Amitie Kitchen

CHIK 6 個月前

樓上浪漫西餐廳，氣氛好慢慢食，食個法式心情 大炙半熟三文魚伴紫蘇莎莎 外層炙燒至微焦香口，內裡保持刺身般軟嫩，火候拿捏精準。紫蘇莎莎帶來清新草本與微酸果香，巧妙平衡三文魚的豐腴油脂。紫蘇獨特香氣在口腔縈繞，與魚鮮共舞，毫無腥膩感。伴碟的莎莎粒粒爽脆，增添層次。是一道兼顧視覺、香氣與味覺的出色前菜，令人胃口大開。 牛肝菌、露筍意大利飯 米粒保留正宗意大利飯的Al dente咬口，吸滿牛肝菌的濃郁森林氣息。菌香深邃而不濁，與鮮嫩露筍的清爽清甜形成對比。忌廉汁濃度恰當，稠而不膩，每口都散發菌鮮。露筍切段增添爽脆感，平衡軟糯飯粒。簡單配料，卻將食材原味發揮極致，是素中見功力的comfort food。 802美國頂級西冷 五成熟切開呈現誘人粉紅，肉汁豐盈。西冷帶有適度油花與嚼勁，肉味濃郁帶礦物鹹香，經高溫煎封後外層焦脆。脂肪邊位甘香不膩，無需醬汁，僅灑海鹽與黑椒已能突顯美國牛肉的原始風味。伴碟烤蒜與時蔬不過場，整體是豪邁而經典的牛扒演繹，滿足嗜肉者慾望。 法式橙酒煮班戟 上桌已飄散焦糖與橙酒香氣。班戟皮軟薄帶蛋香，吸收橙酒醬汁後濕潤甜蜜。醬汁酸甜平衡，橙皮絲增添清新苦澀，化解膩感。輕咬下，酒香溫和縈繞不嗆喉，與忌廉或雪糕同食更添幼滑。傳統法式甜點的優雅盡現，熱食尤其暖心，是完美的飯後結尾。 紅柚四季春 茶底四季春清新帶花香，與紅柚的酸甜果香融為一體。入口先嚐到清爽茶韻，繼而是紅柚微苦回甘的自然風味，無人工糖漿的假甜。冰塊適中，沁涼解渴。底層有少許紅柚果肉，增添咀嚼感。整體比例得宜，果味不搶茶香，油膩感全消。比一般水果茶更顯雅致，是夏日或配搭濃味菜式的絕佳選擇。

LL L 7 個月前

厚福街 H8 一向多野食，今日就同朋友去試下西餐Amitie Kitchen🙂上到去感覺環境舒適，個vibe比較輕鬆。 一上枱係佢地嘅麵包籃🍞 牛角包同埋抹茶提子包都係新鮮烘起熱辣辣好正🤣 --- 🍣 火炙半熟三文魚伴紫蘇莎莎 三文魚表面輕輕火炙，油脂香氣逼出來😎入口仍保留半熟的嫩😍紫蘇莎莎嘅sauce做得好平衡，食完感覺好fresh ! 🍝 香辣蕃茄汁花甲天使麵 天使麵細緻柔滑，掛汁力強🤣蕃茄汁酸甜中帶辣勁，好惹味😍花甲分量唔小而且夠大隻！整體既有海鮮鮮香又不失刺激感，值得一試！ 🥩 美國頂級西冷 西冷牛排叫左五成熟，火候掌握得宜，外層焦香，內裡保持粉嫩🤩油脂分布均勻，配上簡單調味，突顯牛肉本身的濃郁風味。配菜都做得唔馬虎！有南瓜，有蕃茄仔，秋葵仲有扁豆！營養十足！ 🍰 開心果巴斯克 巴斯克芝士蛋糕質地好實在！開心果的堅果香氣滲透其中，甜度適中，是餐後完美的收結🥳 🍹 紅柚四季春 飲品以清香的四季春茶為基底，加入紅柚果肉，酸甜清爽。解膩效果一流。

