Bakerie.C Pâtisserie

Cherie Kwok 1 年前

Foodie IG @foodpilgrimage.gps ➲ @bakerie.c 工廈隱世甜點軍火庫！每款酥皮都脆到天怒人怨，流心餡料獨香製法，特別係芝士酥鹹甜衝擊力爆表，焙茶葡撻顛覆傳統，觀塘手信冇得輸！ ➳ 初心 𝐏𝐢𝐬𝐭𝐚𝐜𝐡𝐢𝐨 𝐘𝐮𝐳𝐮 𝐓𝐚𝐫𝐭 開心果｜開心果醬｜柚子甘納許｜開心果杏仁奶油餡 開心果撻三重奏直擊！脆撻底咬開，湧出濃到黏喉嘅開心果杏仁奶油餡，頂層柚子甘納許酸溜醒神，完美中和甜膩，食完成個口腔飄住果仁香。 ➳ 黑松露芝士酥 𝐁𝐥𝐚𝐜𝐤 𝐓𝐫𝐮𝐟𝐟𝐥𝐞 𝐂𝐡𝐞𝐞𝐬𝐞𝐜𝐚𝐤𝐞 𝐂𝐫𝐨𝐢𝐬𝐬𝐚𝐧𝐭 𝐂𝐮𝐩 松露香霸氣到似漏煤氣，酥皮千層飛屑，一啖咬穿流心芝士餡，鹹甜交織。 ➳ 抹茶芝士酥 𝐌𝐚𝐭𝐜𝐡𝐚 𝐂𝐡𝐞𝐞𝐬𝐞𝐜𝐚𝐤𝐞 𝐂𝐫𝐨𝐢𝐬𝐬𝐚𝐧𝐭 𝐂𝐮𝐩 宇治茶粉甘苦，流心芝士餡奶滑，酥皮仲有牛油焦香尾韻，凍食似雪糕芝士大福，熱食流心唔油膩。 ➳ 焙茶葡撻 𝐇𝐨𝐣𝐢𝐜𝐡𝐚 𝐏𝐨𝐫𝐭𝐮𝐠𝐮𝐞𝐬𝐞 𝐄𝐠𝐠 𝐓𝐚𝐫𝐭 港葡混血，撻皮鬆化，焙茶蛋漿茶香超濃郁，炭燒風味襯托焦糖脆面。 ➳ 杜拜朱古力可麗露 𝐃𝐮𝐛𝐚𝐢 𝐂𝐡𝐨𝐜𝐨𝐥𝐚𝐭𝐞 𝐂𝐚𝐧𝐧𝐞𝐥𝐞 可麗露外殼焦脆帶蜜蠟香，內裡溏心流住中東風開心果濃漿，苦甜深邃，面頭仲有杜拜脆脆。 ⤵ @bakerie.c 觀塘興業街14號永興工業大廈6樓C9A號舖 #hkfood #hkrestaurant #hkcafe #cafehk #hk #hkfoodie #hkfoodblogger #hkcoffee #hkcoffeeshop #coffeeinhongkong #cafeholic #foodblog #foodblogger #foodreview #香港美食 #香港食評 #網店美食 #可麗露 #杜拜朱古力 #麻糬 #芝士酥 #葡撻 #開心果 #工廈美食 #可露麗 #黑松露 #開心果撻 #bakeriec

Yuna Chiu 2 年前

無論葡撻定凍批都咁好食！外觀亦好靚 Staff好nice 會推薦同介紹唔同款式 葡萄同凍批都係最好即日食 最好味 葡撻個撻底超正 望落個層數已經好吸引 原味好好味 勁香蛋香 口感又好 另外食過伯爵茶都好好味 成件事好夾 凍批the moon非常好食 批底整得岩岩好 唔會太硬太厚 非常好味 勁重檸檬味 好香甜 唔會太甜膩

Marvel Chu 2 年前

觀塘人氣酥皮葡撻-Bakerie.C Fb:下一站豬欄; IG@Pig7station 聽講呢間係由IG店變咗實體店，主打撻類😂見到好多人嚟呢間買散水餅，就諗住過嚟睇吓，最後試咗原味葡撻😀 拎到返屋企用氣炸鍋焗翻熱佢，就好似新鮮出爐一樣，未食已經聞到陣陣香味🤤表面係由多層酥皮整成，好香脆，蛋漿好滑，滑到好似布甸咁😂而且表面焗到焦糖化，有濃濃嘅焦糖香味，有別於傳統葡撻，大家可以試一試👍🏻👍🏻

