蘋果包 還原蘋果立體造型，造型可愛，大人細路都鍾意。 芒果爆珠楊枝甘露 芒果香氣濃厚，咬開爆珠口感獨特，食完鹹點作甜品剛剛好。 全新會員福利十分抵玩： 入會消費即享折扣 午市減＄20 茶市減 $18 晚市減 $50 開戶即送 888 積分，日後家庭聚餐、婚宴、場地包場消費均可累積積分兌換現金券🤑 店內場地適合公司聚餐、活動包場、派對同婚宴擺酒，全年供應盆菜外賣、外送及自取服務🥡，節日聚會、生日慶祝都適合。想入手海陸空鮮味聚寶盆，除到店點餐，鄰住買平台亦可以落單選購。 父親節將近，想一邊欣賞靚景一邊歎美食，不妨參考呢間餐廳嘅菜單🥰

Jessie Kim 4 個月前

尖沙咀呢間主打高空景觀配粵菜嘅餐廳，位於 The ONE 18樓，視野開闊、整體環境有質感。今次四人份嘅「海陸空鮮味聚寶盆」（$598）最大特點係氣勢同份量：竹笼直接整個送上枱，荷葉香會先傳出嚟，入面匯集咗11款海陸空食材，用料算豐富，幾適合多人聚餐時分食。 海鮮部分以蒜蓉粉絲/豉汁蒸製為主，像元貝鮮甜多汁、龍蝦肉彈牙爽口、鲍魚軟滑但仍保留嚼勁；蛏子亦有一定鮮味層次。深海魚腩用豉汁蒸，鹹香度夠，魚肉肥美而唔會被醬汁蓋過。空中嘅豉油皇乳鴿外皮偏香脆，肉質嫩滑，豉油香算有入到肉。陸地方面蒜蓉蒸排骨同豉蒜南瓜蒸排骨各有取向：蒜香那款更突出，南瓜那款更清甜解膩；另外底層配清甜勝瓜，實際食落確實有助平衡整體的油脂感。若想再加熱騰騰嘅口感，砂鍋葱香煎焗走地雞（$168）砂鍋保溫做得唔錯，走地雞表皮微脆、雞味明顯，葱香亦會比較「融入」整體味道。 整體嚟講，$598就有11款海陸空食材，口味表現偏穩陣，食材新鮮度同蒸製功夫都唔差；加埋高樓景觀，打卡氛圍亦明顯。唯一就係如果你平時鐘意濃味或重口，可能要視乎你對豉汁/蒜蓉蒸製路線嘅接受度。

Sonia 5 個月前

一啖🥳or二啖? Jap 💃 最吸引我的點心就是世外桃源，這一款是手工點心，外型精緻獨特，荔枝和天鵝都做得栩栩如生！而且係即叫即整的！新鮮滾熱辣上枱！ 乳鴿亦都是我至愛的食品之一！好味，juicy ！整得好入味 價錢亦都好抵$68💃 其他三個小食就係椒鹽鮮魷魚🦑酥皮蛋撻同埋粉皮！全部都整得好有水準！熱辣辣上枱的 蛋撻有三種口味款式獨特味道新鮮🤩🤩yummy ❤️❤️ 這間中菜廳環境非常大，裝修很有特色，裝潢華麗！適合家庭聚會婚宴場所用！party time 都可以，百日宴又可以🥃而且面對維港靚景！非常chill ❤️❤️❤️ Menu勁吸引！款式多多！盆菜啊糭啊都有！盆菜外買外送或自取 今日lunch食得非常開心，一定會再幫襯

eatinhongkong wheelchair 6 個月前

星海 今次介紹喺尖沙咀The One商場有一間好高質酒家叫「星海」，呢間酒家拎咗大眾點評商圈人氣好店，仲有戶外打卡位，坐擁270度維港海景，仲有可以廂房提供，絕對好適合公司聚餐、婚宴場地同朋友聚會等等一齊享受美景佳餚啦！ 1.招牌白胡椒肉蟹焗飯$368（原價$498）（10/10） 呢個白胡椒肉蟹焗飯實在太好味，我自己好少食蟹，今次都忍唔住要食一食蟹，每次食蟹都覺得好麻煩，除咗花時間，仲食唔到實肉，呢度就唔同，佢哋肉蟹係實肉，唔似出面食完d蟹水仲多過肉，白胡椒味道唔會搶走蟹肉鮮味，飯吸收哂蟹肉鮮味，原價仲係$498，依家優惠價$368，真係非常抵食！ 2.金沙黃金蝦$168（10/10） 呢個黃金蝦食到咸蛋沙口感，連蝦殼一齊食，一碟有10隻黃金蝦，正呀！ 3.川式酸菜煮深海龍躉球$198（9/10） 呢個酸菜煮深海龍躉球個龍躉球份量好多，魚肉肉質幾嫩滑，唯獨是酸菜嘅酸味如果無咁酸仲好味，辣度適中，唔錯唔錯！ 4.遠年陳皮脆皮燒鵝伴陳村粉$168（例）（9.5/10） 呢個陳皮脆皮燒鵝伴陳村粉油脂非常香，燒鵝個皮非常脆，陳村粉吸收哂燒鵝嘅油脂香，講就講例牌，其實份量非常多，足夠二人份量有餘！ 2人總共價錢$1036，茶位每位$20，有加一服務費！ 個人口味總評分：9.625/10 @the.starview @hktheone 地址：尖沙咀彌敦道100號The ONE 18樓 Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️ #香港最值得去的中菜廳 #香港明星食堂在哪兒 #星海 #TheONE #公司聚餐 #晚飯 #婚宴 #酒樓擺酒 #中菜 #尖沙咀好去處 #尖沙咀美食 #酒家 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong