Potluck Eatery

yumfoodyumeat 1 個月前

海陸空拼盤份量超級大 好驚人 又抵食 每樣都好好食 食完飽到爆 cp值勁高 Potluck fever 2.0 2人餐 $598 🍞Soup & bread 是日餐湯係南瓜湯 口感香甜、濃郁又綿密滑順 帶有淡淡奶香。搭配蒜蓉包 烤得勁脆口 蒜香味十足！ 主菜 🍽️-Potluck fever 2.0 拼盤-🍽️ 🥩安格斯肉眼 半成熟剛好 肉質軟腍 勁Juicy 🦐香蒜大蝦 超大隻大蝦 肉質彈牙 又鮮甜 🐣烤焗雞髀肉串 金黃色雞髀肉 勁嫩滑入味 🦑酥炸魷魚 魷魚炸得香脆 一啲都韌 好香口 🍟香辣脆薯角 大量香脆薯角 超大舊 夠脆口 🥗沙律 配雜菜沙律 剛剛好 十分解膩 🍝卡邦尼意大利粉 醬汁超多 每條意粉都好掛汁 食落超級creamy 加上大量煙肉粒🥓 增加咸香味 意粉超出色👍🏻 是日甜品 🍨朱古力雪糕 🍦雲呢拿雪糕 🍹Provence breeze 賣相勁靚 充滿檸檬 同玫瑰香 加入梳打 飲落好清新 🍋amber fiesta 陣陣菠蘿香甜味 搭配柚子 檸檬 洋甘菊 豐富果味配搭

Cheng Vic 3 個月前

最近搵到呢間坐得舒服、嘢食又好正嘅餐廳，响柯士甸道，近木球會，位置都好方便。店內嘅裝修係簡約工業風，水泥牆加上淺木系嘅枱椅，簡單得嚟氣氛好舒服。見到餐牌有個「POTLUCK FEVER 2.0」，for 2人嘅套餐，套餐包括餐湯、好震撼嘅主菜、Risotto/意粉、甜品，有咁多嘢食，就點咗呢個餐，另外加錢點咗兩杯好靚嘅Mocktail，呢一餐實在好豐盛。 🍞 蒜蓉多士： 蒜香味突出，淨係聞都聞到蒜香味道。入口蒜香味道直衝味蕾，加上烘得夠鬆脆，口感十足！點上南瓜湯一齊食，吸收湯汁後一半脆一半綿，簡直係一流。 🎃 南瓜湯： 超級香濃滑順，而且飲得出南瓜蓉嘅口感，南瓜嘅清甜味好突出，佢冇刻意落太多嘅調味，保留南瓜原有清新嘅味道，係我飲過最出色嘅南瓜湯。 🥩 安格斯肉眼： 叫咗七成熟，火候啱啱好，外層帶燒烤嘅焦香，切開肉質係剛剛好7成熟、帶微微粉紅色，肉汁喺口入面爆發，牛味亦超濃郁，點上佢個味道剛好嘅醬汁，唔會太濃郁搶味之餘，更能進一步帶出牛肉鮮味。 🦐 香蒜大蝦： 燒得好惹味，而且係用上巨型嘅虎蝦，啖啖肉，加上炭燒嘅焦香同十分濃郁嘅蒜香香氣，味道好有層次感。 🍢 烤焗雞脾肉串： 呢個係我食過最惹味同肉質最嫩滑嘅雞串燒，佢係用上雞脾肉，而且切得大大粒，入口好juicy之餘，亦好有口感。佢嘅醃料夠入味同好惹味，加上清甜嘅彩椒一齊食，完全中和咗雞本身嘅油膩感，點埋醬汁味道更進一步提升。 🦑 脆炸魷魚 & 香辣脆薯格： 邪惡炸物雙重奏！魷魚炸到金黃酥脆，肉質保持到好嫩滑，一啲都唔會韌；薯格帶點微辣，夠晒熱而且口感香脆，配我點嗰兩杯靚靚特飲就最適合不過。 🥗 雜菜沙律： 我留個沙律到最後先食，雜菜夠新鮮爽脆，加上佢個醋夠「杰」身，同一般嘅口感唔同，帶酸酸甜甜，完美解膩。 🍝 卡邦尼意大利粉： 汁底夠濃厚，完美收汁掛喺每條意粉度，配埋鹹香嘅煙肉，creamy得嚟又唔會覺得好膩。 🍹 網美必點高顏值特飲： PROVENCE BREEZE： 賣相好靚嘅飲品，藍色嘅蝶豆花配粉紅嘅玫瑰花，形成漸層嘅視覺效果，加上檸檬同梳打嘅清新，飲落酸酸甜甜，帶有淡淡玫瑰花香，味道好清新，好適合炎炎夏日飲。 AMBER FIESTA： 菠蘿、柚子、檸檬同洋甘菊嘅組合，酸酸嘅味道完全係消滯解膩，洋甘菊更對腸胃有好處，喺品嚐一餐豐盛大餐後飲係最適合不過。 嚟到豐盛大餐嘅尾聲，就係食甜品。甜品有「抹茶芝士蛋糕」同「朱古力雪糕」。「抹茶芝士蛋糕」嘅抹茶味道估唔到可以同芝士濃郁嘅味道互相輝映，既有濃厚嘅芝士味道，更帶有抹茶微苦嘅甘香味，甜度啱啱好，好有層次感；而「朱古力雪糕」嘅朱古力味非常濃郁，佢唔係極甜，而帶有可可嘅甘味，口感綿密，尤其食完熱辣辣嘅主菜之後再冰涼一下，實在十分治癒。 「POTLUCK FEVER 2.0」完全係海陸空嘅盛宴，不論視覺上、味覺上，都能夠帶比我哋驚喜，加

