Caturday Hotel 喵の寮 (貓酒店/Cat Hotel)

ck 1 年前

屋企整冷氣小裝修執漏，送咗兩隻肥嘢去貓酒店，因為熟朋友介紹，非常信得過。以為雙肥會唔習慣，點知樂而忘返，開心到尾都豎起埋。當左人哋店主Napo哥哥係大佬，依家唔願返屋企。 喵の寮照顧店主細心妥善，環境清潔企理，設計完全由貓的角度出發，獨立房間，設置二十四小時CCTV，主人可以放心觀察貓貓一舉一動，每日有放風時間，貓貓可以盡情探索。另外，仲提供沖涼美容服務。 住咗幾日，髀髀自信心返晒嚟，迅速當咗自己係貓店長，巡視業務。驚青肥囝由最初鵪鶉變返覇氣技安，回復破壞王本色，蝦蝦霸霸。 感恩遇上又愛貓又細心又有耐性嘅Napo哥哥，我已經好多年冇去旅行，呢度令我睇到去旅行嘅希望🥹🥹🥹。

Yeeting Lee 1 年前

店主，我地想比番個好評你啊⭐️多謝你呢個星期咁用心照顧Dumbo and Dusty🥹佢地一隻極E一隻極I，身體又唔算好，我地本身都好擔心佢地會不吃不喝😮‍💨不過後來發現擔心完全多餘，店主好細心觀察佢地嘅習慣同需要，邊一隻飲水多少都知道；遷就佢地嘅性格同佢地相處，比Dumbo放風滿足佢愛冒險嘅心，比Dusty慢慢適應又不時撩下佢玩，仲麻煩到你要拆門救岀呢隻驚到玩自閉嘅傻貓😵‍💫。 酒店設備好齊全，氣溫同濕度都好舒服，而且仲有CCTV可以俾主人日夜望住自己隻貓嘅度假生活，店主仲日日腥靚相，又每日紀錄幾次食飯屙嘅狀況☺️最後Dumbo已經玩創佐個心，由一開始怕羞變番口水妹，唔捨得番屋企了；雖然Dusty驚青，但估唔到照樣食訓疴得，半夜仲郁好多周圍行🫣多謝你悉心照顧我兩隻極端性格嘅貓貓。第一次住貓酒店嘅度假體驗系100分，十分推薦比其他養貓朋友⭐️⭐️⭐️⭐️⭐️

Nova Ko 2 年前

第一次帶貓貓去住貓酒店，本身已經預咗佢哋會好難適應，日日都好擔心佢哋😂😂店主好細心，又提議幫我哋分房，又每日都早咗返去幫我睇住啲貓貓，因為有其中一隻好細膽，幾日都唔肯食嘢，用盡方法幫我隻貓適應😂😂店主好錫貓貓！另外兩隻一歲嘅貓貓就好叻豬，適應咗之後好食好住 貓酒店地方好大，又乾淨企理，無異味，又flexible, 仲會日日報告大小二便，又有溫度計（我哋其中一隻貓好怕凍），係一間好細心嘅貓酒店🫶🏻🫶🏻

Pluto Pluto 2 年前

我隻次郎仔第一次出街沖涼真係好乖☺️細心老闆都讚佢乖，我都揀左好幾間，最後揀喵之寮🐱 佢係酒店，但又接寵物美容服務 ，真好彩 鋪頭比我第一印象係好乾淨😄同埋全木設計感覺好舒服 。 ⭐️誠意推介⭐️貓貓專屬酒店＋貓貓美容服務，老闆為左貓貓空間舒服啲每間房都好大，所以房間唔算多，但重質不重量，環境又舒服乾淨， 老闆為左每隻貓可以公平出黎玩， 用咗全日時間獨立放風每只貓貓，比佢地放鬆下，而唔係全日困喺間房，絕對唔係所有貓酒店做得到 。 細心老闆真係對寵物好溫柔，又有耐心，見佢手上已經好多傷痕，真係辛苦晒，好在次郎都好乖🥹 🔴酒店最大優點係，主人可以全程睇住貓貓沖涼過程👍🏼👍🏼👍🏼

Yipyip Fung 2 年前

大大推薦呢個貓咪酒店🏠 環境好好 第一次入去，感覺好似去左日本。 都係以貓咪為主 為貓咪度身訂造咗 好舒適嘅空間，係一間令貓奴放心的貓酒店。 貓店長亦都好好客，會跟住你行嚟行去。 貓咪最驚沖涼，但係因為老闆好有愛心，所以佢唔怕。 完全信任訓左落老闆隻腳到🥰 環境好乾淨，沖完涼仲可以喺度跑返幾圈