家全七福酒家 (尖沙咀)

陳以翔 6 個月前

這次到 家全七福酒家用餐真的非常滿意，是近期吃到水準很高的一家粵菜餐廳。每一道菜都能感受到廚師對火候與食材的掌握。乳鴿外皮酥香、肉質卻非常嫩，多汁又不乾柴，是必點的一道招牌。叉燒也讓人驚艷，油脂與甜香比例剛剛好，肉質軟嫩、香氣十足，真的很好吃。 脆皮雞的雞皮烤得非常酥脆，入口香氣四溢，雞肉本身也保持了很好的嫩度。芥藍炒 A5 和牛條更是一道讓人印象深刻的料理，芥藍清脆爽口，搭配油脂香濃的和牛條，口感層次豐富又不會膩。XO 醬炒蝦仁也很優秀，蝦仁新鮮彈牙，XO 醬的香氣把整道菜提升到另一個層次。 整體來說，料理品質穩定、食材新鮮、味道非常到位，是一家值得推薦、也會讓人想再回訪的優質粵菜餐廳。非常適合聚餐或宴請朋友。 尤其工作人員值得讚賞～態度非常之好，點餐，桌邊服務，應對真的很棒，有把客人放在心上，用餐有尊榮感。

孤獨的美食家 1 年前

家全七福酒家（尖沙咀）係一間極具水準嘅高級粵菜食府，無論係食物、服務定氣氛，都令人非常滿意。今次用餐體驗整體可以話係接近完美。首先講食物方面，出品非常講究，用料新鮮，師傅手勢一流。花膠燉湯濃郁清香，材料十足，入口即溶；龍蝦伊麵彈牙入味，鮮味滿分；燒味拼盤皮脆肉嫩，調味恰到好處；連配菜如蒜蓉炒時蔬都炒得火喉十足，冇一樣係馬虎之作。 除咗出品高質，服務方面同樣值得一讚。員工態度親切又專業，落單時會耐心介紹菜式特色，亦細心留意客人節奏，唔會急急出齊菜，節奏掌握得剛剛好。上菜迅速但唔趕人，換碟、斟茶等細節亦處理得非常到位，完全感受到中式高級酒樓應有嘅待客之道。 至於環境，裝修高雅，氣氛寧靜有格調，餐廳空間闊落，坐位舒適，無論係商務宴客、家庭聚餐或節日慶祝都非常合適。藏酒方面亦非常豐富，展示櫃內名酒琳瑯滿目，對酒迷嚟講係一個亮點。 總括而言，家全七福酒家係一間極具水準嘅高級粵菜餐廳，無論係味道、服務定環境都絕對對得住價錢，係尖沙咀區內中菜界嘅翹楚之一，絕對值得再訪！ #家全七福酒家 #尖沙咀美食 #高級粵菜 #香港酒家 #中菜推薦 #花膠湯 #龍蝦伊麵 #粵菜之最 #商務宴客 #家庭聚餐好去處

Hiu Tung Man 2 年前

黎緊BB岀世後有一段時間都冇得岀街食好野，所以爭取最後機會去咗尖沙咀米芝蓮一星嘅家全七福酒家食晚餐🍴 Tasting Menu ($1000p.p)好豐富，足足有10道菜😍 🥢雞子戈渣 皮蛋醬蘿蔔 蜜汁燒脆鱔 雞子戈渣外脆內軟綿綿，口感好特別！燒脆鱔都好食，個皮好脆，肉質厚身彈牙！ 🥢雞茸燴官燕 好足料，夠滋補🥰 🥢燒雲腿大地田雞片 田雞肉質鮮嫩，調味剛好，炸過嘅金華火腿，鹹甜有緻。 🥢釀焗鮮蟹蓋 食中菜最鍾意蟹蓋 🦀 呢度嘅蟹蓋都尚算足料，蟹肉慷慨，不過洋蔥就略嫌較為突出，稍為遮蓋咗蟹嘅鮮味。 🥢彩椒炒/水煮手切牛肉 揀咗彩椒炒牛肉，牛肉用料好高質，口感軟腍，仲有少少入口即溶，口感非常細膩！ 🥢油雞樅菌炒四季豆 開頭以為係加咗欖菜，原來係用咗樅菌，好少見呢！四季豆炒得有鑊氣之餘，仲保持嫩綠，簡單嘅菜式，但味道不平凡！ 🥢瑤柱荷葉飯 荷葉飯加入大量瑤柱及雞肉，帶有陣陣荷葉香。 🥢生磨合桃露 呢個合桃露超有驚喜，口感細滑，合桃香氣超濃郩！出色！ 🥢鴛鴦棗茸糕 煙煙韌韌，正常發揮。 🥢懷舊芝麻卷 芝麻味道突出，不過就唔夠層次分明，有幾層黏埋咗，略為扣分。 整體食物質素高，價錢我覺得都非常合理，不過擺碟我就覺得有進步空間，起碼可以抹下d邊先上碟🤔