Ken Ng 5 個月前

最近同朋友去咗尖沙咀呢間Cafe~ 食咗佢哋新推出嘅二人晚市套餐~ 真係CP值高到爆！份量多到差啲食唔晒😂 主菜係一大盤肉類加海鮮拼盤❤️ Angus Rib Eye 厚切，煎到外層微焦鎖住肉汁，牛味濃郁甘甜，油花分佈均勻，咬落去嫩滑有咬口 拼盤仲有Garlic Prawns🦐，大蝦新鮮彈牙，蒜香濃郁惹味，肉質爽口；🍡雞肉串嫩滑入味，燒得香口juicy；🦑魷魚圈炸得外脆內嫩，唔會太油；薯條辣得剛剛好，脆口有咬勁，沙律新鮮清爽平衡油膩。整個拼盤份量大到盤都裝唔晒，兩個人分享都食得超滿足 再揀多個主食～ Risotto with Wild Mushroom in Black Truffle Sauce，意大利飯煮得粒粒分明又有咬口，野菌香濃，松露醬creamy到爆，菌味同飯香完美融合，份量啱晒做主食收尾

Jacky Ching 9 個月前

人氣木系文青風Cafe， 餐廳佈置舒適，空間感覺寛敞開闊， 背景音樂柔和，燈光陰暗， 既舒服又有情調。 必點這裡的招牌菜， 「秘製醬汁海鮮拼盤二人餐」 是日餐湯是野菌忌廉湯， 味道濃郁香醇，以忌廉和牛奶為基底， 加入雞湯、洋蔥、牛油，口感滑順， 充滿奶香與菌香，好creamy 還加上菌菇粒，增加咀嚼感。 凱撒沙律鹹香中帶有微酸和蒜香， 用上羅馬生菜，香濃的帕瑪森芝士， 酥脆的麵包塊，還有橄欖油及檸檬汁， 好fresh好清新，口感豐富多層次。 主角海鮮拼盤超震撼極吸引， 海鮮極豐富，包括： 波士頓龍蝦、半殼青口、大蜆、大蝦。 天然的鮮甜與海鮮味道， 配上酸甜微辣的秘製蕃茄醬， 味道濃郁惹味，美味可口，而且營養豐富。 甜品：泡沫咖啡慕絲蛋糕 濃郁的Cappuccino咖啡香， 帶點鮮奶油的香甜，及淡淡的酒香， 甜而不膩，香醇醒神，口感絲滑。 #佐敦美食 #柯士甸道 #PotluckEatery

Moki Wong 9 個月前

秘製醬汁海鮮拼盤 $598 for2 包咗👇🏻 是日餐湯、凱撤沙律、蒜蓉法包、甜品 野菌忌廉湯 好濃郁好香菇味🍄‍🟫 都好creamy同埋都有保留啲菇嘅口感😋 凱撤沙律 入面有麵包脆粒🥖煙肉脆脆🥓蕃茄🍅 啲菜都好新鮮🥬 海鮮有龍蝦🦞、青口、大蜆、大蝦🦐、魷魚🦑 Total 1隻龍蝦、2隻青口、6隻大蜆、2隻蝦同6個魷魚圈 龍蝦都新鮮 食落去唔霉 同埋都好多膏😋 青口煮得啱啱好 唔會過熟～ 底係薯蓉墊底🥔 薯蓉都好Creamy 帶有少少薯粒有啲咬口😋 個醬係蕃茄帶少少辣🤏🏻都好惹味！ 個汁同啲海鮮好配👍🏻 個醬連埋啲薯蓉點個蒜蓉包好好食😭 澱粉加澱粉冇得輸！ 甜品 有2杯雪糕🍦 -APPLE YUKO 入面有柚子、伯爵茶、蘋果 伯爵茶加蘋果飲落去好清爽🍎👍🏻 -PROVENCE BREEZE 入邊有玫瑰、檸檬、蝶豆花、梳打 呢杯嘅花味比較重 飲落都好清新🍃 總括而言： 環境好舒服 而且食物都唔錯 嚟緊節日仲未諗到食咩嘅大家都可以去試吓 海鮮嗰個醬連埋個蒜蓉包真係幾好食😋