Daisy Chan 2 年前

人氣網上手工撻店化身實體店 檸檬芝士撻輕盈清新 Tea @ 19 Apr 2023 (Wednesday) Bakerie.C 是一家以法國為靈感的糕點店，具有香港獨特的口味，旨在提供精緻的法國經典美食，以滿足你的甜食需求。Bakerie.C以網店起家，工場設在觀塘興業街，近年開始涉足於實體店，目前在MOKO一田內有自取點和現貨供應，也曾與觀塘一田合作，設有限時形容的POP UP自取點和現貨供應。 Bakerie.C主打法式手工撻和磅蛋糕，手工撻的款式眾多，取名也相當有心思，例如名為「The Moon」的檸檬芝士撻 (Lemon Cheesecake Tart)、「初心」的開心果撻、「三點三」的花生醬麻糬撻。名字相當有巧思。另外也有售磅蛋糕，拍攝當天有抹茶奶酥磅蛋糕 (Matcha Pound Cake) 的現貨供應。 The Moon - $36 如果你正在尋找一種酸、鹹衝擊的甜品，那麼檸檬芝士撻是必須嘗試的。 這款The Moon完美融合了芝士蛋糕的鹹味和檸檬的酸味。 餡餅的外皮呈曲奇皮且易碎，口感脆身。 餡料由燒蛋白霜、檸檬凝醬和芝士蛋糕製成，口感順滑。 檸檬味並不過分，反而為豐富的芝士增添了清爽的風味。 總括而言，The Moon是一款令人愉悅的甜品，口感清爽輕盈，無論是作為一頓豐富晚餐後的甜品還是休閒的下午茶，它都是適合的選擇。

HK Foodpath 5 年前

同事派散水餅時食過迷你版一抹，念念不忘，幾個月前已經買過手工撻，可惜運送途中有兩件甩頭甩骨，啲相出唔到街，上星期去開觀塘順便回購，仲試賣磅蛋糕。同區其實有唔少賣撻嘅小店，但無論味道定質感，我都覺得Bakerie.C更勝一籌，撻底香脆而唔油，厚度適中，抹面靚而且質素穩定。手工撻每日款式唔同，可以留意店家ig或問下店主，好可惜星期六通常款式較少，今次又試唔到初雪/離島/yellow submarine。疫情期間可能不設現貨，記得提早預訂。 🍽一抹(焦糖抹茶撻) $39 相信店内最受歡迎嘅款式非一抹莫屬，頂層係丸久小山園若竹抹茶粉製作嘅甘納許，苦味比較明顯，所以底層就配以鹹甜海鹽焦糖醬，平衡得宜。 🍽The Moon(檸檬芝士撻) $35 呢款係檸檬撻嘅變奏，加左芝士蛋糕，而且芝士味都頗明顯。頂層嘅蛋白霜相當輕盈，檸檬凝醬酸度剛好，係想象到嘅味道但唔錯。 🍽雲海(棉花糖朱古力撻) $39 雲海由一粒粒棉花糖組成，烤過所以面頭結實底下黏軟，下一層係混入花生碎嘅Valrhona 62%朱古力甘納許，成個撻嘅口感好豐富，但對我黎講甜左少少。 🍽寶妮(士多啤梨香草卡士達撻) $42 Custard有好多雲尼拿籽，軟滑香甜，配帶酸嘅士多啤梨幾清新。 🍽黑點子(黑芝麻慕斯撻) $35 上次食嘅，比埋大家睇睇，唔知店主係咪因受芝麻湯圓啓發，所以麻糬偏軟身，用黎做湯圓皮嘅替代品呢？黑芝麻慕斯雖不至於芝麻糊咁濃，但都夠味而且會咬到芝麻碎，好食。 🍽抹茶奶酥磅蛋糕 $150 磅蛋糕一條切到8片左右，都係以若竹製作，奶酥嘅苦味會更明顯，個人覺得蛋糕嘅茶味可以再濃少少。蛋糕密度高但有少少鬆散，唔係極濕潤果種，以磅蛋糕黎講甜度偏低，推薦用焗爐翻熱，個邊會脆脆地更好食。整體黎講幾出色，想試埋個咖啡味！