B LI BAR LA

Five Dorothy 5 個月前

經過見到酒吧入面竟然有串燒食，就入去試試喇 有趣既係A5和牛慕絲，像真度幾高同口感有趣。串燒juicy唔乾身，而且份量唔會特別少

Shell.《一個女仔去台灣》 10 個月前

絕對係被串燒耽誤嘅古法窯雞！😆 -餐廳已改名為blibarla 餐廳座位好寬敞，有沙發座椅，仲有一個好大嘅螢幕，播緊K哥MV，我相信如果有啲體育賽事，或者足球比賽嘅時候，餐廳氣氛一定超級好！ - 串燒方面，首先好欣賞佢哋蠟燭一直熱住上菜後既串燒，確保食物到口既時候都仲熱，串燒慢工出細貨，最平$10就有一串！燒菠蘿10分Juicy，就算係簡簡單單嘅一串鹽燒雞腿肉，但食得出師父燒烤嘅功架 - 推薦大家蒜蓉燒珍寶生蠔🦪，做緊特價買一送一，$58就有兩隻巨大嘅蠔，蠔汁多到幾乎滿瀉，蠔肉嫩滑，食咗一半先等於平時出邊串燒店嘅size，愛蠔之人一定會忍唔住食多幾隻！ - 不過最令我估唔到嘅係餐廳最出色嘅係古法窯雞！原隻雞窯燒😍😍大量肉汁😍😍配上獨家配方調味，成隻雞好惹味同Juicy! 不過溫馨提示，大家最好一坐低就落單，因為窯雞需時，而且我仲見到餐廳有做窯雞外賣，好多人專程黎外賣雞翻去食🤣🤣 我相信呢間串燒店賣既古法窯雞應該係尖沙咀名物🤣🤣🤣

Wilson Wong 10 個月前

尖沙咀柯士甸路呢間Blibarla，之前我嚟過，今次拖埋朋友嚟「吹水」，一坐低先叫個2L Stella啤酒炮——成支藍樽擺枱夠晒「派頭」，酒夠凍又順滑，兩個人share真係抵到爛！ 食物一單接一單上：炸紫心香芋丸外脆內綿，蘸埋特調醬甜到入心；鹽燒雞中翼焦香夠味，咬落肉汁噴晒出嚟；汁燒金菇肥牛卷醬汁「撈埋」金菇超惹味。最驚喜係古法窯雞，用錫紙包到實實，拆開陣香氣衝埋嚟，肉嫩到離譜，連骨都想吮埋！ 炒飯兩款都有驚喜：韓式和牛炒飯粒粒分明，和牛香滲晒入飯；泡菜牛胸肉炒飯酸辣開胃，牛胸肉軟腍得嚟帶嚼勁。鹽燒牛舌尖爽彈夠鹹香，味淋魚乾咸香下酒一流，完全係「送酒神器」。 兩個人食到好飽，連酒帶餸都唔貴，環境夠chill，傾計飲酒一流。下次想「hea下」，呢度一定係首選！

Fatfat.hkfoodie 11 個月前

尖沙咀串燒酒吧 最平十蚊一串 今天要介紹的餐廳位於尖沙咀，是一家串燒加酒吧既餐廳。餐廳係酒吧格局適合和朋友放鬆聊天，相對於一般酒吧，呢度既食物尚算划算，性價比不錯。並且而家設有優惠就係食滿$120就會送一碗椰子雞湯。 BLIBARLA 地址：香港尖沙咀柯士甸路7-9號煥利商業中心地下A號舖

misschaninhk 11 個月前

原址已改為《B li Bar La 》 尖沙咀新開串燒店，提供多款串燒 和 飲品。設有多個梳化位 和 獨立K 房。坐得舒服，最啱約朋友嚟，一邊傾下計，一邊慢慢嘆串燒。 串燒 ✨️蜜糖燒菠蘿 $10X4 蜜糖中和了菠蘿酸，味道和諧。 用上新鮮菠蘿，味道冇得輸。 ✨️燒汁秋葵 $15 燒得啱啱好，秋葵鮮嫩多汁。 ✨蒜蓉燒珍寶生蠔 $58 共2隻，手掌咁大，非常肥美。 ✨️蒜蓉燒原條茄子 $38 茄子沾滿醬汁，惹味無窮。 ✨️汁燒白膳 $38 白膳外皮燒到脆，內魚肉多汁。 ✨️味淋魚乾(份) $38 鹹香四溢，點埋附有沙律醬，更加滋味。 ✨️汁烧大蝦 $10 X9 新鮮嫩口，塗上燒汁，倍添惹味。 ✨️香烧翠玉瓜 $10 燒到外面乾脆，入面多汁。 ✨️汁烧油豆腐 $10 豆腐面燒到脆，口感極佳。 ✨️椰子雞湯 $48 椰香四溢，內有雞件，火喉十足。 飲品 ✨獼候跳動 $38 杯面有檸檬乾，杯底有奇異果蓉，飲落甜甜地。 ✨鴨屎香檸檬茶 $38 杯面都有檸檬乾，酸酸甜甜，清怡解渴。 ✨️蔘茶 $58 X2 杯底有好多人蔘片，甘香順喉。