Aga - Restaurant & Bar

Fung、Oi Lang 1 年前

搵食搵食，今日同朋友又嚟尖沙咀搵食！ 今次朋友推介我喺尖沙咀口福街嘅藍馬商業大厦，有間西餐廳好特別，除咗食物好味之外，仲有一個超靚，可以打卡嘅outdoor座位！ 餐廳宜家推出咗Aga Special Set，由200幾蚊到300幾蚊不等，已經包括咗前菜餐+湯+主菜+埋甜品，都真係幾豐富！ 我哋叫咗兩個set： 第一個set 🌟 - 明太子蟹餅配芒果沙沙 -忌廉蜆肉湯 -香辣燒汁羊柳扁意@$268 -Tiramisu 🌟 -巴瑪火腿配蜜瓜 -招牌蟹肉龍蝦湯+ $38 -油封鴨醇菠菜忌廉汁意大利 飯 $298 -榛子果仁朱古力蛋糕 兩個set份量都好足夠，而且食物真係好高質素，擺相又夠靚！ 唔跟朋友上嚟，真係唔知道原來喺尖沙咀鬧市仲有一個咁chill嘅戶外座，舒服又夠氣氛！但因為今日落雨，坐唔到喺出邊！下次真係要同朋友再嚟飲下酒🥂傾下計，Relax一下先得!

Connie Cheng 1 年前

佢哋嘅 Aga Special Set ($298)，每道菜都好有心思，唔係求其整個樣就算，食得出誠意！ 🦀 明太子蟹餅 外層炸得香口唔油膩，切開明顯見到一絲絲嘅蟹肉，淨食蟹餅味道略鹹咗啲，不過上面加咗芒果肉，微甜啱啱好平衡返整體味道。 🎃 是日餐湯：南瓜湯配多士 湯底香滑，南瓜甜味濃，配埋鬆脆嘅多士浸一浸湯再食，係高質西湯嘅味道！ 🦆 法式油封鴨髀配香橙鴨胸 法式油封做法，即係慢煮加低溫油浸鴨髀，做到外皮微脆、裡面肉質嫩滑。鴨胸味道清新，帶些少血橙味，少少果香，旁邊仲有薯仔沙律，食完有飽足感但唔 Heavy，好食！ 🦞 燒紅魔鬼蝦龍蝦汁意大利飯 ($198) 呢款 Carabineros 紅蝦嚟自西班牙，體型大，蝦頭多膏鮮甜， 蝦上面鋪咗蟹子同魚子，加上意大利飯用原隻龍蝦慢火煮成，飯粒吸晒精華，每啖都食到龍蝦鮮味，難怪係 Signature 之一！ 🍰 Daily Dessert：Oreo 芝士蛋糕 食落似 Mousse Cake，芝士味唔太濃，配埋 Oreo 餅碎加多咗口感。 🍸 Etsu Pacific Ocean Gin Tonic ($128) 入面有海鹽，飲落帶輕微鹹香，仲有花香同柑橘味，好啱平時鍾意比較輕酒感嘅朋友～ 成間餐廳座位之間有足夠距離，坐低之後可以慢慢食，慢慢傾，唔會趕客。服務方面都唔錯，店員會主動介紹菜式，成餐飯食得好自在！ 以尖沙咀嚟講，價錢唔算好平，但以食物質素、擺盤、服務同整體環境係值嘅！

kam lam 1 年前

今晚同朋友去咗厚福街aga restaurant chill，有氣氛坐得舒服又有型格燈光，成班朋友吹水hea住食嘢超chill！餐牌揀擇豐富，無論西餐fusion小食、意粉、扒類定cocktail都有， 適合慢慢傾偈。 Aga Special Set 是日餐湯南瓜湯 南瓜湯味道香甜濃郁，質地細滑，南瓜本身嘅甜味好突出 牛尾忌廉汁意大利飯 Risotto飯粒煮到軟硬適中，帶微微咬口。牛尾煮至軟腍入味，忌廉醬汁香濃但唔會膩，牛味同奶香夾得好好

Kenke Yip 1 年前

aga Restaurant & Bar 近年香港除了消費模式改變之外， 就連生活習慣上都改變了不少， 所謂的夜生活由夜夜生歌到天明， 變為越接近凌晨就開始有歸家念頭的白雪公主mode ， 令到一眾消遣場所都將營業模式作出了調整。 今次到訪了尖沙咀厚福街的aga， 他們是一家有餐飲有煙酒的cafe,劃分了室內/外， 室內是以餐飲為主， 而戶外部分可以食到水煙，煙酒配是定律吧！ 這天正午時分已經有客人在吃水煙， 秋意漸濃陽光普照的下午，我們當然選擇戶外區域， 寬敞舒適空間廣，值得坐下來慢慢嘆。 食物方面超出預期的好，兩款意粉色香味俱全， 飲品方面配搭很有特色，奶蓋咖啡配搭得宜，好飲！ 是日點餐 秘密酒冬陰公紐西蘭青口鑽石大硯扁意粉$128 日本明太子蟹籽珍寶帶子扁意粉$128 蜂蜜-濃縮咖啡-粉紅岩鹽奶蓋 $68 菠蘿 桂花烏龍 粉紅岩鹽奶蓋$68 📍尖沙咀厚福街12-12A號藍馬商業大廈5樓 🕐12:00pm -01:00am

Lazzy Mui 1 年前

： 餐廳以朝啡晚酒作概念，設有室外同室內座位，室外就好啱飲杯野食下shisha ，雖然地方唔大，不過空間感都好足夠。 ✨冬蔭公紐西蘭青口鑽石大蜆扁意粉 $128 呢個雖然唔係話surprising 外面都容易會食到 不過要整得好食一啲都唔容易 但呢到絕對做到🫵🏻 扁意粉蘸滿冬蔭公醬汁 醬汁帶有小小辣度~ 幾開胃的 海鮮方面有帶子青口同蝦 都幾大隻喔😆 ✨ Cappuccino $42 正正常常 最欣賞佢溫度夠熱 即使影咗一陣相都仲keep到熱！ 🧂Peach Green Tea Soda $68 呢個反而幾驚喜 初時以為會好甜 點知佢係清清地 ✨🍗意式巴瑪火腿釀雞卷 $168 呢個個人覺得幾特別！ 外層炸得好夠脆 而且鎖到肉汁 唔會焗到好乾 令本身肉質好鞋身 依然好嫩滑🤪 而內面釀上西芹同紅蘿蔔🥕 大增口感～ 啖啖肉配上黑醋沙律菜🥗 大讚一下廚房師傅 調味調得幾好！ 幾重黑椒味 再灑上柚子sauce～ 成件事唔會變到好膩😛 以前都試過好幾間朝早cafe夜晚會轉酒吧既餐廳，不過好多時候focus既位就唔會係食物上面，呢到的而且確做到👍 食物質素同飲品方面都好唔錯，當然cp值唔係好高嗰種，不過呢個價錢同食物質素絕對成正比，平日下午黎會好chill，可以坐低飲杯啡食下野😋 如果夜晚嚟呢度氣氛同環境應該都好正，如果想食水煙嘅朋友仔仲可以係outdoor坐 氣氛又好唔同㗎😉😆 🔆Aga Restaurant & Bar (尖沙咀) 尖沙咀厚福街12-12A號藍馬商業大廈5樓