揸到夠電單車駕駛訓練中心有限公司

chung kenneth 5 個月前

考完強制試放低左幾年無揸過, 三堂導師堂即刻pick up返連學識打埋八字, 自己練緊車唔係上緊導師堂都會過黎幫你, 學車一定係呢間 無得鬥氣

Sin Yee Ko 9 個月前

【真心推薦何Sir電單車教學，幫我一Take Pass！】 之前報咗第二間學院，上咗幾堂都冇乜進步，連上斜都做得唔好。臨近考試嗰陣，偶然聽到何Sir教緊其他學生，覺得佢教得好仔細，於是鼓起勇氣「抄牌」聯絡佢。就係咁，我之後路試一Take Pass！ 第一堂何Sir已經即刻指出我「打8字」嘅問題，俾咗實用意見。我跟住佢方法練習，果然定咗同穩陣好多，信心即刻返晒嚟。之前我打到搖下搖下，正如阿Sir話齋：「咁樣考試有風險㗎！」 何Sir教學標準好高，但一啲都唔惡，同一般教車師傅好唔同。正因為平時上堂佢執得正、要求細緻，到考試時我先可以淡定發揮，表現穩定。 另外，阿Sir啲電單車部部都好新淨，唔似其他學校啲考試車甩皮甩骨，又唔使額外加錢先用到小熊車。佢仲有唔同大細嘅車款，適合各種體型學生。值得一讚嘅係，連導師頭盔同內置藍牙耳機都唔使加錢，真心覺得好抵囉！ 建議大家想學快啲搵佢，佢依家導師堂都成日full，過多一排會加價！如果大家想搵一take pass，真心推薦何Sir！

Scarlett Tong 10 個月前

如果考銅鑼灣路線，一定要搵揸到夠何sir，極力推薦，首先電單車都好新，保養得好好，一上車已經感受到其他老牌學院差別好大，開得好暢順好舒服，車身細 打8字會明顯覺得輕鬆好多，然後見到何sir 好細心，好有耐性教每一位學員。今次順利合格都多得何sir同佢提供既車，謝謝你。

Jovy Chan 11 個月前

係天光道某駕駛學院考過一次，自己得米6，棍波車 d車太高身，粘起腳尖，企都企唔穩。考試打8字，轉第一個圈就跌埋車，肥左 轉場去港島考，搵到揸到夠， 報名第一件事，何Sir問 身高幾高，安排一架合適既車。 重點係。 全程學車都係用考試車 去練習，油門，離合器一早練習好。 會比好多意見，唔會sale你，自己衡量夠唔夠，洗唔洗加鐘等等。 最終成功 港島一take pass la 仲諗緊／重考／第一次考 何Sir 完全幫到你。 學電單 搵揸到夠 何Sir 啦

Kenny Wong 上次編輯：1 年前

想信好多人報掃桿埔大球場考電單車都係貪呢到排期快，同埋可以入到試場打斜路8字。而我自己亦都唔例外，好好彩係5月搵到揸到夠何sir 去教導我。 何sir 嘅教學方式簡單直接易明，不單止係安排一對一導師堂，唔會鴨仔團，仲有Cardo藍芽耳機借用。行車時好清晰即時講到比你知路段要注意嘅位置，行車動態要改善既地方等（如果你係大球場練過電單車就明我講咩嫁喇😂，坊間無耳機果d係要燈位平排同返學生解釋）。係何sir 悉心嘅教導之下，好快掌握到視線為用嘅重要性，同埋定油拖尾brake慢車打斜路8字嘅技巧，令我短時間進步，成功打到。 同何sir 關係亦師亦友，上堂絕對唔會遲到呃鐘。價錢好清晰，無捆綁式逼你買堂，亦無坊間嘅導師堂評分制度先比你自行租車練習既無稽安排。即使我上哂4次嘅導師堂，平時自行練習排斜路8字，何sir見到都會注意你訓練時候嘅情況，比返意見你去改善，亦好樂意解答你問題。我練車呢個月份仲正值颱風季節，經常落雨，當日1小時前改期何sir 仍能迅速安排。 何sir 亦會因應你體型而安排合適嘅電單車比你。每部電單車都保養得好好，磨擦點位置清晰極難死火。考試同訓練嘅電單車都係同一部，務求令你同訓練嘅手感一樣，以防你唔適應，最後樂活線1 take passed!