Holam bakery

Eva Yim 7 個月前

大推：吉士焦糖燉蛋千層, 軟綿中帶有層次, HOLAM就是我食過既千層蛋糕最好食的一間, 比M字還要好, 未食過既可以試下.

Lam Szsuki 8 個月前

終於食到最近大熱嘅杜拜開心果朱古力Q餅！ 買問到某麵包舖嘅糯米糍，只好係其他店買 因為我真係好想試下係咪真係咁好食🤣 . 見到Holam Bakery有出杜拜開心果朱古力Q餅！今日放假就立即去買順便買埋千層蛋糕😌 . 杜拜開心果朱古力Q餅 $45一粒 一打開好香朱力味，食落超濃開心果醬味加埋脆脆口感唔錯，味道係幾好，只係我個人唔太鐘意食太多醬嘅食物🤣 鐘意食多醬多餡嘅好岩食😛 . 香芋牛乳千層蛋糕 $35 千層蛋糕以前係觀塘返工會成日買黎食，但都有幾年無食，千層蛋糕皮薄，配埋香芋同牛奶cream，有啲入口即溶嘅感覺，忍唔住一啖接一啖好快食唒~

Mochi 1 年前

(*´ω`*)觀塘名物 | 人氣千層蛋糕 Holam Bakery 屋企人去觀塘除左買大熱既CASABAKE之外，當然唔少得喺附近既 @holam_bakery 😍(真係喺附近架😃，都係駱駝漆大廈3座4樓😎) 🔅曲奇麻糬 ($39) Oreo既甜品通常都少伏，因為塊餅好易會腍晒又無oreo味，但呢間唔會！Oreo味算濃，仲要有我最愛既麻糬💕～原本千層有cream會膩，我本人就唔太好😂，但加左麻糬balance返唔會膩，口感又更豐富🤩。麻糬仲要有2層，係偏軟糯，同千層好夾💯 🔅阿華田流心 ($39) 阿華田味由細食到大，都係易中伏之一😂，但都係食到好香濃既華田味～千層皮唔厚，cream唔算多，中間真係堅流心😍，無得輸🤎 🔅抹茶麻糬 ($39) 同屋企人都覺得相比起上面2隻味抹茶就普通少少，抹茶唔算好回甘 🔅杜拜開心果脆脆麻糬盒子 ($58) 盒子好足料，一啖食到cream、麻糬、手指餅etc。脆脆好食，但有多啲就好🤣 💬holam真係千層蛋糕質素保證，價錢一定無連鎖咁平，但口味夠多，有時都會轉下，未出po已經食多左一次😂

Yuna Chiu 上次編輯：2 年前

每日有嘅款式有d唔同 可以上fb page望下 好味又抵食嘅千層蛋糕 隔壁有小小位可以堂食立食 千層蛋糕Oreo麻糬好好味 唔會太甜 麻糬口感亦好好 巴斯克芝士×開心果都好好味 玫瑰味都唔錯 巴斯克芝士流心蛋糕切件 我覺得超級好味！！流心嘅口感好好 芝士蛋糕幾軟熟 配埋個cream正 麻糬盒子個人覺得普普通通 麻糬餡係新鮮煙韌好食嘅 不過成個盒子感覺比較dry 估唔到飲品都幾好味 原價$25 有買千層蛋糕就$20 都幾抵飲 又夠晒凍好消暑 巨峰乳酸爆珠梳打好好味 乳酸味唔會太重 整體味道好夾 唔會過甜 之前期間限定嘅嘅班戟漢堡$15超級味！！班戟軟熟 整體少少甜味 甜度岩岩好 仲要係流心蛋 超高質！ 中秋仲有千層月餅訂 幾特別 個皮好味 入面層層分明 口感都好好 完全解凍個味味重d 部分解凍就似食雪糕咁 係好味嘅下年會再訂

Dolly Chan 5 年前

之前買了中伏的千層蛋糕 QAQ 這次再接再厲挑戰另一間別人推薦的！ 位於觀塘駱駝漆大廈的 - Holam_bakery 是主打千層蛋糕。 每天會公佈當日出售什麼口味，可以透過whatsapp查詢和下單預留。 （要注意： 4件或以上切件才可以預留） 確認訂單後，在當日關店前去付錢取貨就可以囉 我選了四款口味 - 海鹽檸檬、香芋牛乳、伯爵茶和抹茶流心 因為沒冰袋的話Keep到1.5小時左右，所以取蛋糕時我有自備冰袋。 當中覺得最不錯的是海鹽檸檬 十足的檸檬味，每一口吃落都很醒神呢 另一件的香芋牛乳是雙層顏色，上層的牛乳頗濃郁， 但是香芋的部份就一般而已～吃落不像真的芋頭製成那樣子。 伯爵茶其實也不錯，但由於味道較為淡身一點~應該要先吃！ 不然茶味有機會因為前者的太濃以變弱了 ... 最後我發現切件的話不應該選「流心」!!! 貌相變得崩壞了 ... 但就味道來說，這抹茶很香濃！初嚐有澀味~之後便是回甘！ 吃過四款口味後，覺得這間的千層蛋糕不會很甜 ... 但可能由於能選擇的口味頗多，要再試試其他才能定斷!? 口感方面，忌廉質地很滑順～班戟皮薄薄的不會很乾！ 朋友帶回家放進雪櫃第2日才吃也沒怎樣影響口感的喔 四件切件千層蛋糕實收$148 如果想一次過試很多款的話，建議大家買併件圓個蛋糕！