尖沙咀 阿一海景飯店 Ah Yat Harbour View Restaurant【傳統粵菜】

Kenneth Tse 4 個月前

慕名嚟到尖沙咀嘅阿一海景飯店食飯，雖然坐擁維港美景，環境亦都好高級，但食物嘅份量真係令人大失所望，精緻到有啲可憐。整晚落嚟，每道菜上枱嗰陣，大家都對個份量感到有啲驚訝。🤨 特別係個炒飯，用個大碗裝住，但入面嘅飯只係得中間一小撮，感覺兩、三啖就已經食完，完全同個價錢不成正比。🍚 另外，雖然大蝦同燒味嘅賣相賣相唔錯，味道亦都算合格，但性價比實在太低。呢度嘅定價絕對係高級食府嘅水平，但份量少到連成年人都未必食得飽。如果係追求飽腹感或者性價比嘅朋友，嚟之前真係要三思。💸📉

wuso_foodie 9 個月前

這次的美食體驗讓我驚喜不已，無論是海鮮食材還是精緻擺盤，都讓人回味無窮。 首先，登場的是一道以鮑魚鴨掌菇為主角的餚品。菜品中有完整的鮑魚和脆嫩的生菜，搭配濃郁的醬汁，湯汁吸附在鮑魚鴨掌的肉上，味道鮮美，讓人一口接著一口。生菜的清新口感則增添了一層爽口的風味，是肉質和海鮮的完美平衡。 接下來是一款別具特色的螃蟹，外酥內嫩的口感讓人驚艷。螃蟹的香氣逸散在空氣中，與脆脆的外皮相得映彰。每一口都帶有海洋的鮮香，更顯出食材的新鮮與講究。 最後一道鵝肝展現出廚師的藝術才華——金黃甘甜，使得整道菜品像藝術品般精緻。搭配海蜇，口感順滑，撒上香脆的芝麻後，更是增添了一層香氣，將整體風味提升到新的高度。 整體而言，這一頓餐不僅是味覺上的享受，更是一場視覺與藝術的盛宴，每道菜品都深深吸引著我，讓我回味無窮。

Alpha 1 年前

💁🏻‍♂️💁🏻‍♀️今次帶屋企人嚟飲中午茶，鳥瞰維港景色，無得頂🫶🏻😆。 今次每人叫一個午市套餐，宜家做緊特價$360/位，食物種類多，但好多係一口size，所以食落唔算太大負擔，不過都幾滿足下🤰🏻🫃🏻🤣。食物質素不錯，唔食牛嘅朋友，主食可以改為香煎雞件，不過食落就無牛尾咁出色。個湯好滋補，牛尾燉得入味軟冧，鮑魚酥入口即化🤭好味！

Cheng Janet 1 年前

香港餐廳美食週： 每位$198 另外加左乳鴿、鮑魚撻 環境一流望著維多利亞港吃午餐,枱之間闊落,待應服務細心,每一道菜都跟足全程. 可能名氣過大,食物水準一般,所有食物都唔夠熱. 蝦多士肥膩,食咗第一啖已經唔想食,滿口油. 乳鴿凍冰冰. 湯、糖水、 小籠包都係暖暖的.個人最唔鍾意啲食物 係吾夠熱,呢度已經扣咗分. 用餐環境、服務質素加分,整體嚟講只係合格.未必有下次.

Cynthia Choy 1 年前

完全不推薦食，服務差，食物出品唔好，仲話米芝蓮餐廳， 真係街坊酒樓都做得好過呢間。 經Dining City 預訂與朋友食晚飯，本身訂6位，之後經平台再改做7位，Dining City平台很快就更新訂檯，仲俾左訂檯QR code ，註明向餐廳出示二維碼就可以。 但到晚飯當日， 朋友向餐廳職員出示訂檯二維碼，職員完全沒有理會，只係不停重重複複問朋友問題，例如訂檯人數、訂檯電話等等，朋友查找資料期間，職員十分不耐煩，不停重複問題，好似審犯一樣。 所謂訂檯二維碼於此餐廳完全廢物一樣。最後，更安排我地坐於隔離「炊公館」而並不是預訂的「阿一海景飯店」 。 餐廳埋檯服務同茶餐廳無分別，唔會主動幫客倒茶加水、 餐具係遞俾客人傳去隔離位。 明白dining city 套餐係平，會相應就返食材質素，同唔會有咩精緻擺盤。但以米芝蓮食府， 期望既係師傅煮菜式係到位， 處理食材恰當。但好可惜，全晚只有湯品夠熱，其他都係唔夠熱， 只係微溫， 完全中菜大忌。 花菇有明顯菇臭青味， 凍肝十分多筋沒有去除，蟹蓋有2/3 是洋蔥。 不論入場接待、整體服務、食物質素，真係不敢恭維。 如果因為平套餐就獲得咁服務同水準，明顯餐廳唔期望或唔志在有客人參加完restaurant week 後再幫襯。 海景係靚，係唔會為左個海景去呢度.