Koo Joey 8 個月前

位於尖沙咀厚福街H8 9樓Amitie Kitchen，朋友話餐廳主廚係曾經任職五星級酒店，所以今次朋友特登約埋我去食。 我地落單後，店員會先送上自家制麵包盤，配有士多啤梨果醬＆牛油 有三款麵包； 牛角酥 酥脆鬆軟 麵包脆條 香脆惹味 抹茶提子包 外脆內軟，仲有淡淡抹茶香味 火炙半熟三文魚伴紫蘇莎莎 三文魚外層燒到微微焦香，內層保持嫩滑油脂豐富，紫蘇葉既獨特香味和三文魚既油脂感平衡得啱啱好，再配埋油醋汁，清新又開胃。 8oz美國頂級西冷 我地叫左7成熟，切開見到淡粉紅色，肉質鮮嫩仲好多汁，油脂分布均勻，香味四溢，配菜都好新鮮，拌碟用上秋葵，煎到表面焦香，無左唔平時滑潺潺果種口感，食落清新又唔油膩！ 香辣蕃茄汁花甲天使麵 花甲隻隻都好飽滿仲好鮮甜無沙。 天使麵就索晒湯汁裡面既精華，入味又掛到汁，伴住蜆肉和蕃茄醬食好開胃。最正係，你食完成個麵都唔會覺得好漏，個酸辣度平衡得啱啱好。雖然話係「香辣」，但係我朋友唔食得辣既試下試下都食左半碟，個辣度真係得好輕微。 士多啤梨朱古力窩夫拼士多啤梨雪糕 一上枱見到個窩夫擺盤已經覺得好靚好有心思，窩夫表面有少少焦糖食落外脆內軟，再配埋水果＆雪糕一齊食，外冷內熱，提升食味。 總結： Amitie Kitchen無論食材、煮功同擺盤都好有心思，價錢合理，店員好Nice，招呼入座後友善講解食品，服務夠細心體貼。絕對會encore！但記得要訂枱呀，我地平日去食都好多人呀！

fufu eat 8 個月前

舒適好味法式餐廳😆 今晚去咗尖沙咀嘅 Amitie Kitchen食西餐 呢間餐廳環境優雅 氣氛舒適 適合朋友聚餐或者浪漫約會 ✨火炙半熟三文魚伴紫蘇莎莎係一個非常清新嘅開胃菜，三文魚煎至外層微脆，內裡保持半熟嘅鮮嫩口感，配埋紫蘇莎莎嘅微酸同香氣，味道平衡得非常好，令人胃口大開！😍😍超好味！ 主菜方面，牛肝菌露荀意大利飯係當晚嘅驚喜之一，意大利飯嘅質感啱啱好，帶少少硬度，牛肝菌味濃郁，露荀清脆，兩者完美結合，整體香濃又帶層次感😝 另一主菜802美國頂級西冷亦非常出色，我哋揀咗五成熟，牛扒煎至外層微焦，內裡粉紅多汁，選用嘅牛肉質地嫩滑，油香四溢，完全展現咗高質牛扒嘅水準，配埋簡單嘅調味已經係一大享受！🤤 飲品點咗西瓜乳酸梳打，酸甜度非常平衡，西瓜味清新自然，配埋乳酸嘅滑順口感，飲落非常清爽解膩，係食牛扒後嘅絕佳配搭！🍉 最後甜品士多啤梨朱古力窩夫配士多啤梨雪糕完美地為晚餐畫上句號。窩夫外脆內軟，配上濃郁嘅朱古力醬，同清甜嘅士多啤梨雪糕一齊食，好唔錯😆 整晚兩人消費 $885（連加一），以質素嚟講非常值得推介，食物賣相精緻、味道出色，服務亦十分細心。如果你想要一個高質素嘅西餐體驗，Amitie Kitchen 絕對係唔錯嘅選擇！👍🏻

peter chow 11 個月前

火炙半熟吞拿魚伴柚子味增醬一上枱已經吸引眼球，魚肉外層微炙，中心保持嫩滑，入口即化。柚子味增醬酸甜清新，恰到好處地提鮮，令吞拿魚更添風味，唔會搶味，反而令整體更平衡。 美國頂級西冷牛扒火候掌握得宜，外脆內嫩，肉汁豐盈，牛味濃郁。配搭簡單調味，突出牛肉本身質素，咬落去有啖啖肉香，令人滿足。 主菜烤大啡菇鮑魚帶子虎蝦龍蝦汁飯堪稱全場焦點。啡菇香氣濃郁，鮑魚爽口彈牙，帶子鮮甜，虎蝦肉質飽滿，每一口都係海洋精華。龍蝦汁濃郁但不膩，完美滲入飯粒，令整碟飯香氣撲鼻，層次分明。 凍水果茶清爽解膩，茶香與水果味融合得自然，唔會過甜，啱晒配搭重口味主菜。 最後甜品D24榴槤巴斯克蛋糕絕對係榴槤控福音。蛋糕外層微焦，內裡濃郁軟滑，榴槤味香而不俗，唔會太膩，食完仍然口齒留香。