Miss Ding 2 年前

尖沙咀·高級傳統粵菜食府 位於尖沙咀的「家全七福」隸屬成立於2013年的家全七福酒家集團，是一家高級傳統粵菜食府，由擁有50多年經營經驗的前福臨門主理人—徐維均先生所創辦。為了向世界各地的老饕呈獻精緻美味的正宗粵菜，「家全七福」選用最優質上乘的時令食材、珍貴的山珍海味入饌，配合經驗豐富的大師傅之精湛廚藝，細緻演繹馳名粵式佳餚。 環境： ✨餐廳環境寬敞舒適，落地玻璃設計更顯高雅，部分座位能看到海景，適合商務酬酢或親友相聚。 服務： ✨職員友善有禮，積極收拾，用餐時間充足，上菜時間會配合客人速度，貼心之舉。 筆者是日晚上與友人享用了「7Tasting Menu (兩位起)」，每位$1,000。 食物： 🥢 前菜 ✨雞子戈渣：鹹香内軟，有點像芝士豆腐，蠻好吃。 ✨皮蛋醬蘿蔔：帶獨特風味的皮蛋配上夾脆蘿蔔，有助開胃。 ✨蜜汁燒脆鱔：肉質紮實富脆口感，配上中式蜜汁，味道意外地搭配。 🥣 雞茸燴官燕 ✨ 色澤金黃漂亮，發出陣陣鮮香，有點像海鮮羹，但加入滋潤養顏的官燕、絲絲雞茸，矜貴養顏，最適合愛美人士。 🐸 燒雲腿大地田雞片 ✨筆者不吃田雞，但燒雲腿片的做法叫人難忘，經吉列處理，口感佳。 🦀 釀焗鮮蟹蓋 ✨金黃酥脆的炸蟹蓋內盡是絲絲新鮮蟹肉、蔬菜洋蔥碎及忌廉汁，口感味道層次豐富，蠻好吃。 🐮 彩椒炒手切牛肉 ✨色彩繽紛，手切牛肉頗滑嫩，且已去筋，吃起來好方便。 🫛 油雞樅菌炒四季豆 ✨帶香、濃、麻的川辣味道，惹味且口感豐富，蠻適合下飯。 🪷 瑤柱荷葉飯 ✨正當筆者 (胃口很大…) 擔心尚未填飽肚子之時，這一道菜便出現了。荷葉內包裹着加入瑤柱和蛋絲的炒飯，粒粒飽滿，但不會顯得油膩。 🍮 甜品 ✨生磨合桃露：：香濃幼滑，沒有苦味，有補腦保心血管、減低壞膽固醇之用。 ✨鴛鴦棗茸糕：清甜軟糯，必須趁熱吃！ ✨懷舊芝麻卷：現今能吃到芝麻卷的地方已買少見少，盡是回憶的味道！

super bread 2 年前

「家全七福酒家集團」成立於2013年，是一所高級傳統粵菜食府，據說因水準出色，訂位甚為困難；難得好友何故兄攪局，當然第一時間報名。 當晚連開兩圍，試了其中幾味菜式，水準確是不錯；徐德耀老闆及行政總廚余滌新師傅，更親臨現場，令氣氛立時高漲。 首先上場的前菜是溏心皮蛋配清爽的蘿蔔。 之後是外皮香脆，內心嫩滑的雞子戈渣；口感有啲似玉子豆腐，但食落更加鮮甜味美。 大紅片皮乳豬全體（一豬三食！！！） 以獨門手法及家傳秘方炮製，肉質鮮嫩，外皮酥脆，配上薄薄的餅皮，更覺滋味；乳豬更即時切件，脆骨香濃，令人食指大動。 花雕煀雞～ 雞肉嫩滑多汁，醬汁香濃，如配上一小口白飯，應該會更為不錯。 燒雲腿大地田雞片～ 田雞片嫩滑富彈性，營養價值高，脂肪含量低，更含有多種微量元素及蛋白質。 大地欖仁翡翠烏魚球～ 烏魚肥美油份多，又香又嫩滑，更含豐富蛋白質與不飽和脂肪酸；欖仁和芥蘭就有點煮得過腍，如再爽脆一點，應該會更合心意。 瑤柱荷葉飯～ 把蟹肉、瑤柱、鴨肉及冬菇粒等配料，加入飯中一同炒香，再以荷葉包裹清蒸，食落飯粒分明，每一口也帶有荷葉的清香，滋味無窮。 甜品： #核桃酥 #懷舊芝麻卷 #豆沙蘋葉角 #生磨合桃露 #蛋白生磨杏仁茶 三枝秋季清酒： #天吹戀愛秋天純米酒 #天上夢幻冷卸純米吟釀 #千代壽純米酒秋卸 #家全七福 (H Zentre) 地址: 尖沙咀中間道15號H Zentre 7樓 電話: 23613363